Números 8:20 - Bible in Tzotzil de Chenalhó with Deuterocanon

²⁰ Li Moisés, xchi'uc Aarón, xchi'uc scotol israeletique la xch'unic scotol c'usi i'albat yu'un Muc'ul Dios li Moisés ti tsc'an tspasic ta sventa li levietique.

Bible in Tzotzil de Chamula

²⁰ Jech ti Moisese, ti Aarone, xchi'uc scotol ti israeletique, laj xch'unic ta spasel jech c'u cha'al ti Dios laj yalbe mantal ti Moisés ta sventa sc'oplal ti levitaetique.

Números 8:20 Iomraidhean Croise

Éxodo 12:50

Li israeletique la spasic scotol jech chac c'u cha'al i'albatic yu'un Muc'ul Dios li Moisés xchi'uc Aarone.

Números 1:50

Li levietique ja' no'ox te xavac' abtejicuc o ta jch'ulna pasbil ta nucule. Ja' ac'o sventainic o scotol li c'usitic te chtune xchi'uc scotol li c'usitic ja' sventa o li ch'ulnae. Ja' tsventainic yich'el batel noxtoc li ch'ulna pasbil ta nucule xchi'uc scotol li c'usitic te oye yu'un ja' te chtunic o ta ch'ulna pasbil ta nucul. Xchi'uc te ac'o spas scarpanaic ta spat xocon li ch'ulna pasbil ta nucule.

Números 1:54

Li israeletique lic spasic scotol jech chac c'u cha'al i'albat yu'un Muc'ul Dios li Moisese.

Números 8:19

Li levietique ja' la jt'uj loq'uel ta stojol scotol li achi'iltac ta israelale. Laj yich'ic aq'uel ta stojol li Aarón xchi'uc xnich'nabe, yu'un jech ja' xq'uexol achi'iltac ta israelal chc'otic, yu'un ja' te chtunic o ta ch'ulna pasbil ta nucul. Xchi'uc jech xu' chch'aybat smulic ta stojol Dios li achi'iltac ta israelale jech mu persauc ja' chnopajic batel ta ch'ulna stuquic, yu'un jech mu'yuc c'usi chc'ot ta pasel ta stojolic”, xi li Muc'ul Diose.

Números 8:21

Li levietique laj yich'ic lecubtasel, xchi'uc la xchuc' lec sc'u'ic. Jech li Aarone laj yac' ta stojol Dios. Ja' jech ic'otic jech chac c'u cha'al lequil matanal. Xchi'uc la spas li c'usitic tsc'an pasel ta sventa chich'ic lecubtasele.

Números 9:22

Me chib c'ac'al, me jun u, o me jun jabil te chcom ta sba ch'ulna li toque, li israeletique te nacalic o; mu'yuc tstotsic batel. Ja' c'alal ta xlic xanovuc batel li toque, ja' to chlic xanovicuc batel ec.

Números 9:5

C'alal mal xa'ox c'ac'al ta xchanlajunebal c'ac'al yochel li u ta sliquebal jabile, la spasic li q'uin Coltael te ta xocol banamil ta Sinaie. La spasic scotol jech chac c'u cha'al albil yu'un Muc'ul Dios li Moisese.