Números 8:17 - Bible in Tzotzil de Chenalhó with Deuterocanon

¹⁷ Yu'un li sba yol xnich'onic achi'iltaque, sc'oplal ja' cu'untac xchi'uc li sba yol sts'unub yovolique. C'alal la jmilbe scotol sba yol xnich'onic li egiptoetique, ja' la jnac' comel scotol li sba yol xnich'onic achi'iltaque yu'un ja' cu'untac.

Bible in Tzotzil de Chamula

¹⁷ Yu'un scotol sba xnich'nabtac ti israeletique, ja' cu'un, xchi'uc xtoc ti sba yoltac ti xchon sbolomique. Ti c'alal laj cac' chamicuc sba xnich'nabic ti egipcioetique, ja' laj jpojic yo' jech ta xc'ot ta cu'un ti sba xnich'nabic ti israeletique.

Números 8:17 Iomraidhean Croise

Salmos 105:36

La smilbe noxtoc scotol li sba squeremic te ta sjunul yosilalique, ja' li sba sts'unubique.

Salmos 135:8

Ja' laj yac' chamuc noxtoc li sba queremic te ta Egiptoe; lic smilbe sba squeremic xchi'uc c'alal ta sba yol chonbolometic.

Salmos 78:51

Jech noxtoc la smilbe scotol li sba xnich'nab egiptoetique, ja' li sba sts'unubic smomnich'nabtac Came.

Éxodo 12:29

Li Muc'ul Diose ta o'lol ac'ubal ech' smilbe scotol sba xnich'nab li egiptoetic ta jujubej snaique. Icham c'alal ta sba xnich'on li ajvalil faraone, xchi'uc sba xnich'nabic li boch'otic ochemic ta chuquele, xchi'uc li sba yol sts'unub yovolique.

Éxodo 13:2

“Voc'bicun li sba anich'nabique, yu'un scotol li sba xnich'nab achi'iltac ta israelale xchi'uc scotol li sba yol sts'unub yovolique ja' cu'un”, xut.

Éxodo 29:44

Li ch'ulna pasbil ta nucul, xchi'uc li scajleb jmotone ts'u'iltasbil chcom o cu'un. Jech ec li Aarón xchi'uc xnich'nabe ja' ch'ul paleetic chcom o cu'un.

Ezequiel 20:12

Laj cac'beic noxtoc li sc'ac'alil cuxub o'ntonal cu'une, yu'un ja' sna'ubil chcom ta stojolic xchi'uc ta jtojol, jech tsna'ic ti vu'un jts'u'iltasoj, vu'un li Muc'ul Diosune.

Levítico 27:26

“Li sba yol ats'unub avovolic ti ja' ono'ox cu'une, me vacax, o me chij, mu'yuc boch'o xu' tsvoc' sventa chac'bun o ta jtojol, yu'un ja' ono'ox cu'un.

Números 3:13

yu'un ja' ono'ox cu'un li sba avol anich'onique. C'alal la jmilbe scotol sba yol xnich'on li egiptoetique, ja' la jnac' comel scotol li sba avol anich'onic, vo'oxuc li israeloxuque, xchi'uc li sba yol ats'unub avovolique yu'un ta xcu'uninic. Ja' yu'un ja' me cu'untac c'otemic, vu'un li Ajvalilune”, x'utat yu'un Muc'ul Dios li Moisese.

Números 8:18

Pero ta sventa ti mu'yuc bu ta xquic'beic o li sba yol xnich'onique, ja' yu'un ja' laj quic' o ta jtojol scotol li levietique yu'un ja' xq'uexol sba yol xnich'nab achi'iltac ic'otic.

San Lucas 2:23

Yu'un jech ts'ibabil ta mantaletic yu'un Dios: “Scotol li sba anich'nabic, me quereme voc'bicun”, xi li Diose.

San Juan 10:36

Pero li boch'o t'ujbil yu'un Dios, xchi'uc ti tacbil tal yu'un Dios li' ta banamile ¿c'u yu'un chavalic ti tstoy sba ta stojol Dios c'alal chal ti ja' Xnich'on Diose?

San Juan 17:19

Ja' ta sventaic ti yutsil co'nton jtuc chcac' jbae, yu'un jech ta yutsiluc yo'ntonic ac'o yac' sbaic ta sventa ec li c'usi melele.

Hebreos 10:29

¿C'u to stsatsal tstoj smul xana'ic li boch'o chpech'beic ta teq'uel Xnich'on li Diose, ti mu'yuc xa stu ta yo'ntonic li xch'ich'al Cristo laj yac' tunuc ta sventa c'usi la xchapan Diose, ti chopol chalbeic sc'oplal li Ch'ul Espíritu ti ja' xc'uxubinelique?

Hebreos 11:28

Ta sventa xch'unojel yo'nton la spasic li q'uin Coltaele, xchi'uc ti la sbonic ch'ich' ta sti' snaique, yu'un jech mu xich'ic milbel sba xnich'nabic yu'un Jmilvanej j'almantal ti c'alal chich' milbel scotol sba xnich'nab li egiptoetique.

Santiago 1:18

Ta sventa ti jech la sc'an stuc li Diose, jech laj yac' cha'voc'cutic ta sventa li sc'op ti ja' melele, jech vu'utic sliqueb lijc'ot yu'un scotol li c'usitic spasoje.