Números 8:16 - Bible in Tzotzil de Chenalhó with Deuterocanon

¹⁶ Ta scotol li achi'iltac ta israelale ja' no'ox voc'bil cu'un li levietique. Ja' xa chquich' ta sventa xq'uexol scotol li sba xnich'nabic achi'iltac ta israelale.

Bible in Tzotzil de Chamula

¹⁶ Yu'un ti c'u yepal oyic ta stojolic ti israeletique, biinemic ti c'otemic ta cu'une. Jech ti vu'une mu'yuc ta jbajic ti ja' c'otic ta q'uexolil yu'unic ta sventa scotol sba xnich'nabtac ti israeletique.

Números 8:16 Iomraidhean Croise

Éxodo 13:2

“Voc'bicun li sba anich'nabique, yu'un scotol li sba xnich'nab achi'iltac ta israelale xchi'uc scotol li sba yol sts'unub yovolique ja' cu'un”, xut.

Números 3:12

“Li levietique ja' la jt'uj loq'uel ta stojol scotol achi'iltac jech chac c'u cha'al ja' cu'un li sba avol anich'onique. Ja' xq'uexol c'otem li sba avol anich'onique. Ja' cu'un c'otemic o

Números 3:13

yu'un ja' ono'ox cu'un li sba avol anich'onique. C'alal la jmilbe scotol sba yol xnich'on li egiptoetique, ja' la jnac' comel scotol li sba avol anich'onic, vo'oxuc li israeloxuque, xchi'uc li sba yol ats'unub avovolique yu'un ta xcu'uninic. Ja' yu'un ja' me cu'untac c'otemic, vu'un li Ajvalilune”, x'utat yu'un Muc'ul Dios li Moisese.

Números 3:45

“Li levietique ja' xq'uexol sba xnich'nab achi'iltac ta israelal c'otemic. Jech noxtoc li sts'unub yovol levietique ja' xq'uexol sts'unub yovol chc'ot ec li israeletique. Yu'un li levietique ja' cu'un, vu'un li Muc'ul Diosune.

Números 3:6

“Ic'o tal scotol li jchop achi'iltac liquemic ta Levie. Ac'o talicuc ta stojol li Aarone. Ac'o tunicuc yu'un; ac'o spasic li c'usi ch-albatique.

Números 3:9

Voc'ol ac'o comuc avu'un scotol li levietique yu'un ja' no'ox ac'o tunicuc ta stojol li Aarone xchi'uc ta stojol li smomnich'nabtaque. Mu me jmojuc xcomic xchi'uc li yantic israeletique.