Números 8:14 - Bible in Tzotzil de Chenalhó with Deuterocanon

¹⁴ Jech voc'ol chc'otic o ta stojol scotol li yantic achi'iltac ta israelale, jech ja' cu'untac chc'otic o.

Bible in Tzotzil de Chamula

¹⁴ Ja' jech ch'acbil ta xc'ot ti levitaetic ta stojol ti yan israeletique yo' jech ta xc'otic ta cu'un.

Números 8:14 Iomraidhean Croise

Malaquías 3:17

Li Muc'ul Dios ti tspas ta mantal scotol te ta vinajele jech chal: “C'alal chc'ot sc'ac'alil c'usi ora chapal cu'un chi'abtej ta stojolique, ja' mero jc'ulejalic chc'ot; ja' cu'untac chc'otic o. Ta xc'uxubajic ta co'nton jech chac c'u cha'al jun totil ti chlic c'uxubajuc ta yo'nton xnich'on ti c'alal chtun yu'une.

Números 18:6

Vu'un la jvoc' loq'uel ta stojol achi'iltac ta israelal li levietique yu'un ja' avajcoltaubbailic cu'un, yu'un ac'o scoltaoxuc ta abtel te ta ch'ulna pasbil ta nucul.

Números 3:12

“Li levietique ja' la jt'uj loq'uel ta stojol scotol achi'iltac jech chac c'u cha'al ja' cu'un li sba avol anich'onique. Ja' xq'uexol c'otem li sba avol anich'onique. Ja' cu'un c'otemic o

Números 3:45

“Li levietique ja' xq'uexol sba xnich'nab achi'iltac ta israelal c'otemic. Jech noxtoc li sts'unub yovol levietique ja' xq'uexol sts'unub yovol chc'ot ec li israeletique. Yu'un li levietique ja' cu'un, vu'un li Muc'ul Diosune.

Números 3:9

Voc'ol ac'o comuc avu'un scotol li levietique yu'un ja' no'ox ac'o tunicuc ta stojol li Aarone xchi'uc ta stojol li smomnich'nabtaque. Mu me jmojuc xcomic xchi'uc li yantic israeletique.

Números 6:2

“Jech xavalbe ya'yic scotol li achi'iltac ta israelale: Me oy junuc vinic, o ants ti chal ta jamal ti j'ech'el chac' sba o ta jtojol sventa cabtele,

Números 8:13

Li levietique vo'ot xava'an ta ora no'ox ta stojol li Aarone xchi'uc ta stojol li xnich'nabtaque. Ja'o xlic apas li c'usitic tsc'an pasel sventa chavac'bun o ta jtojole.

Números 8:17

Yu'un li sba yol xnich'onic achi'iltaque, sc'oplal ja' cu'untac xchi'uc li sba yol sts'unub yovolique. C'alal la jmilbe scotol sba yol xnich'onic li egiptoetique, ja' la jnac' comel scotol li sba yol xnich'onic achi'iltaque yu'un ja' cu'untac.

Romanos 1:1

Vu'un Pabloun, vu'un yajtunelun li Jesucristoe. Ic'bilun sventa li'och ta yajtacbolal. Voc'bilun o ta xcholel li Lequil A'yej ta sventa Diose.

Gálatas 1:15

Pero li Diose t'ujbilun ono'ox yu'un ti c'alal mu'yuc to'ox chivoq'ue. Jech c'alal ic'ot yorail yu'une, ta yutsil yo'nton stuc laj yic'un.

Deuteronomio 10:8

Ja'o yorail lic t'ujaticuc yu'un Dios li smomnich'nabtac Levie, yu'un ja' chich'beic batel li xcaxail smantal Muc'ul Diose, xchi'uc ja' te chcomic o ta stojol, ja' te chtunic o, xchi'uc ja' yabtel chaq'uic bendición ta sventa Muc'ul Dios cu'untic jech chac c'u cha'al tspasic li' ta orae.

Hebreos 7:26

Yu'un li Banquilal Pale cu'untique lec jbalintic. Yu'un tuc' yo'nton, mu'yuc smul, me jutuc mu'yuc yic'ubal; mu co'oluc jech chac c'u cha'al vu'utic ti jpasmulilutique, xchi'uc x'ech' to smuc'ul ic'ot jech chac c'u cha'al li vinajele.