Números 8:13 - Bible in Tzotzil de Chenalhó with Deuterocanon

¹³ Li levietique vo'ot xava'an ta ora no'ox ta stojol li Aarone xchi'uc ta stojol li xnich'nabtaque. Ja'o xlic apas li c'usitic tsc'an pasel sventa chavac'bun o ta jtojole.

Bible in Tzotzil de Chamula

¹³ Mi laj une, ta xava'anic ta sts'el ti Aarón xchi'uc ti xnich'nabe, ti xaye'ilan xa ac'ob ta xavalbe sc'oplal stunelic ti ta xanabanbun ta cajtunele.

Números 8:13 Iomraidhean Croise

Números 18:6

Vu'un la jvoc' loq'uel ta stojol achi'iltac ta israelal li levietique yu'un ja' avajcoltaubbailic cu'un, yu'un ac'o scoltaoxuc ta abtel te ta ch'ulna pasbil ta nucul.

Números 8:11

Li Aarone ac'o xbech sc'ob sventa chiyac'bun ta jtojol li levietique yu'un ja' xq'uexol israeletic chc'otic o. Jech li levietique voc'bil chcomic o ta sventa cabtel.

Números 8:12

Li levietique ac'o yac' sc'obic ta sjol li ch'ium tot vacaxetique. Jcot ac'o yich' milel ta sventa smulic. Jcot ac'o yich' chiq'uel sventa chich'ic lecubtasel o.

Números 8:14

Jech voc'ol chc'otic o ta stojol scotol li yantic achi'iltac ta israelale, jech ja' cu'untac chc'otic o.

Números 8:21

Li levietique laj yich'ic lecubtasel, xchi'uc la xchuc' lec sc'u'ic. Jech li Aarone laj yac' ta stojol Dios. Ja' jech ic'otic jech chac c'u cha'al lequil matanal. Xchi'uc la spas li c'usitic tsc'an pasel ta sventa chich'ic lecubtasele.

Romanos 12:1

Ja' yu'un quermanotac, ta sventa ti ep la xc'uxubinoxuc li Diose, ta jc'anboxuc vocol ta atojolic ti ac'o avac'beic sventain o abec'talique, yu'un jech ja' cuxul matanal chc'ot, ja' ch'ul matanal; toj lec xcuxet yo'nton yu'un li Diose. Ja' jech li mero yich'el ta muc' Dios tsc'an chapasique.

Romanos 15:16

Vu'un yajtunelun Dios ta stojol li yanlum cristianoetique. Ja' cabtelinoj xcholel li Lequil A'yej yu'un Diose, yu'un jech xu' chc'otic ta smoton Dios li yanlum cristianoetique. Ja' smoton Dios ti toj lec chile, ti lecubtasbil xa yu'un li Ch'ul Espiritue.