Números 8:12 - Bible in Tzotzil de Chenalhó with Deuterocanon

¹² Li levietique ac'o yac' sc'obic ta sjol li ch'ium tot vacaxetique. Jcot ac'o yich' milel ta sventa smulic. Jcot ac'o yich' chiq'uel sventa chich'ic lecubtasel o.

Bible in Tzotzil de Chamula

¹² Ts'acal to un, ti levitaetique ta scajan sc'obic ta sjol ti vacaxetique. Ti jun ta scotol ti vacaxe, ta xich' svocol ta scoj ti mulile. Ja'uc ti jcote, ta xich' chiq'uel ta sventa smesel stusel ti levitaetique.

Números 8:12 Iomraidhean Croise

Éxodo 29:10

“Ts'acal xavic' batel ta ch'ulna pasbil ta nucul li ch'ium vacaxe, yu'un ac'o yac' sc'obic ta sjol li Aarón xchi'uc xnich'nabe.

Levítico 1:4

Ac'o yac' sc'obic ta sjol li xvacaxique. Jech xu' chquich'beic sventa ta jch'aybeic o li smulique.

Levítico 14:22

xchi'uc cha'cot puruvoc stsu, o me cha'cot stsumut, ja' ti c'u x'elan xu' yu'une. Li jcote ja' milbil matanal ta sventa smul; yan li jcote ja' chic'bil matanal chc'ot.

Levítico 16:11

“Li Aarone ac'o smil li jcot ch'ium tot vacax ti ja' yu'un stuque, jech ta jch'aybe ta co'nton smul stuc xchi'uc smul yajnil xnich'nab.

Levítico 16:21

Ac'o yac' xchibal sc'ob ta sjol li tentsune; ac'o yal ta jamal c'usi chopol spasojic, c'u x'elan stoyoj sbaic, xchi'uc c'usi smulic li achi'iltaque. Ja' jech chich' ac'bel xcuch scotol muliletic li tentsune. Jun vinic ac'o yic' batel li tentsune; ac'o bat scolta comel ta xocol banamil.

Levítico 16:6

Ts'acal ac'o yac' jcotuc ch'ium tot vacax ta sventa stuc li palee. Ja' milbil matanal sventa xch'ayubil smul xchi'uc yajnil xnich'nab.

Levítico 4:15

Li moletic yu'unique, ac'o yac' sc'obic ta sjol li vacaxe, xchi'uc te ac'o smilic ta jtojol, vu'un li Muc'ul Diosune.

Levítico 4:20

Ja' jech ac'o yich' pasbel li vacax jech chac c'u cha'al chich' pasbel li yan ta sventa mulile. Ja' jech ac'o spas ta stojol xchi'iltac li palee. Jech ch'aybil smulic chcom o.

Levítico 4:35

Ac'o sloq'uesbe scotol li xepualtac jech chac c'u cha'al chich' pasbel li matanal sventa lec chaquiloxuque. Li palee ac'o xchic' te ta scajleb jmoton te ta sba li yan matanal te chc'ac' ta jtojole. Ja' jech ac'o spas sventa chch'aybe smul li boch'o la sta smule, jech ch'aybil smul chc'ot o.

Levítico 4:4

Ac'o yic' tal ta jtojol ta ti'ch'ulna pasbil ta nucul. Ac'o yac' sc'ob ta sjol li vacaxe. Ts'acal ac'o smil te ta jtojol.

Levítico 5:7

“Ti me mu'yuc yu'un jcot chije, ac'o yac' cha'cotuc puruvoc stsu, o me cha'cot stsumut ta sventa li smul staoje. Li jcote ja' sventa xch'ayubil smul; li yan jcote ja' sventa chic'bil matanal chc'ot.

Levítico 8:14

Ts'acal lic yal mantal li ac'o yiq'uic tal li ch'ium tot vacax ta sventa mulile. Li Aarón xchi'uc xnich'nabe la scajan sc'obic ta sjol li vacaxe.

Levítico 8:15

Ja' xa stuc Moisés la smil li vacaxe. Lic sts'aj sc'ob ta xch'ich'al, la sbon ta sjoyobal xulub scajleb smoton li Diose. Li scomelale te la smal ta yoc li scajleb smoton Diose, jech ts'u'iltasbil icom o, yu'un ja' te chch'aybat li smulique.

Levítico 8:18

Li Moisese lic yal mantal ti ac'o yiq'uic tal noxtoc li chij sventa chich' chiq'uel ta smoton Diose. Li Aarón xchi'uc xnich'nabe laj yac' sc'obic ta sjol li chije.

Levítico 8:34

Ti c'u x'elan chich' pasel ta sventa chach'aybat amulique, yaloj mantal Muc'ul Dios ti ja' no'ox jech chich' pasel jech chac c'u cha'al ja' to laj yich' pasele.

Levítico 9:7

Li Moisese jech laj yalbe li Aarone: “Nopajan batel ta sts'el li scajleb smoton Diose. Milbo smoton Dios ta sventa li mulile, xchi'uc li yan jcot tsc'an chachic' sventa chach'aybat amule xchi'uc sventa chch'aybat smulic li jchi'iltactic ta israelale. Ac'o ta stojol Muc'ul Dios noxtoc li matanal sventa chch'aybat smulic jech chac c'u cha'al yaloj ono'ox Muc'ul Diose”, xut.

Números 6:14

Ac'o yac' jcotuc ch'ium tot chij ti jun to jabil svoq'uele, ti bu ven leque. Ac'o yich' chiq'uel ta sventa jmoton. Xchi'uc ac'o yac' yan jcotuc ch'ium me' chij noxtoc ti bu leque, ti jun to jabil svoq'uele. Ac'o yich' milel ta sventa smul. Xchi'uc ac'o yac' jmotonin yan jcotuc chij ti bu ven leque. Ja' sventa co'ol co'nton jchi'uc.

Números 6:16

Li palee ac'o yac' ta jtojol li matanal sventa mulil ti milbil tsc'ane, xchi'uc li matanal ti ja' no'ox chiq'uel tsc'ane.

Números 8:13

Li levietique vo'ot xava'an ta ora no'ox ta stojol li Aarone xchi'uc ta stojol li xnich'nabtaque. Ja'o xlic apas li c'usitic tsc'an pasel sventa chavac'bun o ta jtojole.

Números 8:8

Ts'acal ac'o smilic jcot ch'ium tot vacax sventa jmoton, xchi'uc ac'o yaq'uic arina ti bu ven leque, ti vots'bil o ta aceitee. Xchi'uc ac'o yaq'uic yan jcot ch'ium tot vacax sventa chich' milel ta sventa smulic.

Hebreos 9:22

Ta xal ta mantaletic ti jutuc mu scotoluc chlecub ta sventa ch'ich'e. Ta xal noxtoc ti manchuc persa chich' malel ch'ich'e, mu'yuc perdón yu'un mulil ti jechuque.