Números 8:11 - Bible in Tzotzil de Chenalhó with Deuterocanon

¹¹ Li Aarone ac'o xbech sc'ob sventa chiyac'bun ta jtojol li levietique yu'un ja' xq'uexol israeletic chc'otic o. Jech li levietique voc'bil chcomic o ta sventa cabtel.

Bible in Tzotzil de Chamula

¹¹ Ja'uc ti Aarone sye'ilan xa sc'ob ta xalbe sc'oplal stunelic ti c'alal ta xnabanatic yu'un ti israeletic ta jtojol ti levitaetique. Jech bi'inemic ta x'ochic ta cajtunel ti levitaetique.

Números 8:11 Iomraidhean Croise

Éxodo 29:24

Scotol le'e ac'bo ta sc'ob li Aarón xchi'uc xnich'nabe; ac'o sye'ilanic ta jtojol, vu'un li Muc'ul Diosune.

Levítico 7:30

Ac'o yich' tal stuquic li matanaletic ti tsc'an chiq'uel ta jtojole, ja' li xepual sna yo'ntone xchi'uc li mero sna yo'ntone yu'un ja' chich' ye'el ta jtojol, vu'un li Muc'ul Diosune.

Levítico 7:34

Li matanal chaq'uic ta jtojol achi'iltac sventa lec chaquiloxuque ja' xa quich'ojbeic o ta sventa lequil matanal li sna yo'ntone. Yan li yo'e ja' quich'oj sventa apatanic. Li c'usitic quich'oje ja' cac'ojbeic ec li pale Aarón xchi'uc xnich'nabe. Yu'un jech sc'oplal o ti ja' yu'unic li c'usi chaq'uic achi'iltac ta israelale. Ja' jun mantal comen o c'alal ta yalab xnich'nabic’, uto li achi'iltaque”, x'utat yu'un Muc'ul Dios li Moisese.

Levítico 8:27

Ja' laj yac'be scotol ta sc'ob li Aarón xchi'uc xnich'nabe yu'un ac'o sye'ic ta stojol li Muc'ul Dios c'alal chaq'uic ta stojole.

Levítico 8:29

Li Moisese la stsacbe noxtoc li sna yo'ntone; la sye' ta stojol Muc'ul Dios. Yan li xpecho chij sventa ich'ub abtelale ja' laj yich' li Moisés, jech chac c'u cha'al albil ono'ox yu'un Muc'ul Diose.

Números 6:20

Jech li palee ac'o spas li c'usi tsc'an pasel sventa chisye'bun ta jtojole. Li xpecho matanal sventa chisye'bun ta jtojole xchi'uc li scub matanal sventa chistojbicun o spatanique, voc'bil xa chcom o cu'un, xchi'uc ja' xa yu'un chcom o li palee. C'alal me ijelov xa scotol le'e, li boch'o j'ech'el yac'oj sba o ta jtojole xu' xa chlic yuch' ya'lel ts'usub.

Deuteronomio 10:8

Ja'o yorail lic t'ujaticuc yu'un Dios li smomnich'nabtac Levie, yu'un ja' chich'beic batel li xcaxail smantal Muc'ul Diose, xchi'uc ja' te chcomic o ta stojol, ja' te chtunic o, xchi'uc ja' yabtel chaq'uic bendición ta sventa Muc'ul Dios cu'untic jech chac c'u cha'al tspasic li' ta orae.