Números 7:89 - Bible in Tzotzil de Chenalhó with Deuterocanon

⁸⁹ C'alal i'och ta ch'ulna pasbil ta nucul li Moisés sventa tsc'opan sbaic xchi'uc Diose, laj ya'ay ti laj yich' c'opanel yu'un Dios te ta jot spat xcaxail smantal Dios te ta o'lol yo' bu va'ajtic li sloc'obal querubinetique.

Bible in Tzotzil de Chamula

⁸⁹ C'alal och batel ti Moisés ta Axibalna ti bu nupel ta be yo' jech ta sc'opon sbaic xchi'uc ti Diose, vinaj talel ti ta xc'opoj talel ti Dios ta sba smac sti' xcaxail ti tratee, ta o'lol yu'unic ti c'usi chib ti oy xiq'uique.

Números 7:89 Iomraidhean Croise

1 Reyes 6:23

La spas noxtoc chib sloc'obal querubinetic te ta yut li bats'i lequil ch'ul cuartoe; ja' ta oliva te' la spas. Ja' o'lol yo'bal metro snatil li jujune.

Salmos 80:1

Jchabichij yu'un Israel, a'ibun li ca'yeje, vo'ot ti chachabibe li sts'unubal José jech chac c'u cha'al chije, vo'ot ti te nacalot ta o'lol yu'unic li chib querubinetique,, ac'o tal li axojobale.

Salmos 99:1

Li Muc'ul Diose ja' muc'ta Ajvalil stuc, ac'o nicuc scotol cristianoetic ta jujun lum; li Muc'ul Diose te chotol ta xchotleb ta sba yac'ol li querubinetique, ac'o nicuc sbejel banamil.

Éxodo 40:34

li ch'ulna pasbil ta nucule ital pixatuc ta toc, jech inoj ta xojobal Muc'ul Dios li yut ch'ulnae.

Éxodo 40:35

Li Moisese muc xa xu' x'och batel ta yut ch'ulna pasbil ta nucul yu'un te lamal o li toque, xchi'uc nojem ta xojobal Muc'ul Dios li yute.

Levítico 1:1

Li Muc'ul Diose la sc'opan li Moisés te ta ch'ulna pasbil ta nucule. Jech laj yalbe:

Números 1:1

C'alal xchibal xa'ox u stsacoj chib jabil sloq'uelic tal ta Egipto li israeletique, ta sba c'ac'al li xchibal ue, jech i'albat yu'un Muc'ul Dios li Moisés te ta vits Sinaí ti c'alal te oy ta ch'ulna pasbil ta nucule:

Números 11:17

Te chiyal tal; te chtal jchi'inot ta lo'il. Xchi'uc chaquich'bot sutel jutuc li jtsatsal avich'oje, ja' ta xcac'betic li banquilaletic yu'un achi'iltaque yu'un jech xu' chascoltaicot ta yiq'uel batel li achi'iltaque. Jech muc atucuc xa chavic' batel.

Números 12:8

Lec ta jchi'in ta lo'il stuc, xchi'uc lec xvinaj ta a'yel li jc'ope. Li stuque sq'uelojbun jsat. Pero li vo'oxuque, ¿c'u yu'un ti chachopolc'opojic ta stojole?”, x'utatic yu'un li Muc'ul Diose.

Números 8:1

Li Muc'ul Diose la sc'opan yan velta li Moisese, jech laj yalbe:

Hebreos 4:16

Ja' yu'un junuc co'ntontic ac'o nopajcutic batel ta stojol li Jc'uxubinvaneje, yu'un jech xu' ta jtatic c'uxubinel, yu'un jech xu' ta jtatic coltael ti c'alal yorail oy jvocoltique.

1 Pedro 1:12

Li Diose laj yac'be sna'ic ti mu ja'uc ta sventa stuquic li c'usi laj yalique, ti ja' ta aventaic vo'oxuque. Ja' ti laj xa avich'ic albel yu'un li boch'otic ja' yabtel chcholic li Lequil A'yej ta sventa svu'el Ch'ul Espíritu tacbil tal ta vinajele. Li j'almantaletique toj chac ox sq'uel ya'yic ec ti jech chc'ot ta pasele.

1 Samuel 4:4

Jech la staquic batel viniquetic ta Silo yu'un bat yich'beic tal xcaxail smantal li Muc'ul Dios ti tspas ta mantal scotol te ta vinajele, ti te nacal ta o'lol yu'unic li chib sloc'obal querubinetique., Li chib xnich'nab Elie, ja' li Ofni xchi'uc Fineese, te xchi'inojic batel li xcaxail smantal Muc'ul Diose.