Números 7:86 - Bible in Tzotzil de Chenalhó with Deuterocanon

⁸⁶ Te oy noxtoc li lajchab (12) muc'tic cuchara pasbilic ta c'anal taq'uine, nojemic ta pom. Ja' lajuneb svacvinic (110) gramo yalal jujun jech chac c'u cha'al chapanbil te ta ch'ulnae. Ti c'u yalal ta scotol li c'anal taq'uin ti pasbilic o li muc'tic cucharaetique, ja' jmil xchi'uc oxib ciento xchi'uc jtob (1,320) gramo yalal ta scotol.

Bible in Tzotzil de Chamula

⁸⁶ Ja'uc ti lajcheb (12) lech ti naca ta oro meltsanbil ti nojic ta pome, ja' lajuneb svacvinic (110) gramo ti yalal yich'oj ti jujune, ja' ti c'u s'elan liquem sbisel yu'unic ta ch'ulnae. Scotol ti muc'tic lechetic ti naca oro meltsanbile, ja' loc' ta chapel ta scotol, jmil xchi'uc vaclajunvinic (1,320) gramo ti yalal yich'oje.

Números 7:86 Iomraidhean Croise

1 Reyes 7:50

li svasoaltaque, li xtuch'ubiltac xmechaile, li muc'tic tazaetique, li muc'tic cucharaetique, xchi'uc li xchic'ubiltac pome. Ja' ta puru c'anal taq'uin pasbil scotol. Li stsacleb smac bats'i lequil ch'ul cuartoe xchi'uc li stsacleb smac ch'ulnae ja' ta c'anal taq'uin pasbil.

Éxodo 25:29

Paso ta bats'i c'anal taq'uin li platoetique, li muc'tic cucharaetique, li jarroetique, xchi'uc li vasoetic ta sventa c'usi sts'anlajet chich' aq'uel ta jmotone.

Éxodo 30:13

Scotol li boch'otic tsacbil xa ta vun sbiique, ac'o yac'bicun vo'ob gramo saquil taq'uin sventa spatanic. Ja' o'lol tspas ti c'u yalal chapanbil te ta ch'ulnae.

Números 7:85

Li jujun muc'tic platoe ja' jmil xchi'uc chanib ciento xchi'uc lajuneb xcha'vinic (1,430) gramo yalal. Li muc'tic tazaetique ja' vucub ciento xchi'uc lajuneb xchanvinic (770) gramo yalal jujun. Ti c'u yalal oy ta scotol li saquil taq'uin ti pasbilic o li muc'tic platoetic xchi'uc li muc'tic tazaetique ja' vaquib xcha'vinic ta mil xchi'uc chanib ciento (26,400) gramo yalal ta scotol. Ja' jech yalal jech chac c'u cha'al chapanbil te ta ch'ulnae.

Números 7:87

Li smoton Dios laj yich' aq'uel ti chic'bil tsc'an scotole, ja' lajcha'cot ch'ium tot vacax, lajcha'cot tot chij, lajcha'cot ch'ium chij ti jun to jabil svoq'uelique, xchi'uc trigo xchi'uc li c'usitic yan ti co'oltic sba jech chac c'u cha'al trigo ti tsc'an ono'ox te capal chich' aq'uele, xchi'uc lajcha'cot tentsun chich' milel ta sventa mulil.

San Mateo 2:11

C'alal i'ochic ta nae, te laj yilic li olole xchi'uc li sme'e, ja' li Mariae. La squejan sbaic ta stojol li olole; laj yich'ic ta muc'. La sjamic li matanale; laj yac'beic smoton li olole, ja' c'anal taq'uin, xchi'uc pom, xchi'uc muil poxil.