Números 7:10 - Bible in Tzotzil de Chenalhó with Deuterocanon

¹⁰ C'alal la xjax ta aceite noxtoc li scajleb smoton Dios sventa voc'bil chcom o ta stojole, li banquilaletic yu'un jujuchop israeletique laj yich'anic tal li yan smoton Dios yu'unic sventa chac'beic ta sc'ob Dios li scajleb smotone. Te vul yaq'uic ta stuq'uil scajleb smoton Dios.

Bible in Tzotzil de Chamula

¹⁰ C'alal laj yich' ac'bel stunesel ta sventa Dios ti altare, jech ti banquilaletic yu'un ti jujuvoq'ue laj yaq'uic ta sts'el altar ti matanal ti laj yich'ic batele.

Números 7:10 Iomraidhean Croise

1 Reyes 8:63

Li Salomone la smil chib xcha'vinic ta mil (22,000) vacaxetic, xchi'uc vacvinic ta mil (120,000) chijetic sventa co'ol yo'ntonic xchi'uc Muc'ul Dios. Li ajvalil xchi'uc scotol xchi'iltaque ja' jech laj yaq'uic ta sc'ob Muc'ul Dios li ch'ulnae.

2 Crónicas 7:5

Li ajvalil Salomone ja' chib xcha'vinic ta mil (22,000) ta cot vacax la smilbe smotonin li Diose. Ja' vacvinic ta mil (120,000) ta cot chijetic. Li ajvalil xchi'uc scotol israeletique ja' jech laj yac'beic o ta sc'ob Dios li ch'ulnae.

2 Crónicas 7:9

Ta xvaxquibal c'ac'al la spasic jun muc'ta tsobajel. Yu'un vucub c'ac'al ijalijic c'alal laj yaq'uic ta sc'ob Dios li scajleb matanale; ja' jech vucub c'ac'al la spasic noxtoc li q'uin sventa ch-ochic ta Yaxnae.

Nehemías 12:27

C'alal laj cac'cutic ta sc'ob Dios li coralton yu'un Jerusalene, la jt'uncutic scotol li levietic ti butic nacalic batele, yu'un chquic'cutic tal ta Jerusalén sventa chaq'uic ta sc'ob Dios li coraltone. La jpascutic lec q'uin ta q'ueojetic, ta arpaetic, ta sepsep taq'uinetic, xchi'uc ta yantic arpaetic.

Nehemías 12:43

C'alal yorail jech la jpascutique, toj ep laj yaq'uic sts'unub yovolic ta smoton Dios sventa chich' milel. Bats'i xcuxet no'ox yo'ntonic xchi'uc yajnil xnich'nabic, yu'un toj ep i'ac'bat xcuxetel yo'ntonic yu'un li Diose. Nom to xvinaj ti xivochetcutic no'ox te ta Jerusalene.

Salmos 30:1

Muc'ul Dios, li' ta xcal alequilal, yu'un laj atoyun liquel; muc xavac' stse'intaicun li cajcontrataque.

Números 7:1

Li c'usi c'ac'alil ivu' yu'un spasel ch'ulna pasbil ta nucul li Moisese, la xjax ta aceite li ch'ulnae, xchi'uc scotol li c'usitic te chtune, xchi'uc li c'usitic te chtun ta scajleb smoton Diose, jech voc'bil icom o.

Números 7:11

Li Muc'ul Diose jech laj yalbe li Moisese: “C'alal chtal yac'bicun jmoton ta jujun c'ac'al li jujun banquilaletic yu'un jujuchop achi'iltac sventa chavac'bicun ta jc'ob li scajleb jmotone, ac'o sjelilan sbaic”, xi.

Números 7:84

Li jujun banquilaletic yu'un jujuchop israeletique ja' jech yepal smoton Dios laj yaq'uic sventa chac'beic ta sc'ob Dios li scajleb smotone: lajchab (12) muc'tic platoetic pasbilic ta saquil taq'uin, xchi'uc lajchab (12) muc'tic tazaetic pasbilic ta saquil taq'uin noxtoc, xchi'uc lajchab (12) muc'tic cucharaetic pasbilic ta c'anal taq'uin.

Números 7:88

Li matanal laj yich' aq'uel ti tsc'an chich' milel ta sventa smoton Dios yu'un jech co'ol yo'ntonic xchi'uc Diose ja' chanib xcha'vinic (24) ta cot ch'ium tot vacax, oxvinic (60) ta cot tot chij, oxvinic (60) ta cot tentsun xchi'uc oxvinic (60) ta cot ch'ium chij ti jun to jabil svoq'uelique. Scotol le'e ja' smoton Dios sventa laj yich' aq'uel ta sc'ob Dios li scajleb smotone, ja'o ti c'alal laj xa'ox yich' lecubtasel ta aceite ba'yuque.

Deuteronomio 20:5

“Ts'acal ac'o lic c'opojicuc ec li banquilaletic avu'unique. Jech ac'o yalic: ‘Me oy boch'o junucal avu'unic spasoj ach' sna ti mu'yuc to snainoje ja' lec ac'o sutuc batel ta sna yu'un naca me te chamuc ta pleito; naca me yan xa boch'o chlic nacluc te ta sna.