Números 6:5 - Bible in Tzotzil de Chenalhó with Deuterocanon

⁵ Jech noxtoc mu me xac' ta loq'uel stsotsil sjol. Te ac'o natubuc o, ja' to me its'aqui ti c'u yepal c'ac'al yaloj ta jamal tspas c'usi yaloje. Yu'un tsc'an chvinaj ti voc'bil o yu'un Muc'ul Diose.

Bible in Tzotzil de Chamula

⁵ Ja' jech xtoc mi ja'uc xu' ta sloc' ti sjole. Yu'un c'ajomal no'ox ta sts'ites ta ch'iel ja' to ti c'uxi sta sc'ac'alil ti yac'oj ye sti' xchi'uc ti sc'ope. Yu'un xch'acoj sba ta sventa jtunel yu'un ti Diose.

Números 6:5 Iomraidhean Croise

Ezequiel 44:20

Mu me xjux stsotsil sjolic, xchi'uc mu me xac' natubuc sjolic; ja' no'ox ac'o yaq'uic ta loq'uel.

Números 6:4

Ti jayib c'ac'al yaloj tspase, me jchopuc mu xu' tslajes li c'usitic pasbil ta ts'usubetique.

Hechos 18:18

Li Pabloe ep to c'ac'al te icom ta Corinto. Ts'acal to la sc'opan comel scotol li jch'unolajeletique; iloc' batel, bat stsac barco, yu'un tsut batel ta Siria banamil. Te la xchi'in batel li Aquila xchi'uc Priscilae. C'alal mu'yuc to'ox tstsac sbarco te ta Cencreae, laj yac' ta loq'uel sjol, yu'un laj xa spas li c'usi yaloj ta stojol Dios tspase.

Jueces 13:5

Yu'un chavoq'ues jun querem, pero mu me xaloc'be sjol, yu'un ja' voc'bil yu'un Dios sventa yabtel., Ja' t'ujbil c'alal mu'yuc to'ox chvoc' sventa chlic scolta loq'uel ta sc'ob filistaetic li achi'iltac ta israelale”, x'utat.

Jueces 16:17

Jech ta slajeb c'op jamal xa lic yalbe o: —Ja' ta sventa ti mu'yuc boch'o sloc'ojbun o li jole yu'un t'ujbilun ono'ox yu'un Dios ti c'alal mu'yuc to'ox chivoq'ue. Pero me oy boch'o tsloc'bun li jole, mu'yuc xa jtsatsal chicom o; bats'i c'un chicom o jech chac c'u cha'al yantic viniquetic ti mu'yuc tsots slomoique —xi.

Jueces 16:19

Li Dalilae la svayubtas ta sba yo' li Sansone. Laj yic' jun vinic boch'o tsloc'be li sjole. C'alal loc'bil xa sjole, lic slaban, yu'un li stsatsal Sansone loq'uem xa'ox batel.

1 Samuel 1:11

Oy c'usi laj yal ta stojol li Diose, jech laj yal: “Muc'ul Dios, vo'ot ti chapas ta mantal scotol te ta vinajele, me chavil ti ep chcat co'ntone, me chana'un, me mu xach'ayun ta avo'ntone, ac'bun junuc cunin querem. Me laj avac'bune, ta xcac' tunuc o avu'un ti jayib c'ac'al cuxule. Mu'yuc ta xcac'be ta loc'bel sjol; ja' senyail ti cac'ojbot o ta ac'obe”, xut.