Números 6:25 - Bible in Tzotzil de Chenalhó with Deuterocanon

²⁵ Ac'o lecuc yiloxuc li Muc'ul Diose, xchi'uc ac'o yac'boxuc avilic slequil yo'nton.

Bible in Tzotzil de Chamula

²⁵ Lecuc xayiloxuc ti Diose, ac'o yac' avilic ti slequil yutsil yo'ntone.

Números 6:25 Iomraidhean Croise

Génesis 43:29

Li Josee la stoy sat; la sq'uel lec ta jujujot xocon. Laj yil ti te oy li Benjamín ti ja' mero yits'in, ti jun sme' xchi'uque. Jech la sjac': —¿Me ja' li ac'ox its'inic li'i ti laj avalbicune? —xut. Jech laj yalbe li yits'ine: —Querem, ac'o yac'bot bendición li Diose —xut.

Salmos 119:135

Xojobanuc asat ta jtojol, vu'un li avajtunelune; chanubtasun lec ta xch'unel li amantaltaque.

Salmos 21:6

Laj avac'be o ep bendición ta stojol; toj xcuxet no'ox yo'nton yu'un te ono'ox achi'inoj.

Salmos 31:16

Xojobanuc tal asat ta jtojol, vu'un li avajtunelune; coltaun ta sventa slequil avo'nton.

Salmos 4:7

Pero li vo'ote laj xa avac'bun ep xcuxetel co'nton; xjelov to jech chac c'u cha'al li boch'o oy ep strigo xchi'uc ya'lel sts'usube.

Salmos 67:1

Dios cu'un, c'uxubinuncutic me, ac'buncutic bendición; ac'o xojobanuc tal asat ta jtojolcutic,

Salmos 80:19

Muc'ul Dios, vo'ot ti chapas ta mantal scotol te ta vinajele, cha'toyuncutic xa liquel yan velta; ac'o tal xojobal asat ta jtojolcutic, jech colem chicomcutic.

Salmos 80:7

Dios cu'un, vo'ot ti chapas ta mantal scotol te ta vinajele, cha'toyuncutic xa liquel yan velta; ac'o tal xojobal asat ta jtojolcutic, jech colem chicomcutic.

Salmos 86:16

Q'uelun me, c'uxubinun me; chabiun me, ac'bun tal atsatsal, vu'un li avajtunelune.

Éxodo 33:19

Itac'ov li Muc'ul Diose: —Xu' ta xcac'bot avil scotol c'u x'elan slequil co'nton, xchi'uc xu' ta xcalbot ava'ay li jch'ulbie. Ta jcolta li boch'o ta jc'an ta jcoltae, ta jc'uxubin li boch'o ta jc'an ta jc'uxubine.

Daniel 9:17

Ja' yu'un li' ta orae, Dios cu'un, a'ibun li jc'op ti li' xivocolet ta atojol, vu'un li avajtunelune. Ac'o xa xojobanuc asat ta stojol li ach'ulna ti jinesbil xae, yu'un jech ac'o ich'atan ta muc'.

Malaquías 1:9

Ja' yu'un li' ta orae c'anbeic Dios ti ac'o xc'uxubinoxuque. Pero jech chal li Muc'ul Diose: “¿C'u x'elan xu' lec chaquiloxuc ti jech chapasic chac le'e?

San Juan 1:17

Li smantal Diose ta sventa Moisés laj quich'tic ac'bel. Yan li c'uxubinel xchi'uc li coltael ta melele la jtatic ta sventa Jesucristo.

Romanos 1:7

vo'oxuc ti te nacaloxuc ta Roma ti c'anbiloxuc yu'un Diose, ti laj yic'oxuc yu'un jech voc'bil chacomic yu'une. Ac'o xc'uxubinoxuc, ac'o yac'boxuc jun avo'ntonic li Jtotic Diose xchi'uc li Cajvaltic Jesucristoe.