Números 6:24 - Bible in Tzotzil de Chenalhó with Deuterocanon

²⁴ ‘Ac'o yac'boxuc ep bendición li Muc'ul Diose, ac'o xchabioxuc.

Bible in Tzotzil de Chamula

²⁴ ‘Ac'o sva'an sba ti Dios ta atojolique, ac'o xa xchabioxuc.

Números 6:24 Iomraidhean Croise

Génesis 28:15

Vu'un chajchi'inot; ta jchabiot ti buyuc no'ox chabate. Ta to xcac' sutan batel ta avosilal ti bu lalic tale. Ta xc'ot ta pasel cu'un jech c'u cha'al chacalbote. Mu'yuc chajcomtsanot”, xi li Muc'ul Diose.

2 Samuel 7:29

Ja' yu'un li' ta orae ta jc'an ac'o avac'be bendición li jmomnich'nabtaque, yu'un jech j'ech'el te ac'o comicuc o ta atojol. Muc'ul Dios, vo'ote laj aval ti ta sventa abendición j'ech'el lec chbat jmomnich'nabtac, vu'un li avajtunelune”, xut.

Salmos 134:3

Li Muc'ul Dios ti la spas vinajel banamile, ac'o yac'boxuc tal bendición c'alal ta vits Sión.

Salmos 17:8

Chabiun me jech chac c'u cha'al lec chchabi yuninal sat li cristianoetique; luts'un lec ta yolon axic',

Salmos 28:9

Muc'ul Dios, coltao me li ateclumale; ac'bo bendición li boch'otic ochem ta ac'obe. Chabio jech chac c'u cha'al jchabichij; petpunuc avu'un o scotol c'ac'al.

Salmos 91:11

Ta stacbot tal li yaj'almantaltaque; ja' chaxchabiot ti buyuc no'ox chaxanove.

Isaías 27:3

Vu'un jchabioj, noch'ic no'ox ta xcat'es; vu'un ta jq'uel ta c'ac'al ta ac'ubal, yu'un jech mu me boch'o xuts'inta.

Isaías 42:6

“Vu'un li Muc'ul Diosune, vu'un laj quic'ot, la jtsacbot lec ta ac'ob. Vu'un la jpasot, vu'un la jt'ujot sventa chacom ta sventainel li c'usi chapanbil cu'une. Vo'ot luz chac'ot yu'un li jujun lume.

Daniel 9:17

Ja' yu'un li' ta orae, Dios cu'un, a'ibun li jc'op ti li' xivocolet ta atojol, vu'un li avajtunelune. Ac'o xa xojobanuc asat ta stojol li ach'ulna ti jinesbil xae, yu'un jech ac'o ich'atan ta muc'.

San Juan 17:11

“Li vu'une muc xa li'uc oyun ta banamil; yan li stuquique li' ta xcomic ta banamil. Li vu'une ta xa xisut tal te ta atojol. Tati, Ch'ul Dios, chabio me ta sventa avu'el li boch'otic laj avac'bune, yu'un jech jun no'ox ac'o oyicuc, jech chac c'u cha'al jun oyutic li vu'utique.

1 Corintios 14:16

Pero me ta jch'uleltic no'ox ta jtojbetic ta vocol Diose, ¿c'u x'elan xu' “jechuc” xiic ec li boch'otic te jchi'uctic ti mu ja'uc jech sbijilique? yu'un mu xa'yic.

Efesios 6:24

Ac'o c'uxubinaticuc yu'un Dios scotol li boch'otic sc'anojic o ta scotol yo'ntonic li Cajvaltic Jesucristoe.

Filipenses 4:23

Ac'o xc'uxubinoxuc o acotolic li Cajvaltic Jesucristoe.

Filipenses 4:7

Jech chaspasboxuc o ta jun avo'ntonic li Diose. Li jun o'ntonal chac' Diose ech'em to xjelov jech chac c'u cha'al ta jnop ta jc'antic li vu'utique, ja' chaxchabiboxuc avo'ntonic xchi'uc c'usitic chanopic ta sventa ti avich'ojic ta muc' li Cristo Jesuse.

1 Tesalonicenses 5:23

Li Dios ti chac' jun o'ntonale, ac'o slecubtasoxuc o batel, ac'o slecubtas o atalelic xchi'uc ajol avo'ntonic xchi'uc abec'talic, yu'un jech mu'yuc amulic chvul staoxuc c'alal chtal li Cajvaltic Jesucristoe.

1 Pedro 1:5

Ta sventa xch'unojel avo'ntonic ta stojol Dios, jech ta xchabioxuc ta svu'el yu'un jech xu' chataic li coltael xchapanoje; ja' to chayac'boxuc avilic ta slajebal c'ac'al.

Judas 1:24

Li Dios ti stuc no'oxe, ti ja' Jcoltavanej cu'untique, xu' yu'un chaxchabioxuc, yu'un jech mu xayalic ta spasel li c'usi chopole, jech mu'yuc amulic ti c'alal chc'ot ava'an abaic ta xch'ul lequilale. Jech toj xcuxet no'ox avo'ntonic. Ja' yu'un stuc no'ox ac'o albatuc slequilal, ac'o spas mantal, ac'o sventain ta svu'el stsatsal stuc li' ta ora ta sventa li Jesucristoe, xchi'uc c'alal to ta sbatel osil. Jechuc.

Rut 2:4

Li Booze ibat ta Belén; te c'ot sc'opan li svinictaque, jech laj yalbe: —Ac'o xchi'inoxuc li Muc'ul Diose —xut. —Jech ac'o yac'bot ep bendición ec li Muc'ul Diose —xi itac'ovic.

1 Samuel 2:9

Ja' chchabi batel ta jujujet yacan li boch'otic tuc' yo'ntonique; yan li boch'otic chopolique chch'ayic batel ta ic' osil, yu'un mu'yuc boch'o xu' tstsal ta stsatsal stuc.