Números 6:23 - Bible in Tzotzil de Chenalhó with Deuterocanon

²³ “Albo ya'yic li Aarón xchi'uc xnich'nabe, c'alal chac'beic bendición li achi'iltaquic ta israelale, jech ac'o yalic chac li'i:

Bible in Tzotzil de Chamula

²³ “Xi xavalbe ya'i ti Aarón xchi'uc ti xnich'nabe ti c'alal ta sc'anbeic ti ac'o yaq'uic ti slequilal Dios ta stojol ti israeletique, ac'o yalic jech c'u cha'al li'e:

Números 6:23 Iomraidhean Croise

Génesis 24:60

Laj yalbeic ti ac'o ac'batuc li Rebecae, jech laj yalbeic: “Li vo'ote, tseb, ac'o c'otuc ta pasel ti ep ta millón chbat avalabe. Li ayal'alabtaque ac'o vu'uc yu'unic stsalel li yajcontraique”, xutic.

Génesis 47:10

Li Jacobe la sc'opan comel li faraone, jech iloc' batel.

Génesis 47:7

Li Josee laj yic' batel ta stojol faraón noxtoc li stote, ja' li Jacobe. Li Jacobe lec laj yich' ta muc' li ajvalile; la sc'anbe bendición ta stojol.

Génesis 48:20

Li Jacobe ja' jech ora lic sc'anbe bendición ta stojol li chib smomnich'nabtaque. Jech laj yalbe: —Ta scotol li slumal Israele ja' ta stunesic abiic sventa ta staic bendición. Jech chlic yalic: ‘Li Diose ac'o yac'bot bendición ec jech chac c'u cha'al laj yac'be li Efraín xchi'uc Manasese’, xiic —xut li smomnich'nabe. Li Israele ja' muc' ic'ot yu'un li Efraine; ja' biq'uit ic'ot yu'un li Manasese.

1 Reyes 8:55

Iva'i; lic yac'be bendición scotol li steclumale. Tsots ic'opoj, jech laj yal:

1 Crónicas 23:13

Li xnich'nab Amrame ja' Aarón xchi'uc Moisés. Li Aarone ja' laj yich'ic t'ujel yu'un Dios xchi'uc xnich'nab sventa tsventainic o li ch'ul matanaletique, xchi'uc ja' chchiq'uic pom ta stojol li Muc'ul Diose. Ja' te chtunic o ta stojol Dios, xchi'uc chaq'uic bendición ta sventa Dios scotol ora.

2 Crónicas 30:27

Ts'acal lic va'iicuc li paleetic xchi'uc levietique; laj yac'beic bendición li jteclume. Li Muc'ul Diose laj ya'ibe li sc'opique; ic'ot c'alal ta vinajel yo' bu nacal stuc li Ch'ul Diose.

Éxodo 39:43

C'alal laj yil Moisés ti ja' jech imeltsaj yu'unic scotole, lic sc'anbe bendición ta stojolic.

Números 6:22

Li Muc'ul Diose la sc'opan yan velta li Moisese. Jech laj yalbe:

Romanos 1:7

vo'oxuc ti te nacaloxuc ta Roma ti c'anbiloxuc yu'un Diose, ti laj yic'oxuc yu'un jech voc'bil chacomic yu'une. Ac'o xc'uxubinoxuc, ac'o yac'boxuc jun avo'ntonic li Jtotic Diose xchi'uc li Cajvaltic Jesucristoe.

1 Corintios 1:3

Ac'o xc'uxubinoxuc, ac'o yac'boxuc jun avo'ntonic li Diose, ja' li Jtotique xchi'uc li Cajvaltic Jesucristoe.

2 Corintios 13:14

Te ac'o comuc o ta atojolic li c'uxubinel yu'un Cajvaltic Jesucristoe, xchi'uc li c'anel yu'un Diose, xchi'uc li chi'inel yu'un Ch'ul Espiritue.

Deuteronomio 10:8

Ja'o yorail lic t'ujaticuc yu'un Dios li smomnich'nabtac Levie, yu'un ja' chich'beic batel li xcaxail smantal Muc'ul Diose, xchi'uc ja' te chcomic o ta stojol, ja' te chtunic o, xchi'uc ja' yabtel chaq'uic bendición ta sventa Muc'ul Dios cu'untic jech chac c'u cha'al tspasic li' ta orae.

Deuteronomio 21:5

“Ts'acal ac'o noch'ajicuc batel li pale levietique, yu'un ja' t'ujbilic yu'un Muc'ul Dios chtunic yu'un, xchi'uc chaq'uic bendición ta sventa li Diose. Me oy c'opetic mu'yuc chapajeme, ja' chalic c'u x'elan chcom.

Deuteronomio 33:1

C'alal jutuc xa'ox sc'an xcham li Moisese, ja' li yajtunel Diose, laj yac'be bendición scotol li xchi'iltac ta israelale.

Hebreos 7:1

Yu'un li Melquisedeque ja' ajvalil ta lum Salem, xchi'uc ja' banquilal pale yu'un Dios ta vinajel noxtoc. Ja' ti bat snup ta be Abraham ta vo'one c'alal isut tal ta stsalel ajvaliletique, xchi'uc ti laj yac'be bendicione.

Hebreos 7:7

Jcotoltic ta jna'tic ti ja' no'ox boch'o muc' yabtel xu' chac'be bendición li boch'o biq'uit yabtele.

Josué 8:33

Jech scotol li israeletique li banquilaletique, li j'abteletique, li jchapanvanejetic yu'unique, xchi'uc li yanlum cristianoetic te oy ta stojolique la sva'an sbaic ta jujujot xocon li xcaxail smantal Muc'ul Diose. Ja' te la sva'an sbaic ta stuq'uil li pale-levietic ti xq'uechojic tal ta snecubic li caxae. J'o'lol te va'al ic'otic ta stuq'uil vits Gerizim; j'o'lol te va'al ic'otic ta stuq'uil vits Ebal sventa chich'ic c'anbel bendición ta stojolic yu'un li pale-levietique. Yu'un jech ono'ox albilic comel ta sliquebal yu'un li Moisés, ja' li yajtunel Muc'ul Diose.

1 Pedro 1:2

Vo'oxuc ti t'ujbiloxuc ono'ox yu'un Dios Totil ta sventa ti jech ono'ox snopoje, xchi'uc ta sventa ti laj xa slecubtasoxuc li Ch'ul Espiritue, yu'un jech ac'o ach'unic, ac'o avich'ic lecubtasel ta sventa xch'ich'al li Cajvaltic Jesucristoe. Ac'o ataic ep c'uxubinel xchi'uc ac'o ataic o jun avo'ntonic.

2 Juan 1:3

Ac'o xc'uxubinoxuc li Dios Totile, xchi'uc li Jesucristoe, ja' li Xnich'on Jtotic Diose. Ac'o spasboxuc o ta jun avo'ntonic ta sventa li c'usi melele xchi'uc ta sventa ti jc'anoj jbatique.