Números 6:2 - Bible in Tzotzil de Chenalhó with Deuterocanon

² “Jech xavalbe ya'yic scotol li achi'iltac ta israelale: Me oy junuc vinic, o ants ti chal ta jamal ti j'ech'el chac' sba o ta jtojol sventa cabtele,

Bible in Tzotzil de Chamula

² “Xi xcholet xavalbe ya'i ti israeletic jech c'u cha'al li'e: Mi ja' jun vinic, mi ja' jun ants ti ta xac' ye sti' ta xac' sba ta tunel yu'un ti Diose, ti ja' nazareo sbie,

Números 6:2 Iomraidhean Croise

Éxodo 33:16

Yu'un me mu'yuc chbat achi'inuncutique, ¿c'u x'elan xu' chich' na'el ti lec ac'anojuncutic xchi'uc li jchi'iltaque? Pero me chachi'inuncutic batele, ja' svinajeb ti voc'biluncutic avu'un ta stojol li yantic lumetic li' ta sba banamile —xut.

Proverbios 18:1

Li boch'o t'ut'e ja' no'ox ta sa' c'usi tsc'an yo'nton; jech ta scontrain scotol li lequil taq'uiele.

Jeremías 35:6

Jech laj yalbicun: “Mu xcuch'cutic, yu'un li jmoltotcutic Jonadab xnich'on Recabe jech laj yalbuncutic: ‘Mu me xavuch'ic pasem ya'lel ts'usub xchi'uc li amomnich'nabique,

Levítico 20:26

Ja' yu'un tuc' me xapas abaic ta jtojol, yu'un vu'un li Muc'ul Diosune tuc' co'nton. Vu'un la jt'ujoxuc loq'uel ta stojol li yantic lumetique, yu'un jech jteclumal chac'otic.

Levítico 27:2

“Jech xavalbe ya'yic li achi'iltac ta israelale: C'alal me oy boch'o tsc'an tstoj li c'usi yaloj ta jamal ta stojol Dios chaq'ue, ja' jech yepal ac'o stoj ti c'u yepal chapanbil ono'oxe.

Números 30:3

“Me oy junuc tseb ti ventainbil to yu'un stot, me oy c'usi chchapan ta stojol Muc'ul Diose, o me chal ta jamal ti oy c'usi tsc'an tspase,

Números 6:1

Li Muc'ul Diose la sc'opan yan velta li Moisese. Jech laj yalbe:

San Lucas 1:15

Yu'un toj muc' sc'oplal chc'ot ta stojol li Diose. Mu xuch' ya'lel ts'usub, xchi'uc mu xuch' pox. Ventainbil yo'nton yu'un Ch'ul Espíritu ti c'alal te to tiq'uil ta xch'ut sme'e.

Hechos 18:18

Li Pabloe ep to c'ac'al te icom ta Corinto. Ts'acal to la sc'opan comel scotol li jch'unolajeletique; iloc' batel, bat stsac barco, yu'un tsut batel ta Siria banamil. Te la xchi'in batel li Aquila xchi'uc Priscilae. C'alal mu'yuc to'ox tstsac sbarco te ta Cencreae, laj yac' ta loq'uel sjol, yu'un laj xa spas li c'usi yaloj ta stojol Dios tspase.

Romanos 1:1

Vu'un Pabloun, vu'un yajtunelun li Jesucristoe. Ic'bilun sventa li'och ta yajtacbolal. Voc'bilun o ta xcholel li Lequil A'yej ta sventa Diose.

2 Corintios 6:16

¿Me xu' jun xch'ulna xchi'uc Dios li loc'ometic ti cuybilic ta diose? Li vu'utique xch'ulna cuxul Dios c'otemutic, yu'un jech yaloj li Diose: “Te chinaqui o ta stojolic, te chixanov o jchi'uc. Vu'un Diosun yu'unic chic'ot; ja' jteclumal chc'otic o ec”, xi ono'ox.

Gálatas 1:15

Pero li Diose t'ujbilun ono'ox yu'un ti c'alal mu'yuc to'ox chivoq'ue. Jech c'alal ic'ot yorail yu'une, ta yutsil yo'nton stuc laj yic'un.

Hebreos 7:27

Jech mu xa persauc chac' milbil matanal jujun c'ac'al ta sventa smul stuc, xchi'uc ta sventa smul xchi'iltac jech chac c'u cha'al li yantic banquilal paleetic ijelovique. Yu'un li stuque jun no'ox velta laj yac' sba o ta smoton Dios sbatel osil ta jventatic.

Jueces 13:14

Mu me xuch' pox, xchi'uc c'usiuc no'ox pasbil ta ya'lel ts'usub, xchi'uc c'usi tsotsic ta uch'el, xchi'uc mu me sve' li c'usi sc'oplal mu stac' xave'ique. Tsc'an ac'o spas scotol li c'usi laj calbee —xi.

Jueces 13:4

Ja' yu'un mu me xavuch' pox, xchi'uc c'usi tsotsic ta uch'el, xchi'uc mu me xave' li c'usi albil mu stac' chave'ique.

Jueces 13:5

Yu'un chavoq'ues jun querem, pero mu me xaloc'be sjol, yu'un ja' voc'bil yu'un Dios sventa yabtel., Ja' t'ujbil c'alal mu'yuc to'ox chvoc' sventa chlic scolta loq'uel ta sc'ob filistaetic li achi'iltac ta israelale”, x'utat.

Jueces 16:17

Jech ta slajeb c'op jamal xa lic yalbe o: —Ja' ta sventa ti mu'yuc boch'o sloc'ojbun o li jole yu'un t'ujbilun ono'ox yu'un Dios ti c'alal mu'yuc to'ox chivoq'ue. Pero me oy boch'o tsloc'bun li jole, mu'yuc xa jtsatsal chicom o; bats'i c'un chicom o jech chac c'u cha'al yantic viniquetic ti mu'yuc tsots slomoique —xi.

1 Samuel 1:28

Ja' yu'un tal cac'be ec li cole. Ti jayib c'ac'al cuxule, ja' yu'un Muc'ul Dios chc'ot o —xut. Jech te lic spatan sba; la stojbe ta vocol li Diose.