Números 6:15 - Bible in Tzotzil de Chenalhó with Deuterocanon

¹⁵ Jech noxtoc ac'o yac' junuc unin moch pan ti pasbil o ta lequil arinae, xchi'uc ti vots'bil o ta aceite ti mu'yuc yich'oj svolesubil xch'ute. Xchi'uc ac'o yac' jayibuc unin bic'tal jayal vajetic ti mu'yuc yich'oj svolesubil xch'ute, ti vijbil ta aceitee. Ac'o yich' batel xchi'uc yantic matanaletic, ja' li trigo, xchi'uc c'usitic yan co'oltic jech chac c'u cha'al trigoe xchi'uc li ya'lel ts'usube.

Bible in Tzotzil de Chamula

¹⁵ Ja' jech xtoc ta xac' junuc biq'uit moch pan ti pasbil ta lequil t'ujbil harina ti vots'bil ta aceitee, ti mu'yuc ac'bil ti spajubtasobile. Ta xac' xtoc ti bacubtasbil jayal harina ti vijbil aceite ta sbae. Ti jujune, ta xich' ac'bel ti matanal sat ts'unubale xchi'uc ti vinoe.

Números 6:15 Iomraidhean Croise

Éxodo 29:2

Xchi'uc paso panetic xchi'uc yantic pan ti mu'yuc yich'oj svolesubil xch'ute ti vots'bil ta aceitee. Xchi'uc paso bic'tal jayal vajetic vijbil ta aceite. Paso ta lequil arina pasbil ta trigo.

Isaías 62:9

Atuquic chlic atsobic li c'usi chloc' avu'unique; atuquic chlic ave'ic, jech chlic avalbicun jlequilal. Vo'oxuc chatulbeic sat li ats'usubique; xu' te chavuch'beic ya'lel ta yamaq'uil li ch'ulna cu'une”, xi li Muc'ul Diose.

Joel 1:13

Paleetic, lapic ch'ixlajan c'u'il sventa at-o'nton; j'abteletic ta scajleb matanal, juetanic ta oq'uel, yu'un chlaj xa sc'oplal ti chavaq'uic matanal, ti chavaq'uic ya'lel ts'usub te ta xch'ulna Dios avu'unique.

Joel 1:9

Li paleetic, li jtuneletic yu'un Muc'ul Diose ta x'oq'uic, ta xat yo'ntonic, yu'un ta xlaj sc'oplal yaq'uel li matanal, li ya'lel ts'usub te ta xch'ulna Muc'ul Diose.

Joel 2:14

Oy yic'al mu xayac'boxuc atoj li amulique; xu' ja' chlic stacboxuc tal li bendicione, ja' li ya'lel ts'usub xchi'uc li yantic matanal chavaq'uic ta stojol Muc'ul Dios avu'unique.

Levítico 2:4

“C'alal chavac'bicun jmotonin li atrigoic xchi'uc c'usitic yan jech chac c'u cha'al trigo ti ta'ajem xa ta hornoe, ja' xavac'bicun li pan pasbil ta lequil arina vots'bil ta aceite ti mu'yuc yich'oj svolesubil xch'ute, o me bic'tal vaj vijbil ta aceite.

Levítico 7:12

Me ja' chamilbicun sventa oy c'usi chatojbicun ta vocole, aq'uic noxtoc muc'tic vaj mu'yuc yich'oj svolesubil xch'ut vots'bil ta aceite, xchi'uc bic'tal vaj mu'yuc yich'oj svolesubil xch'ut jaxbil ta aceite xchi'uc yan muc'tic vaj pasbil ta lequil arina vots'bil ta aceite.

Levítico 8:2

“Ic'o tal ta jtojol li Aarón xchi'uc xnich'nabe. Ac'o yich'ic tal li lequil c'u'iletic sventa paleale, li aceite sventa ich'ub abtelale, li ch'ium tot vacax ti chich' milel ta sventa mulile, li cha'cot chije xchi'uc li jun unin moch pan ti mu'yuc yich'oj svolesubil xch'ute.

Levítico 9:4

Xchi'uc ac'o yiq'uic tal jcot tot vacax, xchi'uc jcot chij sventa chich' milel ta stojol Muc'ul Dios sventa lec chijyilutic. Ac'o yich'ic tal noxtoc ta smoton Dios li c'usitic jech chac c'u cha'al trigoe; vots'bil ta aceite ac'o yich'ic tal. Yu'un li Muc'ul Diose ta xtal yac' sba ta ilel ta jtojoltic tana”, xut.

Números 15:10

xchi'uc yan chib litro ya'lel ts'usub yu'un ja' matanal chich' chiq'uel ta jventa ti lec mu yiq'ue.

Números 6:16

Li palee ac'o yac' ta jtojol li matanal sventa mulil ti milbil tsc'ane, xchi'uc li matanal ti ja' no'ox chiq'uel tsc'ane.

1 Corintios 10:31

pero ti c'alal chijve'e, ti c'alal oy c'usi chcuch'tique, xchi'uc scotol li c'usiuc no'ox ta jpastique, ac'o jpastic ta sventa lec chbat sc'oplal cu'untic li Diose.

1 Corintios 11:26

Ja' yu'un c'alal chave'ic jujun velta li pane, c'alal chavuch'ic jujun velta li ya'lel ts'usube, ja' chavaq'uic ta ilel ti vo'oxuc ta acojic icham li Cajvaltique. Ja' to chlaj sc'oplal ta pasel c'alal me ital li Cajvaltique.