Números 6:12 - Bible in Tzotzil de Chenalhó with Deuterocanon

¹² Jech chlic stsac yan velta ta ach' ti c'u yepal c'ac'al yaloj tsvoc' sba o ta sventa cabtele. Ti c'u xa'ox yepal c'ac'al lic stsac tale, mu'yuc xa tsacbil ta venta chcom. Yu'un li stsotsil sjol ti lecubtasbil xa'oxe, isoc xa. Jech noxtoc tsc'an ac'o yic' batel ta jtojol jcotuc chij jun jabil svoq'uel sventa jmoton ta scoj ti bu ijelov ta jtojole.

Bible in Tzotzil de Chamula

¹² Yu'un ta ach' ta sliques ti ta xac' sba ta tunel yu'un ti Diose. Ja'uc ti c'u s'elan laj sliques ta ba'yele, mu'yuc xa tsacbil c'ot ta venta. Yu'un ti stsotsil ti laj xch'acbe sc'oplal ti ta xc'ot ta tunel yu'un ti Diose, yu'un c'ot ta soquel. Ja' jech xtoc ac'o yic' batel jcotuc chij ti yich'oj jun jabil ti ta xich' svocol ta scoj ti mulil colo'ile.

Números 6:12 Iomraidhean Croise

Éxodo 12:5

Li chij chamilique ja' me ti bu ven leque xchi'uc ti jun to jabil svoq'uele. Xu' jcot ch'ium tot chij, o me jcot ch'ium tot tentsun.

Ezequiel 18:24

“Pero, me ja' tscomtsan spasel c'usitic tuc' li boch'o tuc' yo'ntone, me ja' chlic spas c'usitic chopole, me ja' chlic spas c'usitic toj chopolic jech chac c'u cha'al tspas li jpasmulile ¿me xu' chcuxi ti jech tspase? Scotol li c'usitic tuc' la spase mu'yuc tsacbil ta venta chc'ot junuc. Ta sventa ti ja' la spas c'usi chopol ta scoj stoyobbaile, jech ta scoj smul stuc ta xcham.

Levítico 14:24

Li palee ac'o stsac li jcot chij matanal sventa c'unil mulile xchi'uc li aceite ti jutuc mu sta o'lol litroe. Ac'o yac' ta jtojol, ja' jech chc'ot jech chac c'u cha'al ye'bil matanal.

Levítico 5:6

xchi'uc ac'o yic' tal jcotuc sme' xchij, o me sme' stentsun ta sventa li smule. Ac'o tal yac' ta jtojol, vu'un li Muc'ul Diosune. Li palee ac'o yac' ta ch'aybel smul, jech ch'aybil smul chcom li boch'o staoj smule.

Levítico 5:7

“Ti me mu'yuc yu'un jcot chije, ac'o yac' cha'cotuc puruvoc stsu, o me cha'cot stsumut ta sventa li smul staoje. Li jcote ja' sventa xch'ayubil smul; li yan jcote ja' sventa chic'bil matanal chc'ot.

Números 6:11

Li palee jcot ac'o smilbe ta smoton Dios sventa li smule. Li yane ac'o xchic' ta sventa smoton Dios, xchi'uc ac'o spas li c'usitic tsc'an pasel sventa xu' chch'aybat o smul ta scoj ti la spic animae. Ja' jech c'ac'al chlic lecubuc batel yan velta ta jtojol li stsotsil sjole.

Números 6:13

“C'alal me its'aqui xa ti jayib c'ac'al yaloj ti svoc'oj sba o ta jtojole, ac'o batuc te ta ti'ch'ulna pasbil ta nucul.

San Mateo 24:13

Pero li boch'o ta xcuch yu'un c'alal to ta slajebe ja' ta xcol.

San Mateo 3:15

Itac'ov li Jesuse: —Ja' lec ac'bun quich' vo', yu'un tsc'an ac'o jpastic scotol c'usi tsc'an li Diose —xi. Jech te laj yac'be yich' vo' li Jesuse.

Santiago 2:10

Yu'un li boch'o xch'unojbe scotol smantaltac Diose, pero me oy bu ta sbaj junuque, sbajoj chc'ot scotol.

2 Juan 1:8

Q'uelo me abaic li vo'oxuque, yu'un jech mu alticuc ch-ech' li cabtelcutic ta atojolique, jech chc'ot avich' lec amotonic.