Números 5:9 - Bible in Tzotzil de Chenalhó with Deuterocanon

⁹ “Scotol c'usiuc no'ox chac'bicun ta sventa jmoton li achi'iltac ta israelale, ac'o yich'ic tal ta stojol li palee. Ja' yu'un chc'ot o.

Bible in Tzotzil de Chamula

⁹ “Scotol ti jtunel matanaletic ti ta xaq'uic ti israeletic ta stojol ti Dios ti ta xich'ic ac'bel ti palee, ja' ta xc'ot ta yu'un ti palee.

Números 5:9 Iomraidhean Croise

Éxodo 29:28

Le'e ja' yu'unic chcom li Aarón xchi'uc xnich'nabe. Ja' jech jmantal chcom o ta atojolic, vo'oxuc li israeloxuque. Li matanal chaq'uic israeletique ja' li matanal ye'bil ta jtojole xchi'uc li milbil matanal ta sventa lec chquilic vu'un li Muc'ul Diosune.

Levítico 10:13

Te no'ox xave'ic yo' bu ts'u'iltasbil yu'un li banamile, yu'un ja' avu'unic o achi'uc anich'nabtac ti c'u yepal voc'bil li matanal chich' chiq'uel sventa yich'ubil ta muc' Muc'ul Diose yu'un ja' jech yalojbun.

Levítico 10:14

Li sna yo'nton matanal chich' ye'el ta stojol Diose xchi'uc li yo' ti ja' sventa jpatantique, ja' avu'un achi'uc aqueremetic atsebetic. Te xati'ic noxtoc ti bu ts'u'iltasbil yu'un li banamile, yu'un ja' matanal chaq'uic jchi'iltactic sventa chich' milel ti c'u cha'al lec ch-ilatic yu'un Muc'ul Diose.

Levítico 10:15

Li jec yo' ti ja' sventa apatanique xchi'uc li sna yo'nton ti ja' matanal tsc'an co'ol chich' aq'uel ta stojol Dios xchi'uc xepualtaque, ja' avu'unic o chcom xchi'uc anich'nabtac jech chac c'u cha'al yaloj Muc'ul Diose —xut.

Levítico 6:26

Li pale ti chac' ta jtojol li matanal sventa mulile xu' ac'o sti', pero te no'ox ac'o sti' ti bu ts'u'iltasbil cu'un li banamil ta yamaq'uil li ch'ulna pasbil ta nucule.

Levítico 7:32

Li sbats'i-o' li matanal ac'bil ta sventa lec chaquiloxuque ac'o yich' li palee. Ja' sventa apatanic.

Levítico 7:34

Li matanal chaq'uic ta jtojol achi'iltac sventa lec chaquiloxuque ja' xa quich'ojbeic o ta sventa lequil matanal li sna yo'ntone. Yan li yo'e ja' quich'oj sventa apatanic. Li c'usitic quich'oje ja' cac'ojbeic ec li pale Aarón xchi'uc xnich'nabe. Yu'un jech sc'oplal o ti ja' yu'unic li c'usi chaq'uic achi'iltac ta israelale. Ja' jun mantal comen o c'alal ta yalab xnich'nabic’, uto li achi'iltaque”, x'utat yu'un Muc'ul Dios li Moisese.

Números 18:19

Scotol li c'usi chiyac'bicun achi'iltac sventa tstoj o spatanique, ja' vo'ot chacac'bot achi'uc li aquerem atsebetic ti te co'ol nacalot achi'uque. Ja' jech jmantal ta xcom o. Ja' jun c'usi chapal chcom o cu'un ta atojol xchi'uc ta stojol li amomnich'nabtaque. Mu'yuc boch'o xu' ta sjel o”, x'utat yu'un Muc'ul Dios li Aarone.

Números 31:41

Li Moisese ja' laj yac'be ta sc'ob Eleazar scotol li spatanic jech chac c'u cha'al yaloj Muc'ul Diose.

Números 5:8

Pero me chamen xa li boch'o laj yich' uts'intaele, me mu'yuc nopol yuts' yalal ti xu' ac'o yich'be li stojole, ac'o comuc ta sventa Muc'ul Dios. Ja' ac'o tunuc ta sventa yabtel li palee. Xchi'uc ac'o yac'be jcotuc chij li palee yu'un ac'o ch'aybatuc li smule.

Deuteronomio 12:26

Yan li c'usi avoc'ojic xa ta sventa smoton Muc'ul Dios cu'untique, xchi'uc li c'usi avalojic xa ta jamal chavac'beique, te xbat avaq'uic ta yavil ti bu t'ujbil yu'une.