Números 5:8 - Bible in Tzotzil de Chenalhó with Deuterocanon

⁸ Pero me chamen xa li boch'o laj yich' uts'intaele, me mu'yuc nopol yuts' yalal ti xu' ac'o yich'be li stojole, ac'o comuc ta sventa Muc'ul Dios. Ja' ac'o tunuc ta sventa yabtel li palee. Xchi'uc ac'o yac'be jcotuc chij li palee yu'un ac'o ch'aybatuc li smule.

Bible in Tzotzil de Chamula

⁸ Yan ti mi chamem xa ti buch'u oy c'usi laj yich' soquesbele, ti mi mu'yuc yuts' yalal ti xu' ta xich' ti c'usi ta xich'be stojole, ja' xa ta xcom ta yu'un ti Diose yo' jech ta xtun yu'un ti palee. Ma'uc no'ox me un, yu'un ti palee, ac'o ono'ox me yac' ti chij ti ta xjelav ta xch'ayobil smul ti buch'u taje.

Números 5:8 Iomraidhean Croise

2 Reyes 12:16

Li yantic taq'uin smoton Dios ta sventa muliletic xchi'uc ta sventa bu chjelovic ta stojol Diose, mu'yuc laj yich'ic batel ta ch'ulna, yu'un ja' yu'unic xa li paleetique.

Levítico 5:16

Li boch'o jech la spas ti muc ts'acaluc xac' li c'usi voc'bil ta jtojole, ac'o sts'acubtas, xchi'uc ac'o yac'be sjol jun ta vo'vo'. Ja' ac'o yac'be li palee. Li palee ja' ac'o yac' ta ch'aybel o smul ta sventa li chij laj yaq'ue, jech ch'aybil smul chc'ot o.

Levítico 6:5

Ac'o sutes noxtoc li c'usi laj yal ta jtojol chac' ti jech no'ox i'epalc'opoj xchi'uque. Ja'o ac'o sutesbe scotol yajval c'alal chac' li milbil matanal ta sventa smule, xchi'uc ac'o yac'be xchi'il jun ta vo'vo'.

Levítico 7:7

“Li matanal sventa bu chajelovic ta jtojole ja' co'ol xchi'uc li matanal ta sventa mulile. Ja' yu'un jun no'ox mantal ta sventa xchibal: li matanale ja' yu'un chc'ot o li pale ti laj yac' ta ch'ayel mulile.

Números 5:7

Ta persa ac'o yal ta jamal li c'usi la spase. Xchi'uc li boch'o laj yuts'intae ac'o stojbe scotol li c'usitic la spasbee, xchi'uc ac'o to yac'be yan jun ta vo'vo'.

Números 5:9

“Scotol c'usiuc no'ox chac'bicun ta sventa jmoton li achi'iltac ta israelale, ac'o yich'ic tal ta stojol li palee. Ja' yu'un chc'ot o.