Números 5:26 - Bible in Tzotzil de Chenalhó with Deuterocanon

²⁶ Ta ora no'ox ac'o sjop jopuc li matanal te oye, ja' li trigoe. Ac'o bat xchic' ta scajleb smoton Dios. Ja' sna'ubil chcom c'usi chc'ot ta stojol li antse. “Li palee c'alal me laj xa yac'be yuch' ch'ail vo' li antse, te chvinaj c'u x'elan yo'nton ta stojol li smalale.

Bible in Tzotzil de Chamula

²⁶ Ta stsac no'ox xtoc jopuc matanal sat ts'unubil ti jchop o ta trigoe, ti ta xchic' ta sba altar ti ja' jun matanal ti vulesel ta o'ntonale. “Mi laj xa yac'be yuch' ch'ail vo' ants ti pale une,

Números 5:26 Iomraidhean Croise

Levítico 2:2

Ac'o yich' batel ta stojol li paleetique, ja' li xnich'nabtac Aarone. Jun pale ac'o sjop batel jopuc ta sc'ob li arina capal ta aceite xchi'uc pome. Ac'o xchic' te ta scajleb jmoton sventa sc'anubil vocol ta stojol li boch'o laj yaq'ue; ja' chic'bil matanal chc'ot ta jtojol ti lec mu yiq'ue, vu'un li Muc'ul Diosune.

Levítico 2:9

Li palee ac'o stsac c'uuc yepal li matanale; ac'o xchic' te ta scajleb jmoton. Ja' sventa sna'ubil cu'un li achi'iltaque. Ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 5:12

Ac'o yich' batel ta stojol li palee. Li palee ac'o sjop batel jopuc li arinae; ja' sventa sna'ubil yu'un ti ich'aybat smule. Jmoj te ac'o xchic' ta scajleb jmoton xchi'uc li yantic matanaletic chc'ac' te ta jtojol, vu'un li Muc'ul Diosune. Ja' matanal sventa mulil chc'ot o.

Levítico 6:15

Jun pale ac'o sjop batel jopuc li arina ac'bil ta jmotone, xchi'uc li yaceiteale, xchi'uc li pom te co'ol oy xchi'uque. Ac'o xchic' te ta scajleb jmoton. Ja' chic'bil matanal sventa ana'ubilic ti lec mu yic' chc'ot ta tojol, vu'un li Muc'ul Diosune.

Números 5:25

Ac'o yich'be li matanal te yich'oje, ja' li matanal sventa it'ixale. Ac'o yac' ta stojol Muc'ul Dios. Ts'acal ac'o bat yac' ta scajleb smoton Dios.