Números 5:23 - Bible in Tzotzil de Chenalhó with Deuterocanon

²³ “Li palee ac'o sts'iba ta vun li stojol mulil laj yich' alele. Ts'acal ac'o stu'p o ta ch'ail vo'.

Bible in Tzotzil de Chamula

²³ “Va'i un, ti palee ta sts'ibta ta vun sc'oplal ti bac vocole, ti ta stubbe sc'oplal ta sventa ti ch'ail vo'e.

Números 5:23 Iomraidhean Croise

2 Crónicas 34:24

Jech chcal vu'un li Muc'ul Diosune: ta xcac'be tsots svocol li banamil li'i xchi'uc li boch'otic te nacajtique. Ja' ta xcac'be scotol li stojol mulil ts'ibabil ta vun ti laj yich' aptael ta stojol li ajvalil ta Judae.

Job 31:35

Lec ti oyuc boch'o cha'ay c'usi chcale. Tsots co'nton chcal, xu' ac'o stac'bun li Boch'o ech'em svu'ele; ac'o yich' ts'ibael lec ta vun li c'usi jmule.

Salmos 51:1

Dios cu'un, c'uxubinun ta sventa slequil avo'nton; tu'pbun jmul ta sventa ti toj ep c'uxubinel avu'une.

Salmos 51:9

Ch'aybun ta avo'nton li c'usi chopol la jpase; tu'pbun scotol li jmule.

Éxodo 17:14

Li Muc'ul Diose jech laj yalbe li Moisese: —Albo Josué ti j'ech'el ta jtu'pbe o sts'unubalic ta banamil li amalequetique. Xchi'uc ts'ibao ta vun sventa svulesubil ta avo'ntonic —xut.

Isaías 43:25

“Pero ta sventa ti vu'un Diosun avu'unique vu'un ta jtu'pboxuc li amulique; mu'yuc xa ta jt'ab ta co'nton o.

Isaías 44:22

Li vu'une laj xa jch'aybot li atoyobbaile; laj xa jmes loq'uel li amule; muc xvinaj bu ibat cu'un jech chac c'u cha'al lumal toc. Sutan me tal ta jtojol, yu'un vu'un la jcha'pojot loq'uel tal”, xi li Muc'ul Diose.

Números 5:22

Li stojol mulil li'i ja'o chata c'alal chavuch' li vo' ti yich'oj xa stojol mulile’, ac'o xiuc li palee. ‘Jechuc, ac'o c'otuc ta pasel jech’, ac'o xiuc li antse.

Números 5:24

Ts'acal to, li vo' ti yich'oj stojol mulile ac'o yac'be yuch' li antse yu'un jech ac'o ch'aubuc ta yut xch'ut.

Hechos 3:19

Ja' yu'un jchi'iltac, suteso avo'ntonic, sutanic tal ta stojol Dios, yu'un jech xu' chavich'ic ch'aybel li amulique, jech chc'ot yorail ta xac' xcuxetel avo'ntonic li Cajvaltique.

Deuteronomio 31:19

“Ja' yu'un li' ta orae, ts'ibao li q'ueoj li'i. Chanubtaso scotol li achi'iltaque yu'un ac'o sq'uejintaic, jech xu' chtun yu'unic sventa chisna'icun.

Apocalipsis 20:12

Laj quil te va'ajtic ta stuq'uil xchotleb Dios scotol li boch'otic chamenique. Te oyic c'alal ta muc', ta biq'uit. Jech laj yich' jamel li vunetique. Te laj yich' jamel yan vun noxtoc, ja' li vun sventa cuxlejale. Li boch'otic chamenique lic yich'ic chapanel jech chac c'u cha'al spasojic ti te ts'ibabil ta vunetique.