Números 5:22 - Bible in Tzotzil de Chenalhó with Deuterocanon

²² Li stojol mulil li'i ja'o chata c'alal chavuch' li vo' ti yich'oj xa stojol mulile’, ac'o xiuc li palee. ‘Jechuc, ac'o c'otuc ta pasel jech’, ac'o xiuc li antse.

Bible in Tzotzil de Chamula

²² Ti stojol ta xlic avich' taje, ja' o ta xlic avich' avocol yu'un ti c'alal ta xavuch' ti j'ac'-bac-vocol vo'e.’ ‘Jechuc, ja' xitun o’, xi ta stac' ti antse.

Números 5:22 Iomraidhean Croise

Salmos 109:18

La xpix sba ta yaq'uel vocol jech chac c'u cha'al sc'u' ti slapoj o scotol c'ac'ale, jech i'och batel ta yut sbec'tal jech chac c'u cha'al vo'; i'och c'alal ta sbaquiltac jech chac c'u cha'al aceite.

Salmos 41:13

Ac'o ich'atuc ta muc' li Muc'ul Diose, ja' li Dios yu'un Israele; ich'biluc ta muc' li' ta ora xchi'uc ta sbatel osil, ¡Jechuc! ¡Jechuc!

Salmos 72:19

Ac'o ich'atuc ta muc' sbatel osil li xch'ul bie; ac'o nojuc ta slequilal scotol li banamile. Jech ac'o c'otuc ta pasel. Jechuc.

Salmos 89:52

Ac'o ich'atuc ta muc' sbatel osil li Muc'ul Diose. Jech ac'o c'otuc ta pasel. Jechuc.

Proverbios 1:31

Te chalo'be sat atuquic li c'usi chats'unique; te chlic yac'boxuc avocolic li c'usi chopol chanopique.

Ezequiel 3:3

Jech laj yalbun: “Xnich'on cristiano, bic'an batel li vun li'i; nojeso o lec ach'ut”, xiyutun. Jech la jlo', toj lec chi' laj ca'ay jech chac c'u cha'al pom.

Números 5:23

“Li palee ac'o sts'iba ta vun li stojol mulil laj yich' alele. Ts'acal ac'o stu'p o ta ch'ail vo'.

Números 5:27

Me ta melel mu junuc yo'nton ta stojol smalal li antse, chlic ch'aubuc ta yut xch'ut li vo' ti yich'oj xa stojol mulile, xchi'uc chlic situbuc li yav yole, jech chlic socuc o. Jech li antse ja' svinajeb chc'ot ta stojol scotol xchi'iltac ti laj yich'be stojol li smule.

San Juan 3:11

Ta melel, jamal ta xcalbot ava'ay, li vu'uncutique ja' ta xcalcutic li c'usi jna'cutique xchi'uc li c'usi quilojcutique. Pero li vo'oxuque mu xavich'ic ta muc' li c'usi ta xcalcutique.

San Juan 3:3

Itac'ov li Jesuse: —Ta melel, jamal ta xcalbot ava'ay, li boch'o mu'yuc chcha'voc' ta ach'e, mu xu' chich' ventainel yu'un Dios —xut.

San Juan 6:53

Li Jesuse jech laj yalbe: —Jamal ta xcalboxuc ava'yic, me mu'yuc chave'bicun jbec'tal, vu'un ti Xnich'on cristiano lic'ote, me mu'yuc chavuch'bicun li jch'ich'ale, mu'yuc acuxlejalic o.