Números 5:2 - Bible in Tzotzil de Chenalhó with Deuterocanon

² “Albo scotol achi'iltac ta israelal ti ac'o sloq'uesic te yo' bu nacalic scotol li boch'otic yich'ojic c'a'el chamele, o me chamel ta sc'unilic ti chloc' ya'lele, o me mu'yuc yac'oj sba ta lecubtasel me oy la spiquic animae.

Bible in Tzotzil de Chamula

² “Albo ya'i mantal ti israeletique ti ac'o sjipic loq'uel c'alal to sti'il jteclum scotol ti buch'utic ti c'usiuc no'ox chamelal ti ch'iem ta snuculilique, mi ja' ti buch'u oy c'usi xmalmun yu'unique, mi ja' ti buch'u laj soques sba xchi'uc ta scoj ti laj spic ti c'usi chamemique.

Números 5:2 Iomraidhean Croise

2 Reyes 7:3

Oy chanib jc'a'el chameletic te oyic ta ti'lum, jech laj yalbe sbaic: —¿C'u yu'un ti li' no'ox chotolutic ta jmalatic chijchame?

Levítico 13:45

“Li boch'o ip cha'ay c'a'el chamele, li'emic sc'u' ac'o slap, xchi'uc mu me smac li sjole. Jvoc' no'ox ac'o smac li sate, jech ac'o yal: ‘Chopolun, chopolun’, ac'o xiuc.

Levítico 13:46

Ti jayib c'ac'al ip cha'ay li c'a'el chamele mu stac' chi'inel o. Stuc ac'o naquiuc ta spat to li acarpanaique.

Levítico 13:8

C'alal me laj yil pale ti yantic no'ox ta xpuc batel ta scotol sbec'tal li boch'o ipe, ac'o yalbe ti mu xa stac' chi'inele yu'un xa ja' tsacbil o ta c'a'el chamel.

Levítico 14:8

“Li boch'o chich' lecubtasele, ac'o xchuc' lec sc'u'. Ac'o xjux scotol stsotsil sbec'tal xchi'uc sjol; ac'o atinuc lec, jech lecuben xa chcom o. Jech xu' xa ch-och batel te yo' bu apasoj acarpanaique, pero vucub c'ac'al te no'ox ac'o oyuc ta osilaltic. Mu to xu' ch-och ta scarpana.

Levítico 21:1

Li Muc'ul Diose jech laj yalbe li Moisese: “Albo li paleetic, xnich'nabtac Aarone, mu me xbat scap sbaic ta sq'uelel me oy chcham junuc yuts' yalale yu'un ta soques sbaic me jech tspasique.

Levítico 23:29

Me oy boch'o mu sc'an xicta ixim li jun c'ac'al le'e, ac'o yich' loq'uesel ta atojolic.

Números 12:10

C'alal inamaj xa'ox batel li toc te ta ti'na pasbil ta nucule, li Mariae tsacbil xa ta c'a'el chamel icom, jeche' saclo'an ibat li snuculile. C'alal ijoyij li Aarone, ja' to laj yil ti tsacbil xa ta c'a'el chamel li Mariae.

Números 12:14

Li Muc'ul Diose jech laj yal: “Ti stotuc la stubtabe sate, vucub c'ac'al mu'yuc stu ta asatic chcom ti jechuque. Ja' yu'un loq'uesic ta atojolic vucubuc c'ac'al; mu me xaxchi'inoxuc te yo' bu oy acarpanaique. Ts'acal xu' chtal xchi'inoxuc yan velta”, xi.

Números 31:19

Ti jayiboxuc lamilvanique, o me laj apicbeic sbec'tal li animae, comanic vucubuc c'ac'al ta spat jcarpanatic. Tsc'an chavac' abaic ta lecubtasel ta yoxibal c'ac'al xchi'uc ta svucubal c'ac'al achi'uquic li boch'otic laj achuquic tale.

Números 5:1

Li Muc'ul Diose la sc'opan yan velta li Moisese. Jech laj yalbe: