Números 5:18 - Bible in Tzotzil de Chenalhó with Deuterocanon

¹⁸ Ac'o yalbe ti ac'o sva'an sba lec ta stojol Muc'ul Dios li antse. Ac'o stitunbe li stsotsil sjole. Ac'o yac'be stsac li matanal ta sventa it'ixale yu'un jech ac'o vinajuc li mulile. Li palee ac'o stsac ta sc'ob li ch'ail vo' sventa stojol mulile.

Bible in Tzotzil de Chamula

¹⁸ Ta xac' va'luc xtoc ti ants ta stojol ti Diose. Ta sjitunbe ti sjole. Ta xac'be ta sc'ob ti matanal yu'un ti it'ixale yo' jech ta xvinaj ti mulile. Jech ti stuc une ta stsac ti ch'ail vo' ti ta xac' bac vocole.

Números 5:18 Iomraidhean Croise

Proverbios 5:4

Pero li c'usi ta jtatic yu'une toj ch'a jech chac c'u cha'al ch'ail vomol; ja' toj ech'em chyayijesvan jech chac c'u cha'al machita ti lec juxbil xcha'jotal yee.

Eclesiastés 7:26

Te la jta ta otquinel ti oy jun c'usi toj c'ux abul jbatic yu'une; ja' xu' to jutuc ti c'alal chijchame, ja' ti c'alal oy jun ants chlo'lavane. Yu'un li yo'ntone ja' jech chac c'u cha'al lasu; li sc'obe ja' jech chac c'u cha'al cadena. Li boch'o lec sc'anoj Diose chcol loq'uel ta sventa li ants le'e; yan li boch'o ja' lec cha'ay li mulile te chucul chcom o.

Isaías 38:17

Li bats'i tsots jvocol le' olon tale, ic'ataj xa ta jun co'nton. Vo'ot laj acoltaun ta sventa lajel; laj avac' ta apat ta axocon li jmule.

Jeremías 2:19

Achopolilic no'ox chayac'boxuc atoj amulic; atoyobbailic no'ox chayac'oxuc ta vocol. Nopic me lec, q'uelo lec avilic ti toj chopol, ti acomtsanojicun vu'un li Muc'ul Diosun avu'unique, ti muc xavich'icun ta muq'ue. Jech chcal jtuc vu'un li Muc'ul Diosune, vu'un li Diosun ti ta jpas ta mantal scotol te ta vinajele.

Levítico 13:45

“Li boch'o ip cha'ay c'a'el chamele, li'emic sc'u' ac'o slap, xchi'uc mu me smac li sjole. Jvoc' no'ox ac'o smac li sate, jech ac'o yal: ‘Chopolun, chopolun’, ac'o xiuc.

Números 5:15

Me oy jech chc'ot ta pasel jchopucale, li vinique ac'o yic' batel ta stojol pale li yajnile. Ac'o yich' batel chibuc kilo arina pasbil ta cebada. Ja' matanal sventa ac'o vinajuc smul li yajnile, pero mu me smalta ta aceite, xchi'uc mu me xac'be pom yu'un ja' matanal ta sventa it'ixajel, o sventa chich' vinajesel mulil.

Números 5:17

Ts'acal ac'o yac' jutebuc ts'u'iltasbil vo' ta jayil lum. Ac'o scap ta spucucal li yut ch'ul cuartoe.

Números 5:19

Ts'acal jech ac'o yalbe ta jamal ta stojol Dios li antse: ‘Me ta melel mu'yuc bu achi'inoj yan vinique, xchi'uc me mu'yuc bu yan avo'nton ta stojol amalale, me mu'yuc c'usi apasoj achi'uc yan vinic ti sbolibtasojote, mu me c'usi chopol xaspasbot c'alal chavuch' li vo' li'i ti ja' sventa stojol mulile.

Números 5:22

Li stojol mulil li'i ja'o chata c'alal chavuch' li vo' ti yich'oj xa stojol mulile’, ac'o xiuc li palee. ‘Jechuc, ac'o c'otuc ta pasel jech’, ac'o xiuc li antse.

1 Corintios 11:15

Pero me ja' chac' natubuc sjol li antsetique, ja' snupic c'otem, yu'un ja' xpix sjol ac'bilic ti nat stsotsil sjolique.

1 Corintios 11:6

Me mu sc'an smac sjol li antse, ja' lec ac'o yich' loc'bel li sjole. Pero me chq'uexov cha'ay ti loc'bil, o me juxbil sbejlijil sjole, ja' lec ac'o smac.

Deuteronomio 29:18

Mu me oyuc boch'o scomtsan Muc'ul Dios avu'unic, me vinic o me ants, me achi'ilic ta jujuchopoxuc, yu'un ja' chbat yich' ta muc' li diosetic yu'un yan lumetique. Mu me oyuc boch'o jech chc'ot jech chac c'u cha'al jpets te' ti ch'a c'alal ta yibel, ti oy svenenoale.

Hebreos 13:4

Ich'ic me ta muc' acotolic li nupinele. Mu me xasoquesic ta sventa mulivajel li nupinele. Yu'un li boch'o chmulivajic, ti tsc'opan sbaique ta ono'ox xich'ic chapanbel smulic yu'un Dios.

1 Samuel 15:32

Ts'acal jech lic yal li Samuele: —Ic'bicun tal li Agag, ajvalil yu'un amalequetique —xi. Li Agage xcuxet no'ox yo'nton ital ta stojol li Samuele. La snop ti i'ech' xa o yu'un li tsots vocol sventa chmilate.