Números 5:15 - Bible in Tzotzil de Chenalhó with Deuterocanon

¹⁵ Me oy jech chc'ot ta pasel jchopucale, li vinique ac'o yic' batel ta stojol pale li yajnile. Ac'o yich' batel chibuc kilo arina pasbil ta cebada. Ja' matanal sventa ac'o vinajuc smul li yajnile, pero mu me smalta ta aceite, xchi'uc mu me xac'be pom yu'un ja' matanal ta sventa it'ixajel, o sventa chich' vinajesel mulil.

Bible in Tzotzil de Chamula

¹⁵ Ti c'uc s'elan ti xcha'tosal taje, ti vinique ta xic' batel ti yajnil ta stojol ti palee. Ta xac' chib kilo matanal juch'bil jchop o ta trigo ta sventa ti yajnile. Ja' no'ox un, mu'yuc ta smalbe ti aceite ta sba ti harinae. Mi ja'uc ta xac'be pom. Yu'un ja' jun matanal ta scoj ti it'ixale, ti ja' jun matanal ta svinajesel ti mulile.

Números 5:15 Iomraidhean Croise

1 Reyes 17:18

Li antse jech laj yalbe li Eliase: —¿C'u yu'un jech laj apasbun vo'ot li yaj'alc'opot Diose? ¿Me yu'un tal avac'bun jtoj jmul ti laj avac' chamuc li cole? —xut.

Ezequiel 21:23

Pero li jnaclumetic ta Jerusalene tscuyic ti lo'lael no'ox li c'usi chich' alele, yu'un oy c'usi lec xchapanoj xchi'uquic li ajvalile. Pero li ajvalile t'abal ta yo'nton li c'usi chopol la spasique yu'un jech xu' ta stsacan batel.

Ezequiel 29:16

Jech mu xa xlic spat yo'ntonic ta stojol yan velta li israeletique; jech chlic sna'ic ti ja' smulic ti i'ay sa'ic coltael ta stojole, jech chlic xch'unic ti vu'un Muc'ul Diosune’, uto”, xiyutun.

Oseas 3:2

Jech la jman ta vo'lajunsep (15) saquil taq'uin, xchi'uc oxib ciento xchi'uc lajuneb xcha'vinic (330) anmul cebada.

Levítico 1:2

“Albo scotol li achi'iltac ta israelale, c'alal me oy boch'o chtal yac'bun jmotone, ja' ac'o yich'bicun tal li xvacaxique xchi'uc li xchijique.

Levítico 2:1

“C'alal me oy boch'o chich'bun tal jmotonin li strigo xchi'uc c'usitic yan jech chac c'u cha'al trigoe, ja' ac'o yich'bun tal arina ti bu ven leque. Ac'o yac'beic aceite xchi'uc pom.

Levítico 5:11

“Pero me mu xtoj yu'un noxtoc li cha'cot puruvoc stsu, o li cha'cot stsumute, xu' ja' no'ox ac'o yich' tal chibuc kilo arina ti bu ven leque. Ja' matanal sventa smul chc'ot. Mu me xac'be aceite xchi'uc pom, yu'un ja' matanal ta sventa mulil.

Números 5:16

“Li palee ac'o snopajes li antse. Ac'o sva'an ta stojol li Muc'ul Diose.

Hebreos 10:3

Yu'un ti c'alal chich' aq'uel jujun jabile, te cht'ab ta yo'ntonic ti yu'un oy smulique.