Números 4:4 - Bible in Tzotzil de Chenalhó with Deuterocanon

⁴ “Li abtel oy ta sventaic li smomnich'nabtac Coate ja' bats'i tsots sc'oplal. Ja' jech chac li'i:

Bible in Tzotzil de Chamula

⁴ “Ti yabtelic ta xich'ic snitilultac ti Coate, yu'un ja' ch'ul abtel ta j'ech'el ti xi s'elane:

Números 4:4 Iomraidhean Croise

1 Crónicas 23:6

Li Davide lic svoc'an ta jujuchop; ja' ti c'u x'elan voq'uemic li xnich'nab Levie. Ja' li Gersón, Coat, xchi'uc Merarie.

Números 10:21

Ja'o te xtalic ec li smomnich'nabtac Coat ti ja' yabtelic chich'ic batel li c'usitic voc'bilic o sventa chtun te ta ch'ulnae. C'alal ic'otic yo' bu oy li yantique, meltsajem xa'ox c'ot staic li ch'ulna pasbil ta nucule.

Números 4:15

C'alal me laj yo'ntonic ta xpixel c'usitic chtun ta jventa li Aarón xchi'uc xnich'nabe, xchi'uc me lec xa chapal yu'unic sventa chich'ic batel c'alal chanovique, ac'o talicuc li smomnich'nabtac Coate. Ja' ac'o yich'ic batel scotol. Pero me jutuc mu me spic ta sc'obic li c'usi voc'bil cu'un sventa cabtele yu'un jech mu xchamic ta jtojol. Scotol li c'usitic chtun te ta ch'ulna pasbil ta nucule ja' yabtel chich'ic batel li smomnich'nabtac Coate.

Números 4:19

Ti c'u cha'al mu spiquic li c'usitic voc'bil cu'un sventa chtun te ta ch'ulna pasbil ta nucul yu'un jech mu xmilatique, tsc'an ac'o spasic jech chac li'i: Li Aarón xchi'uc xnich'nabe ja' yabtel ac'o yalbeic ta jujuntal c'usi xu' tspasic, xchi'uc c'usitic oy ta sventaic chich'ic batel.

Números 4:24

“Li smomnich'nabtac Gersone ja' yabtelic jech chac li'i:

Números 4:3

Ja' xatsacbe ta vun sbiic li boch'otic yich'ojic lajuneb xcha'vinic (30) sjabilalic c'alal ta lajuneb yoxvinic (50) jabil, ti xu' xa yu'unic li abtel ta ch'ulna pasbil ta nucule.

Números 4:30

Ja' xatsacbe ta vun sbiic li boch'otic yich'ojic xa lajuneb xcha'vinic (30) jabil c'alal ta lajuneb yoxvinic (50) jabil, ti xu' xa yu'unic li abtel te ta ch'ulna pasbil ta nucule.

Números 4:5

C'alal me oy chc'ot yorail chanovic batel yan velta li achi'iltaque, li Aarón xchi'uc xnich'nabe ja' tsloq'uesic li velo ti macbil o li bats'i lequil ch'ul cuartoe. Ja' ta xpixic o li xcaxail jmantale.

Números 7:9

Yan li smomnich'nabtac Coate mu'yuc laj yich'ic li caretaetique xchi'uc li vacaxetique, yu'un li c'usi tsotsic sc'oplal ti oy ta sventaic chich'ic batele, ta snecubic no'ox tsc'an chq'uechic batel.

Marcos 13:34

Jech chac c'u cha'al jun vinic c'alal ta xbat ta nome, ta xac'be comel ta sc'ob smozotac li snae. Ta xalbe comel c'usi yabtel jujun. Li boch'o ja' yabtel ta xchabi ti'nae ta xalbe comel ti ac'o viq'uiluc o sat ta xchabiele.