Números 4:32 - Bible in Tzotzil de Chenalhó with Deuterocanon

³² Ja' chich'ic batel noxtoc yoyaltac li coral ti setbil o li ch'ulnae, xchi'uc li snaclebtac yoyale, xchi'uc li yantic ste'eltaque, xchi'uc li c'usitic yan chtun yu'unic sventa ch-abtejique. Vo'ot avabtel chavalbe ya'yic lec li c'usitic ja' yabtel chich'ic batele.

Bible in Tzotzil de Chamula

³² Ma'uc no'ox taje, ja' ta sbainic ta yich'el batel xtoc ti oyetic ti ta xtun ta sjoylej smac ti ch'ulnae, ti spajlebtaque, ti spajobte'altaque, ti yaq'uiltaque, xchi'uc scotol ti c'usitic ta xtun ta sventa yabtelique. Vo'ot ta xavalbe jujunic ti c'usitic ta xich'ic batele.

Números 4:32 Iomraidhean Croise

1 Crónicas 9:29

Li yantique ja' oy ta sventaic xchabiel li yan c'usitic te chtune, xchi'uc li arina, ya'lel ts'usub, aceite, pom, xchi'uc muil poxiletique.

Éxodo 25:9

Ti c'u x'elan chacac'bot avil senyaile, xchi'uc li c'usitic chacalbot tsc'an te chtune, ja' jech xapas.

Éxodo 27:9

“Pasbo yamaq'uil li ch'ulnae. Ta stuq'uil sure maco ta poc' pasbil ta ts'otbil lino no, ja' vo'ob yoxvinic metro (45) snatil.

Éxodo 38:17

Li snaclebtac yoyale ja' pasbil ta bronce. Li slucajtic taq'uinal yoyal xchi'uc li xotajtic taq'uinale pasbil ta saquil taq'uin. Li sjoljol yoyaltaque pixbil ta saquil taq'uin. Scotol li yoyaltaque ta saquil taq'uin pasbil li xotajtic taq'uinale.

Éxodo 38:21

Li levietique ja' laj yich'ic ta venta scotol c'u yepal itun li c'usitic pasbil ta taq'uin c'alal la spasic li ch'ulna pasbil ta nucule yu'un jech i'albatic yu'un li Moisese. Ja' q'uelbilic yu'un li Itamar, xnich'on pale Aarone.

Números 3:36

Li smomnich'nabtac Merarie ja' oy ta sventaic xchabiel li tenalte'etic sventa ch'ulna pasbil ta nucule, xchi'uc xq'uechubiltac li tenalte'etique, xchi'uc li yoyaltaque, xchi'uc li snacleb yoyaltaque, xchi'uc scotol li c'usitic yantic ti ja' sventa ch'ulnae.

Números 3:8

Ja' yabtelic chchabiic scotol li c'usitic chtun te ta ch'ulna pasbil ta nucule, xchi'uc ja' chtunic yu'un scotol li achi'iltac ta sventa scotol li c'usiuc no'ox tsc'an pasel te ta ch'ulnae.

Números 4:31

Li abtel ti tsc'an tspasic te ta ch'ulnae ja' chich'ic batel li tenalte'etic sventa ch'ulnae, xchi'uc li xq'uechubiltaque, li yoyaltaque, xchi'uc li snaclebtac yoyale.

Números 4:33

Li smomnich'nab Merarie ja' jech li yabtelic tsc'an ac'o spasic te ta ch'ulna pasbil ta nucule. C'alal tspas li yabtelic le'e, ja' chq'uelatic yu'un li Itamar, xnich'on banquilal pale Aarone”, x'utat yu'un Muc'ul Dios li Moisese.

Números 4:49

Ti c'u x'elan la yich' tsacbel sbiique, ja' jech laj yich' pasel jech chac c'u cha'al i'albat yu'un Dios li Moisese. Xchi'uc ta jujuntal laj yich'ic albel c'usi yabtel ac'o spasic xchi'uc c'usitic oy ta sventa chich'ic batel jech chac c'u cha'al i'albat yu'un Muc'ul Dios li Moisese.

Números 7:1

Li c'usi c'ac'alil ivu' yu'un spasel ch'ulna pasbil ta nucul li Moisese, la xjax ta aceite li ch'ulnae, xchi'uc scotol li c'usitic te chtune, xchi'uc li c'usitic te chtun ta scajleb smoton Diose, jech voc'bil icom o.

Números 7:8

Li smomnich'nabtac Merarie laj yac'be chancot caretaetic xchi'uc vaxaccot vacaxetic, yu'un ja' jech chtun yu'unic ta sventa li yabtelic ti ch-ac'bat spasic yu'un Itamare, ja' li xnich'on pale Aarone.