Números 4:16 - Bible in Tzotzil de Chenalhó with Deuterocanon

¹⁶ Li Eleazar, xnich'on banquilal pale Aarone, ja' me tsventain li aceite sventa candiletique, xchi'uc li pom ti lec muic yiq'ue, xchi'uc li bec' trigo ti chich' aq'uilanel o scotol c'ac'al ta sventa jmotone, xchi'uc li aceite sventa chich' yabtelique. Jech noxtoc oy ta sventa chchabiic ec li ch'ulna pasbil ta nucule xchi'uc scotol li c'usitic te chtune”, x'utat yu'un Muc'ul Dios li Moisese.

Bible in Tzotzil de Chamula

¹⁶ Ti Eleazar ti ja' xnich'on ti pale Aarone, ja' ta sbain ta sq'uelel ti aceite yu'un ti lamparaetique, ti muil pome, ti matanal sat ts'unubiletic ti ta ono'ox xiyac'beique, xchi'uc ti jtunel aceitee. Ja' jech xtoc ja' ta sbainic ta sq'uelel ti Axibalnae xchi'uc scotol ti c'usitic x'ayane, xchi'uc xchaplej lec ti c'usitic ac'bil xa jelavel ta ventainele.”

Números 4:16 Iomraidhean Croise

Éxodo 25:6

aceite sventa candiletic, smuibtasbil aceite sventa lecubtasel, xchi'uc sventa pom ti c'u cha'al lec mu yiq'ue.

Éxodo 30:22

Li Muc'ul Diose la sc'opan noxtoc li Moisese, jech laj yalbe:

Éxodo 31:11

xchi'uc li aceite sventa ich'ub abtelale xchi'uc li pom sventa chich' aq'uel ta ch'ulnae. Le'e ja' xu' yu'unic spasel scotol jech chac c'u cha'al laj calbote.

Éxodo 37:29

Li Bezaleele la spas noxtoc li ch'ul aceite sventa ich'ub abtelale, xchi'uc li pome, xchi'uc li mero perfumee. Ja' jech la spas jech chac c'u cha'al tspasic li boch'otic lec sna'ic spasel perfumeetique.

Levítico 24:1

Li Muc'ul Diose la sc'opan yan velta li Moisese, jech laj yalbe:

Levítico 24:2

“Albo scotol achi'iltac ti ac'o yich'ic tal mero yaceiteal olivaetic sventa candiletic yu'un tsc'an te tsanal o scotol c'ac'al.

Levítico 6:20

“C'alal voc'bilic xa o ta sventa paleal li Aarón xchi'uc xnich'nabe, ja' jech li jmoton tsc'an chiyac'bicune: chib kilo arina ti bu ven leque, j'o'lol ac'o yaq'uic ta jujun sob, j'o'lol ac'o yaq'uic ta jujun bat c'ac'al; me junuc c'ac'al mu me xquechanic o.

Números 3:32

Li mero banquilal yu'unic li levietique ja' li Eleazare. Ja' xnich'on li banquilal pale Aarone. Li Eleazare ja' oy ta sventa tsq'uel lec c'u x'elan ch-abtejic li jchop ti chchabiic li ch'ulna pasbil ta nucule.

Números 4:17

Li Muc'ul Diose jech laj yalbe yan velta noxtoc li Moisés xchi'uc Aarone:

San Lucas 4:18

“Li Espíritu yu'un Diose li' oy ta jtojol. Ja' yu'un la st'ujun, jech voc'bil licom ta sventa yabtel. Jech tal calbe ya'yic Lequil A'yej li boch'otic abul sbaique. Tacbilun tal ta yalel ti xu' chcolic li boch'otic ochemic ta chuquele, xchi'uc tal jambe satic li ma'satetique, xchi'uc tal jcolta li boch'otic uts'intabilique.

Hechos 20:28

Ja' yu'un chabio me aba atuquic. Chabiic noxtoc li chijetique yu'un ja' avabtel la'ac'batic yu'un Ch'ul Espíritu ti c'alal lacomic ta jq'uelvanej yu'un jcholc'opetique. Jech sc'an chaq'uelic lec, yu'un li steclumal Cajvaltique smanojan ta xch'ich'al.

1 Corintios 4:1

Ja' yu'un c'otuc ta avo'ntonic ti yajtuneluncutic Cristo no'oxe, ti ja' no'ox jventainojcutic yalel li c'usi snopoj Dios ti mu'yuc to'ox vinajeme.

1 Timoteo 2:5

Yu'un jun no'ox Dios oy, xchi'uc jun no'ox boch'o chc'opoj cu'untic ta stojol Dios, vu'utic li cristianoutique. Ja' li Jesucristo ti cristiano ic'ote.

Hebreos 3:1

Ja' yu'un, jchi'iltac, vo'oxuc ti lecubtasbiloxuc xae, ti ic'biloxuc xa sventa cha'ochic ta vinajel eq'ue, ja' me xanopilanic li Jesús ti itacat tale, ja' li Banquilal Pale cu'untique, ja' li boch'o jch'unojtique.

Hebreos 3:6

Pero li Cristoe ja' Nich'onil, jech jun yo'nton tsventainbe li sna Diose. Li sna Diose ja' vu'utic ti me jun co'ntontic o ta stojol c'alal to ta slajebal c'ac'ale, me xcuxet no'ox co'ntontic ta jmalatic li c'usi sc'oplal chquich'tique.

1 Pedro 2:25

Yu'un li vo'oxuque ja' to'ox jechoxuc jech chac c'u cha'al ch'ayemal chijetic, pero li' ta orae lasutic tal ta stojol li Jchabivaneje. Ja' xa ta xchabioxuc jech chac c'u cha'al jchabichij, ja' xchabioj li acuxlejalique.

1 Pedro 5:2

Chabiic me li xchijtac Dios ti ac'bil aventainique. Mu me ta sujeluc xapasic; yutsiluc me avo'nton xapasic jech chac c'u cha'al tsc'an li Diose. Mu me ja'uc ta scoj ti xpich'et avo'ntonic yu'un taq'uine. Scotoluc avo'nton xapasic li avabtelique.