Números 4:15 - Bible in Tzotzil de Chenalhó with Deuterocanon

¹⁵ C'alal me laj yo'ntonic ta xpixel c'usitic chtun ta jventa li Aarón xchi'uc xnich'nabe, xchi'uc me lec xa chapal yu'unic sventa chich'ic batel c'alal chanovique, ac'o talicuc li smomnich'nabtac Coate. Ja' ac'o yich'ic batel scotol. Pero me jutuc mu me spic ta sc'obic li c'usi voc'bil cu'un sventa cabtele yu'un jech mu xchamic ta jtojol. Scotol li c'usitic chtun te ta ch'ulna pasbil ta nucule ja' yabtel chich'ic batel li smomnich'nabtac Coate.

Bible in Tzotzil de Chamula

¹⁵ C'alal mi laj xa svolic lec ta pixel ti Aarón xchi'uc ti xnich'nabe scotol ti trasteetic ti ac'bil xa ta ventainele, ti chapalic xa ta stam batel ti sbeique, xu' ta xtalic snitilultac ti Coate yo' jech ta xchechic batel scotol ti c'usitic taje. Ja' no'ox un, ti c'usitic ac'bil xa ta ventainele, mi ja'uc xu' ta spiquic yo' jech mu xchamic. Yu'un scotol ti c'usitic oy ta Axibalna ti bu nupel ta bee, ja' sbainojic ta xchechel batel snitilultac ti Coate.

Números 4:15 Iomraidhean Croise

2 Samuel 15:24

Te ibat ec li Sadoque xchi'uc scotol li levietic ti yich'ojbeic batel xcaxail smantal Diose. Te to la scotanic li caxae, ja' to ti c'alal iloq'uic xa batel ta lum scotol li israeletique; ts'acal te ic'ot ec li Abiatare.

2 Samuel 6:13

C'alal itotsic xa'ox batel vacjet ta acanil xchi'uquic li xcaxail smantal Muc'ul Diose, li Davide lic smil jcot tot vacax xchi'uc jcot juben tot chij sventa smoton Dios.

1 Reyes 8:3

Ibatic scotol li banquilaletic yu'un israeletique. Li paleetique laj yich'ic batel li caxae,

1 Crónicas 15:15

Jech la xq'uechic batel ta xq'uechubiltac, jech chac c'u cha'al laj yal Moisés ta smantal Diose.

1 Crónicas 15:2

Li Davide jech lic yal: “Mu boch'ouc no'ox xu' chich' batel li caxae; ja' no'ox li levietique yu'un ja' t'ujbilic yu'un Muc'ul Dios ti xu' chq'uechic batele, yu'un ja' te chtunic o ta stojol Dios”, xi.

1 Crónicas 23:26

Ja' yu'un li levietique mu xa persauc bu chq'uechilanic batel li ch'ulna pasbil ta nucule xchi'uc li c'usitic chtun tee”, xi ono'ox.

Éxodo 19:12

Ac'bo senyail ti bu no'ox c'alal xu' tset sbaic ta sjoyobal li vitse yu'un jech mu xjelovic tal. Albo ya'yic noxtoc ti mu me xmuyic tal li' ta vitse, xchi'uc ti mu me xjelovic tal ti bu senyaile. Li boch'o ta xjelov tale milic.

Éxodo 19:21

Jech laj yalbe: —Yalan batel; bat albo ya'yic achi'iltac ti mu me xjelovic tal ti bu oy senyail sventa chtal sq'uelicune, yu'un naca me toj ep ichamic.

Éxodo 27:7

Li xq'uechubiltaque te xaxoj jelovel ta slucajtic taq'uinal ta jujujot xocon li scajleb jmotone yu'un jech xu' chich' q'uechel batel.

Levítico 16:13

Li pome ac'o yac' ta c'oc' te ta jtojol, jech ac'o macuc ta xch'ayilal pom li smac xcaxail jmantale, jech mu xcham li Aarone.

Números 1:50

Li levietique ja' no'ox te xavac' abtejicuc o ta jch'ulna pasbil ta nucule. Ja' ac'o sventainic o scotol li c'usitic te chtune xchi'uc scotol li c'usitic ja' sventa o li ch'ulnae. Ja' tsventainic yich'el batel noxtoc li ch'ulna pasbil ta nucule xchi'uc scotol li c'usitic te oye yu'un ja' te chtunic o ta ch'ulna pasbil ta nucul. Xchi'uc te ac'o spas scarpanaic ta spat xocon li ch'ulna pasbil ta nucule.

Números 1:51

C'alal me yorail xa chaloq'uic batele, ja' oy ta sventaic chich'ic batel. Ja' tsmeltsanic lec scotol li c'usitic tsc'an ich'el batele, xchi'uc ja' chc'ot xcha'va'anic noxtoc ti bu chlic naclanique. Scotol li boch'otic chnopajic batel ta sts'el ch'ulna ti mu ja'uc oy ta sventaic sq'uelele, ac'o yich' milel.

Números 10:21

Ja'o te xtalic ec li smomnich'nabtac Coat ti ja' yabtelic chich'ic batel li c'usitic voc'bilic o sventa chtun te ta ch'ulnae. C'alal ic'otic yo' bu oy li yantique, meltsajem xa'ox c'ot staic li ch'ulna pasbil ta nucule.

Números 18:3

Ja' no'ox xu' chascoltaoxuc ta abtel, xchi'uc ja' no'ox xu' tspasic li abtel te ta ch'ulna pasbil ta nucule. Pero mu xu' chnopajic batel te yo' bu oy li c'usitic te chtune, xchi'uc ta scajleb li jmotone. Me jech tspasique, ta me xchamic. Jech ta xachamic ec li vo'oxuque.

Números 3:38

Ta stuq'uil sloq'ueb c'ac'al ta yeloval li ch'ulna pasbil ta nucule, ja' te la spas scarpanaic li Moisés xchi'uc Aarón xchi'uc xnich'nabtac Aarone. Ja' la sventainic li ch'ulna pasbil ta nucule. Ja' q'uexolil ic'otic ta stojol xchi'iltaquic ta israelal. Me oy boch'o ta scuy sba ta paleal ti c'alal muc ja'uque, ac'o yich' milel.

Números 4:14

Ta sbae ac'o yaq'uic scotol li c'usitic chtun c'alal chchiq'uic li jmotone. Ja' li yav ac'aletique, li xluchubiltac ti'bole, li spalailtaque, li muc'tiquil tazae. Scotol le'e ja' li c'usitic chtun ta scajleb jmotone. Ac'o smaquic ta lequil nuculetic scotol, xchi'uc te ac'o yaq'uic noxtoc li ste'eltac sventa xq'uechubile.

Números 4:19

Ti c'u cha'al mu spiquic li c'usitic voc'bil cu'un sventa chtun te ta ch'ulna pasbil ta nucul yu'un jech mu xmilatique, tsc'an ac'o spasic jech chac li'i: Li Aarón xchi'uc xnich'nabe ja' yabtel ac'o yalbeic ta jujuntal c'usi xu' tspasic, xchi'uc c'usitic oy ta sventaic chich'ic batel.

Números 4:20

Jech mu persauc ch-och sq'uelic li c'usi voc'bil sventa cabtele, xchi'uc jech mu xchamic”, xi li Muc'ul Diose.

Números 7:9

Yan li smomnich'nabtac Coate mu'yuc laj yich'ic li caretaetique xchi'uc li vacaxetique, yu'un li c'usi tsotsic sc'oplal ti oy ta sventaic chich'ic batele, ta snecubic no'ox tsc'an chq'uechic batel.

Deuteronomio 31:9

Li Moisese la sts'iba scotol li mantaletique, ja' laj yac'be ta sc'ob li pale levietique, xchi'uc scotol li banquilaletic yu'un israeletique. Yu'un li levietique ja' yich'ojbeic xcaxail li smantal Muc'ul Diose.

Josué 4:10

Li paleetic ti yich'ojic tal li xcaxail smantal Muc'ul Diose te va'ajtic o ta o'lol yut uc'um ti c'alal sbats'ilic spasel scotol israeletic li c'usi i'albatic yu'un Muc'ul Dios ta sventa li Josuee. Scotol la spasic jech chac c'u cha'al laj yalbe comel Josué li Moisese. Li israeletique ijelovic ta ora ta jot uc'um scotolic.

1 Samuel 6:19

Li Diose laj yac' chamicuc lajuneb xchanvinic (70) li viniquetic te ta Bet-semese, yu'un la sq'uelbeic yut li xcaxail smantal Muc'ul Diose. Li yajvaltac lume i'oq'uic ta scoj li tsatsal vocol i'ac'batic yu'un Muc'ul Diose.