Números 36:2 - Bible in Tzotzil de Chenalhó with Deuterocanon

² —Vo'ote Moisés, yalojbot Muc'ul Dios ti vo'ot chapucbe yosilic bu chc'ot ta stojol jujunic li jchi'iltactic ta israelale. Xchi'uc laj yalbot ti sc'oplal ja' chavac'be stsebetic li spuculal osil Zelofehad ti ja' co'ol jbi jchi'uccutique.

Bible in Tzotzil de Chamula

² —Ti vo'ote, Moisés, la'albat mantal yu'un ti Diose ti ta yorail ta xich' q'uelel ti c'u s'elan ta xach'acbe banomil ti jujuchop israeletic ti bu ta xc'ot ta yu'unique. Jech xtoc laj yalbot mantal ti banomil ti oy sc'oplal ta xich' ti Zelofehad ti ja' cuts' calalcutique, ti ja' ac'o avac'be yich'ic ti yantsiquil nich'nabe.

Números 36:2 Iomraidhean Croise

Job 42:15

Mu'yuc yan tsebetic toj c'upilic sba ta scotol banamil jech chac c'u cha'al stsebetic li Jobe. Li Jobe co'ol laj yac'be comel c'usitic oy yu'un li stsebetic xchi'uc squeremetique.

Números 33:54

Pero ti c'alal chavoq'uique, tsc'an chapasic canal tajimol ta jujuchop sbiic li achi'iltac ti jaychopoxuque. Li jchop sbiic ti epique ja' muc' ac'o yich' yosilic. Yan me mu'yuc epique biq'uit no'ox ac'o yich' yosilic. Ta jujuchop sbiic te ac'o yich' yosilic ti bu chc'ot ta stojolique.

Números 36:3

Pero me imalijic ta yan viniquetic ti ta yan jchop bu liquemique, li osil chc'ot ta sventaique, muc xa li'uc snitoj sba chcom ta cosilcutic. Li stuquique ja' xa te tsnit sba o xchi'uc yosilic li jchop bu liquem li smalalique. Jech yantic ch-ul batel li osil ti bu ic'ot ta jtojolcutic ta sventa li canal tajimole.

Josué 13:6

Scotol li boch'otic te nacajtic ta vitsetic xlic ta Líbano c'alal to ta Misrefot-maime xchi'uc scotol li sidonetique, vu'un jtuc ta jnuts loq'uel ta stojol li achi'iltac ta israelale; ta xculesic o scotol. Li vo'ote, ja' xa no'ox xavoc'be yosilic scotol li achi'iltaque, ja' ti bu xloc' ta canal tajimol yu'unique. Ja' yu'unic chcom o jech chac c'u cha'al calojbot ono'oxe.