Números 36:1 - Bible in Tzotzil de Chenalhó with Deuterocanon

¹ Li banquilal yu'unic jchop sbiic liquemic ta Galaade, ja' li smomnich'nabtac Maquir, Manasés, xchi'uc Josee, bat sc'opanic li Moisese xchi'uc li banquilaletic yu'un israeletique. Jech c'ot yalbeic:

Bible in Tzotzil de Chamula

¹ Ti jujuchop banquilaletic yu'un snitilultac ti Galaade, ti ja' sbats'i nitilultac ti Maquire, ti Manasese, xchi'uc ti Josee, xi laj yalic ti c'alal bat sc'oponic ti Moisese xchi'uc ti banquilaletic yu'un ti israeletique:

Números 36:1 Iomraidhean Croise

Génesis 50:23

Laj to yilbe sat li xcha'c'olal smomnich'nab ta sventa Efraine. Xchi'uc laj to sventain lec jech chac c'u cha'al mero xnich'on li xnich'nab Maquire, ja' li xnich'on Manasese.

Números 27:1

Li jchop sts'unubal Manasese oy vo'ob antsetic yu'unic ti jun stotique. Ja' jech sbiic li antsetique: Maala, Noa, Hogla, Milca, xchi'uc Tirsa. Ja' xnich'nab jun vinic Zelofehad. Ja' te ilic sts'unubalic ta Heber, Galaad, Maquir; ja' xnich'nab li Manasese; ja' totil yu'unic li Josee.

Números 27:2

Li vo'ob antsetic le'e ibatic ta ti'ch'ulna pasbil ta nucul; bat sc'opanic li Moisés, xchi'uc li pale Eleazare, xchi'uc li banquilaletic yu'un israeletique. Jech c'ot yalbeic:

Números 27:7

“Li stsebetic Zelofehade oy srazonic li c'usi chalique. Ac'bo yosilic te ta stojol li yuts' yalal anima stotique. Ja' yu'un li spuculal osil stotique ja' chcom ta sventaic.