Números 34:4 - Bible in Tzotzil de Chenalhó with Deuterocanon

⁴ Xjelov batel ta stuq'uil sur c'alal to ta muyebaltic ta Acrabim, xchi'uc te xjelov batel ta Zin; xc'ot c'alal to ta Cades-barnea. Ts'acal te xlic batel noxtoc ta Hasar-adar c'alal to ta Asmón.

Bible in Tzotzil de Chamula

⁴ Ta stam ech'el ta stuq'uil yolon ti yac'ol xocon sloq'ueb c'ac'ale. Ta x'ech' ta stselej vits yu'un Acrabim. Ta x'ech' batel ta Zin. Ta xc'ot xtoc c'alal to Cades-barnea. Va'i un, ta x'ech' ta Hasar-adar c'alal to Asmón ta xc'ot.

Números 34:4 Iomraidhean Croise

Números 13:21

Jech ibatic li viniquetique, la sq'uelic lec c'u x'elan li osile. Lic sq'uelic te ta xocol banamil ta Zin ta stuq'uil sur, c'alal to ta Rehob ta stuq'uil norte ti nopol yiloj sba xchi'uc bu x'och sbelal Hamate.

Números 13:26

Te ivulic yan velta ta Cades ta xocol banamil ta Parán. Te ivul staic li Moisés, li Aarón, xchi'uc scotol li israeletique. Te vul yalic scotol li c'usi laj yilic tale, xchi'uc vul yaq'uic ta ilel li sat c'usitic yich'ojic tale.

Números 20:1

Ta sliquebal jabil ic'otic te ta xocol banamil ta Zin scotol li israeletique. Te la spas scarpanaic jayibuc c'ac'al ta Cades. Te icham li Mariae; te laj yich' muquel.

Números 32:8

Ja' ono'ox jech la spasic ec li atotic ta vo'one c'alal la jtaquic tal ta sq'uelel ba'yuc c'u x'elan li osile.

Números 34:3

“Li sts'aquil te ta stuq'uil sure ja' li sti' xocol banamil Zin xchi'uc li sts'aquil yosilal Edome. Ta stuq'uil sloq'ueb c'ac'ale te xlic sts'aquil ta stuq'uil sur yu'un Nab Muerto.

Josué 15:1

Ti bu ic'ot ta stojolic li jchop liquemic ta Judae, ja' ti c'u yepal oy ta jujutsobique, te xc'ot c'alal to ta sts'aquil yosilal Edom xchi'uc ta stuq'uil sur c'alal to ta xocol banamil Zin.

Jueces 1:36

Li sts'aquic xchi'uquic amorretique te xlic ta ch'utch'ut vits yu'un Acrabim c'alal to ta Sela, xmuy batel c'alal to ta cajal.