Números 34:2 - Bible in Tzotzil de Chenalhó with Deuterocanon

² “Chanubtaso lec li achi'iltaque; jech xavalbe: ‘Jutuc xa sc'an xa'ochic batel ta Canaán banamil, ja' li banamil ti bu chavich'ic oe. Li sts'aquil avosilic ta sete ja' me li'i:

Bible in Tzotzil de Chamula

² “Xi xcholet xavalbe ya'i ti israeletic jech c'u cha'al li'e: Yu'un ta xa xa'ochic ech'el ta muc' ta lum Canaane. Yu'un ja' ti muc' ta lum taje, ta xc'ot ta arextoic, ti xi s'elan ti ts'aquetic xc'ot yu'une:

Números 34:2 Iomraidhean Croise

Génesis 10:19

Li yosil canaanetique imuq'uib batel. Xlic ta Sidón c'alal to ta stuq'uil yosilal Gerar xchi'uc c'alal to ta lum Gasa ta stuq'uil lum Sodoma, Gomorra, Adma, xchi'uc Zeboim, xc'ot to c'alal to ta lum Lasa.

Génesis 17:8

Li vo'ot xchi'uc amomnich'nabtaque chacac'boxuc scotol li Canaán banamil te yo' bu nacalote. J'ech'el chavich'ic o comel. Jech noxtoc vu'un Diosun avu'unic o —x'utat.

Salmos 105:11

Jech laj yalbe: “Vo'ot chacac'bot li Canaán banamile; ja' avu'un o chcom”, xut.

Éxodo 23:31

Li sts'aquil avosilique ja' jech chac li'i: Te xlic ta Tsajal Nab c'alal to ta nab yu'un filistaetic, xchi'uc te xlic ta xocol banamil c'alal to ta uc'um Éufrates. Li yajvaltac banamil le'e, cac'oj xa ta ac'obic sventa chanutsic loq'uel.

Jeremías 3:19

“Jech chcal jtuc vu'un li Muc'ul Diosune: Israel, vu'une scotol co'nton la jnich'oninot, jech laj cac'bot avich' li lequil banamil ti ja' no'ox stuc toj lec ta scotol yantic banamile. La jnop ti ‘Tati’ xavutun oe, ti mu'yuc chavoc' aba ta jtojole.

Ezequiel 47:13

Jech chal li Cajvaltic Muc'ul Diose: “Li sts'aquiltac osil ti chich'ic voc'bel li lajcha'chop (12) sts'unubal Israele ja' jech chac li'i: Li Josee ja' cha'sep spuculal osil chich'.

Ezequiel 47:14

Yu'un c'alal laj calbe amoltotic ta vo'one ti ja' chcac'beic li banamil li'i, jtoyoj jc'ob laj calbeic ta jamal. Ja' yu'un li banamil li'i ja' avu'unic; co'ol xapasbe abaic ta jujuchopoxuc.

Números 34:1

Li Muc'ul Diose la sc'opan yan velta li Moisese. Jech laj yalbe:

Hechos 17:26

“Li Diose jchop no'ox sts'unubal la spas li jaychop cristianoetique, yu'un jech ac'o naquiicuc ta scotol banamil. Xchi'uc bisbil yu'un c'u sjalil yorailic ta jujuchop, xchi'uc chapanbil yu'un bu c'alal yosilalic ta jujuchop.

Hechos 26:18

Vo'ot chc'ot avic'be satic, yu'un jech xu' chtalic ta sac osil, jech xu' tscomtsanic li ic' osile. Jech xu' ta xloq'uic ta sc'ob li Banquilal Pucuje; ja' chlic ochicuc ta sc'ob li Diose. Jech xu' ta xlic xch'unicun, jech ta spasbatic perdón yu'un smulic. Jech xu' chich'ic ec li c'usi sc'oplal chich'ic li boch'otic voc'bilic xa cu'une’, xiyutun li Cajvaltique.

Efesios 1:14

Ja' sliqueb quich'ojtic li c'usi sc'oplal chc'ot quich'tic c'alal tsta yorail chcol scotol li yu'untac ti manbilic yu'une. Jech ich'bil ta muc' chc'ot li Diose.

Efesios 1:18

Jech chjam lec asatic, jech chana'ic c'u x'elan li spatubil avo'nton chamalaic ta sventa ti yic'ojoxuc xa ta stojole. Xchi'uc jech chana'ic c'u yutsil li slequilal chac'be scotol yu'untaque.

Josué 11:23

Li Josuee la spoj scotol li banamil jech chac c'u cha'al yaloj ono'ox Muc'ul Dios ta stojol li Moisese. Ts'acal lic svoc'anbe li jaychop israeletique, jech icom ta yu'unic o. C'alal i'ech' scotol le'e, ipaj scotol li pleitoe; jun yo'nton icomic te ta yosilalic.

Josué 13:1

C'alal mol xa'ox li Josuee, jech i'albat yu'un li Muc'ul Diose: “Li vo'ote, molot xa, ep xa ajabilal. Pero yepal to li banamil sc'an pojel avu'une.

Josué 21:43

Li Muc'ul Diose ja' jech laj yac'be yich'ic yosilic li israeletique yu'un jech ono'ox yalojbe ta jamal li smoltotaquic ta vo'onee. Jech laj yich'ic; te inaquiic o.