Números 34:13 - Bible in Tzotzil de Chenalhó with Deuterocanon

¹³ Li Moisese lic yalbe scotol xchi'iltac li chanubtasel i'albat yu'un Muc'ul Diose. Jech laj yalbe: “Le'e ja' li banamil ti tsc'an chavoc'be abaic c'alal chapasic canal tajimole. Ja' li banamil ti yaloj Muc'ul Dios tsc'an chavoc'be abaic vo'oxuc li o'lol slajunchopoxuque.

Bible in Tzotzil de Chamula

¹³ Ti Moisese xi xcholet laj stojobtas ta sbijubtasel ti israeletique: “Ti lum li'e, ja' ti ta xach'acbe abaic ta sventa ti c'u s'elan ta xc'ot ti yorail avu'unique, ti ta sventa smantal ti Dios ti ta xich'ic ch'acbel ti balunvoq'ue xchi'uc ti o'lol jvoc' nitiluletic ti mu'yuc to yich'ojique.

Números 34:13 Iomraidhean Croise

Génesis 15:18

Ja'o yorail oy c'usi la xchapanic xchi'uc Abram li Muc'ul Diose, jech laj yalbe: —Li banamil le' xlic tal ta yuc'umal Egipto c'alal to ta muc'ta uc'um Eufratese ja' ta xcac'be li amomnich'nabtaque.

Ezequiel 45:1

“C'alal chavoq'uic ta sventa canal tajimol li osil sventa chapucbeic li jujuchop achi'iltaquique, tsc'an chacomtsanic jsepuc sventa Muc'ul Dios, jech smuc'ul chac li'i: O'lol yoxlajunmil metro (12,500) snatil, lajunmil (10,000) metro sjamalil. Le'e ja' voc'bil chcom o ta sventa li Muc'ul Diose; ja' ch'ul banamil chcom o.

Miqueas 2:5

Ja' yu'un li vo'oxuque mu'yuc chavich' bisbel avosilic ti c'alal tsvoc'be sba yosilic yan velta li steclumal Muc'ul Diose.

Números 26:52

Li Muc'ul Diose la sc'opan li Moisese. Jech laj yalbe:

Números 26:55

C'alal chavoq'uic li osile, tsc'an chapasic canal tajimol, ja' ti bu xc'ot ta stojol jujunique. Ta jujuchop ac'o yich' yosilic ti bu liquem tal sts'unubal li stotique.

Números 34:1

Li Muc'ul Diose la sc'opan yan velta li Moisese. Jech laj yalbe:

Números 34:12

Xlic stsac batel noxtoc ta uc'um Jordán; te to xc'ot pajuc ta Nab Muerto. “Scotol li ts'aquetic le'e ja' me sts'aquil avosilalic ta xc'ot’, uto li achi'iltaque”, x'utat yu'un Muc'ul Dios li Moisese.

Deuteronomio 11:24

Ti bu c'alal ch-ech' ateq'uique, ja' te chanaquiic o. Li sts'aquil avosilique te xlic ta xocol banamil c'alal to ta Líbano. Xchi'uc te xlic ta uc'um Éufrates, xc'ot c'alal to ta muc'ta nab Mediterráneo.

Josué 13:7

Scotol li banamil le'e ja' xavoc'be li balunchop achi'iltaque xchi'uc li yan o'lol jchop sts'unubal Manasese”, xut.