Números 33:4 - Bible in Tzotzil de Chenalhó with Deuterocanon

⁴ Ja'o iloq'uic tal ti c'alal sbats'ilic smuquel scotol sba xnich'nabic li egiptoetique, yu'un imilbatic yu'un Muc'ul Dios scotol. Yu'un i'ac'batic stoj smulic ta scoj li diosetic yu'unique.

Bible in Tzotzil de Chamula

⁴ Ti israeletique loq'uic batel ti c'alal ja' o ch'ayal yo'ntonic ti egipcioetic ta smuquic scotol ti sbanquilal nich'onique, ti c'alal c'ot ta pasel yu'un ti Dios ti milbatique, ti ac'bat yilic ti mu'yuc c'usi xu' yu'un ta xpojvan ti sdiosique.

Números 33:4 Iomraidhean Croise

Salmos 105:36

La smilbe noxtoc scotol li sba squeremic te ta sjunul yosilalique, ja' li sba sts'unubique.

Éxodo 12:12

Te no'ox ta yac'ubalil ta xijelov ta scotol li Egiptoe. Ta x'ech' jmilanbe sba xnich'nab li egiptoetic ta jujubej snaique xchi'uc li sba yol sts'unub yovolique, yu'un chcac' ta ilel ti mu'yuc svu'el li diosetic yu'unique. Jech ta jpas, vu'un li Muc'ul Diosune.

Éxodo 18:11

Li' ta orae ta jna' ti ja' no'ox stuc ech'em smuc'ul li Muc'ul Diose ti mu xco'laj xchi'uc li yantic diosetique. Yu'un la scoltaoxuc vo'oxuc ti mu'yuc atuic la'ilatique —xi.

Isaías 19:1

Laj yich' albel sc'oplal c'usi chc'ot ta pasel ta stojol li Egiptoe: Q'uelavilic, li Muc'ul Diose cajal ta jun toc ti anil chanove, ta x'och batel ta Egipto. Li sloc'obaltac sdiosic ta Egiptoe xt'elajetic ta xi'el ya'yel ta stojol li Muc'ul Diose; li egiptoetique ch-alub yo'ntonic ta scoj xi'el.

Sofonías 2:11

Ja' yu'un li Muc'ul Diose toj xi'bal sba tspas sba ta stojolic; ta xules scotol li diosetic li' ta banamile. Jech chlic ich'atuc ta muc' ta buticuc no'ox banamilal, xchi'uc chlic ich'atuc ta muc' te ta banamiletic ti cacajtic ta nabe.

Números 3:13

yu'un ja' ono'ox cu'un li sba avol anich'onique. C'alal la jmilbe scotol sba yol xnich'on li egiptoetique, ja' la jnac' comel scotol li sba avol anich'onic, vo'oxuc li israeloxuque, xchi'uc li sba yol ats'unub avovolique yu'un ta xcu'uninic. Ja' yu'un ja' me cu'untac c'otemic, vu'un li Ajvalilune”, x'utat yu'un Muc'ul Dios li Moisese.