Números 32:7 - Bible in Tzotzil de Chenalhó with Deuterocanon

⁷ ¿C'u yu'un ti chac'an chachibajesbeic yo'nton li jchi'iltactique, yu'un jech mu xa sc'an xjelovic batel ta banamil ti bu yac'ojbutic li Muc'ul Diose?

Bible in Tzotzil de Chamula

⁷ ¿C'u cha'al ta xatsiq'uesbe yo'nton ti israeletic ti mu xavaq'uic jelavuc ech'el ta jteclum ti bu ac'bilic xa yu'un ti Diose?

Números 32:7 Iomraidhean Croise

Números 13:27

Jech laj yalbeic li Moisese: —Ay xa jq'uelcutic tal c'u x'elan li osil yo' bu laj atacuncutic batele. Ta melel ja' jun banamil ti ep ta xloc' ya'lel xchu' vacax xchi'uc pom jech chac c'u cha'al chloc' vo'e. Li sat c'usitic te ch'iemique, ja' jech chac c'u cha'al li'i.

Números 13:31

Pero li boch'otic ay xchi'in tal ta sq'uelele, jech laj yalic: —Mo'oj, mu xu' cu'untic ta jnutstic loq'uel li cristianoetic le'e. Li stuquique ja' toj ech'em xu' yu'unic; mu xu' cu'untic li vu'utique —xiic.

Números 13:4

Li boch'otic ibatique, ja' Samúa, xnich'on Zacur liquem ta jchop yu'un Rubén.

Números 21:4

Ts'acal iloq'uic batel ta vits Hor li israeletique; ibatic ta sbelal Tsajal Nab yu'un la sjoyic batel ti c'u cha'al mu teuc chjelovic ta yosilal li edometique. Te ichibaj batel yo'ntonic ta be li israeletique,

Números 32:6

Itac'ov li Moisese: —¿Me lec ti vo'oxuc chac'an li' no'ox chacomique; yan li achi'iltaquique ja' chbatic to ta pleito li stuquique?

Números 32:9

Ic'otic c'alal to ta bevo'tic Escol; la sq'uelic lec c'u x'elan li osile. Pero ts'acal c'ot xchibajesbeic yo'nton scotol li jchi'iltactique, yu'un jech mu me x'ochic batel ta banamil yo' bu yac'ojbutic li Muc'ul Diose.

Hechos 21:13

Li Pabloe jech laj yal: —¿C'u yu'un chavoc'taicun? ¿C'u yu'un chavaq'uic cat co'nton? Li vu'une xu' te chichucat; xu' te chicham ta Jerusalén ta scoj li Cajvaltic Jesuse —xi.

Deuteronomio 1:28

¿Bu xa chijbatutic? Yu'un li jchi'iltactique laj xa xchibajesbutic o co'ntontic. Yu'un chalic ti toj tsots slomoic, xchi'uc ti ven natic li viniquetic tee. Xchi'uc chalic ti toj muc'tic li lumetique xchi'uc ti lec setbilic ta coraltone, ti bats'i toyolic li coraltonetic yu'unique. Xchi'uc laj yalbutic ti te laj yilbeic sts'unubal li Anac ti ven tsots slomoe xchi'uc ti toj nate’, xachiic.