Números 32:3 - Bible in Tzotzil de Chenalhó with Deuterocanon

^3-4 —Q'uelavilic, li osil ti la spojbutic Muc'ul Dios sventa chijyac'butic vu'utic li israelutique, ja' li yosilal Atarot, Dibón, Jazer, Nimra, Hesbón, Eleale, Sebam, Nebo, xchi'uc Beone, toj lec ta sventa vacaxetic xchi'uc chijetic. Vu'uncutique puru vacax, puru chijetic oy cu'uncutic.

Bible in Tzotzil de Chamula

³ —Chiquintao ava'iic ti xi ta xcalcutique. Ti banomiletic ti ja' smacoj ti Atarote, ti Dibone, ti Jazere, ti Nimrae, ti Hesbone, ti Elalee, ti Sebame, ti Neboe, xchi'uc ti Beone,

Números 32:3 Iomraidhean Croise

Nehemías 9:22

“Laj avac'be ta sc'obic li ajvaliletique xchi'uc c'alal ta yosilalic. Ta jujuvoc' laj avac'be yich'ic. Ja' laj avac'be yich'ic li Hesbón, ja' li yosilal ajvalil Sehone, xchi'uc li Basán yosilal ajvalil Oge.

Isaías 15:6

Li vo'etic ta Nimrime i'ulan xa, li ts'i'laletique itaquijan xa; ichaman xa li sc'obc'ob te'etique; scotol li c'usitic yoxique imats'an xa scotol.

Jeremías 48:1

Li Muc'ul Dios ti tspas ta mantal scotol te ta vinajele, jech chal ta sventa li Moabe: “¡Ay, lum Nebo, ijin xa o; iyal xa o ta q'uexlal! Li Quiriataime i'och xa o ta c'abal. Li tsatsal coralton yu'une ijin yalel o c'alal ta banamil.

Jeremías 48:2

Ilaj xa sc'oplal ti ich'bil ta muc' li Moabe. Te ta Hesbón laj yich' chapanbel sc'oplal yu'un yajcontratac, jech laj yalic: ‘Batic, bat jch'aybetic o sc'oplal ta stojol yantic lum’, xiic. Jech ec li vo'ote, Madmena, ta xavich' ulesel o; ta xtal ta atojol li espadae.

Jeremías 48:32

Ta xi'oc' ta atojol ts'usubtic ta Sibma; ech'em to jech chacoc'taot jech chac c'u cha'al laj yich' oc'tael li Jazere. Li ac'obc'obtaque la slim sba batel ta jot nab; ic'ot c'alal to ta nab Jazer. Pero li asate tal yich' ulesel scotol.

Jeremías 48:34

Li cristianoetic ta Hesbone x'oc' x'avanic ta xc'uxul vocol; xvinaj to c'alal ta Eleale xchi'uc c'alal to ta Jahaza ti ch-oq'uique. Xchi'uc xvinaj noxtoc ta Zoar c'alal to ta Horonaim xchi'uc ta Eglat-selisiya. Jech noxtoc li nio'etic ta Nimrime itaquijan xa.

Jeremías 48:45

“Li boch'otic chjatovic batele, ch-alubic, te chlic snac' sbaic ta xyaxinal lum Hesbón. Pero chloc' c'oc' noxtoc te ta Hesbón, natic yat c'oc' chloc' te ta slumal li ajvalil Sehone, jech ta xchic' scotol li vitsetic yu'un Moab, ja' li jsa'c'op lume.

Ezequiel 25:9

Ja' yu'un ta jam jun be ta xocon Moab; ta jliques ta jot sti' c'alal to ta yan jot sti'. Ja' chlaj scotol li lumetic ti toj lequic te ta yosilalique, ja' li Bet-jesimot, Baal-meón, xchi'uc Quiriataime.

Números 21:28

Ta lum Hesbón, ja' li slumal Sehone, te iloc' tal yat c'oc'. La slajes li lum Ar yu'un moabetique xchi'uc li toyol vitsetic yu'un Arnone.

Números 21:30

Laj xa yich' lajesbel yip li lum Hesbone. Li Dibón c'alal ta Nofae solel ijin o scotol. Li c'oq'ue ic'ot c'alal to ta Medeba”, xi.

Números 21:32

Pero li Moisese laj to stac batel jayibuc viniquetic noxtoc yu'un bat sq'uelic c'u x'elan li lum Jazere, xchi'uc laj yich'ic noxtoc li lumetic ti te no'ox nopajtique; la snutsic batel scotol li amorretic te nacajtique.

Números 32:1

Li jchop liquemic ta Rubén xchi'uc ta Gade, toj bats'i ep xvacaxic xchi'uc xchijic. C'alal laj yilic ti toj lec sve'el xvacaxic xchijic te ta yosilal Jazer xchi'uc ta Galaade,

Números 32:2

ibat sc'opanic li Moisés, xchi'uc li pale Eleazare, xchi'uc li banquilaletic yu'un israeletique. Jech laj yalbeic:

Josué 13:17

Xpaj c'alal to ta Hesbón xchi'uc scotol li lumetic te ta stenlejaltique, ja' li Dibón, Bamot-baal, Bet-baal-meón,

Josué 13:19

Quiriataim, Sibma, xchi'uc Zaret-sahar ti te oy ta slajeb xa vits ta soplejaltique,

Josué 21:39

Hesbón, xchi'uc Jazer; ja' chanib lum ta scotol xchi'uc sve'ub sts'unub yovolic.

Jueces 11:26

Oy xa oxib ciento (300) jabil li' nacaluncutic ta Hesbón, ta Aroer, xchi'uc ta bic'tal lumetic yu'unic, xchi'uc ta scotol li lumetic te ta yosilal Arnone. ¿C'u yu'un muc ono'ox xac'opojic vo'one tal?