Números 32:23 - Bible in Tzotzil de Chenalhó with Deuterocanon

²³ Pero me mu xc'ot ta pasel avu'unique, na'ic me ti oy amulic chc'ot ta stojol li Muc'ul Diose, jech ta ono'ox sta yorail chavich'ic stojol li amulique.

Bible in Tzotzil de Chamula

²³ Yan ti mi mu jechuc ta xapasic une, na'ic lec ti ta xata amulic ta stojol ti Diose, ti oy bu jun c'ac'al ta xavich'ic tsitsel ta scoj ti amulique.

Números 32:23 Iomraidhean Croise

Génesis 13:13

ja' ti bu nacalic li cristianoetic ti toj chopolique, ti puru jpasmuliletic ta stojol Muc'ul Diose.

Génesis 4:7

Me chajel li c'usi chanope, mu xastsalot li sc'ac'al avo'ntone. Pero me mu xajele, li mulile te xa smalaojot yu'un ac'o xastsalot. Pero vo'ot xu' chatsal ti me chac'ane”, x'utat.

Génesis 44:16

Itac'ov li Judae: —Mu'yuc c'usi xu' ta jpoj jbacutic ta atojol. Mu xa xu' ta xcalcutic ti mu'yuc jmulcutique yu'un li Diose oy xa jmulcutic la stauncutic. Li' oyuncutique; paso li c'usi tsc'an avo'ntone. Xu' li' chicomcutic ta amozo xchi'uc li boch'o yich'oj batel li avasoe —xi.

2 Samuel 3:39

Li vu'une mu'yuc c'usi xu' cu'un chca'ay, ac'o me t'ujbilun yu'un Dios ti ochemun ta ajvalilale. Yu'un toj tsots chca'ay c'usi la spasic li yalab Sarviae. Ac'o ac'batuc stoj yu'un Muc'ul Dios li boch'o chopol c'usi la spase —xut.

1 Reyes 2:32

Ac'o ac'batuc smulin stuc yu'un Muc'ul Dios ti chchame, yu'un ta yo'nton stuc la smil ta espada li chib viniquetic ti ja' xjelov slequil jech c'u cha'al stuque: ja' li Abner, banquilal soldado ta Israele, xchi'uc Amasa, banquilal soldado ta Judae. Mu'yuc laj ya'ay jtot ti jech la spase.

1 Reyes 2:33

Li xch'ich'al chib viniquetique ac'o xcuch stuc li Joab xchi'uc smomnich'nabtaque. Yan li David xchi'uc smomnich'nabtaque ja' ac'o c'otuc o ta stojolic ti xquechcun ch-ochic batel ta ajvalilale. Ac'o junuc no'ox yo'ntonic ta sventa li Muc'ul Diose —xut.

Salmos 139:11

Ac'o me ta jnop ti xu' chisnac'un li ic' osile, ac'o me chc'ataj ta ac'ubaltic li sac osil bu oyune,

Salmos 140:11

Li boch'otic tsoquesvan xchi'uc yeique mu me xjalijic li' ta banamil; li j'uts'intavanejetique ja' ac'o c'otuc ta stojolic li c'usitic chopole, yu'un jech ac'o soquicuc ta ora no'ox.

Salmos 90:8

Yu'un mu'yuc macal ta asat li jmulcutique; lec sacjaman aq'ueloj scotol li c'usi mucul jpasojcutique.

Proverbios 13:21

Li jpasmuliletique ja' nutsbilic o yu'un li c'usitic chopole; yan li boch'o tuc' yo'ntonique ja' smotonic chc'ot li c'usi leque.

Proverbios 24:16

Ac'o me chyal ta lum vucubuc velta li boch'o tuc' yo'ntone, ta ono'ox stam sba liquel yan velta; yan li boch'o chopolique te chyalic o ta lum ta scoj svocolic.

Proverbios 5:22

Li boch'otic chopolique te macal chc'otic ta scoj sbolilic; te chucul chc'ot ta scoj smul stuquic.

Isaías 3:11

Toj abul sba li boch'o chopole, yu'un j'ech'el chopol chbat o, yu'un ta ono'ox xich'be stojol li yabtele.

Isaías 59:12

Toj ech'em ijelov jtoyobbailcutic ta atojol; jmulcutic xa no'ox xu' chal ti toj chopoluncutique. Yu'un li' oy o ta jtojolcutic li jchopolilcutique; xcotquincutic ti ep li jmulcutique.

Jonás 1:7

Jech lic yalbe sbaic li j'abteletic ta barcoe: —La' jpastic canal tajimol sventa ta jna'tic boch'o ta smul cu'untic ti vi x'elan jvocoltique —xut sbaic. C'alal la spasic li canal tajimole, ja' ic'ot ta stojol li Jonase.

Romanos 2:9

Ta xa'ay lec svocolic; puru at-o'nton cha'yic li boch'otic ja' no'ox tspasilanic c'usitic chopole. Ja' ba'yuc ta xich' li israeletique, jech ta xich'ic ec li yanlum cristianoetique.

1 Corintios 4:5

Ja' yu'un li vo'oxuque ma'uc avabtelic chachapanvanic ti c'alal mu to ja'uc sc'ac'alile. Ja' to me ital li Cajvaltique, ja' chtal yac' ta ilel scotol li c'usitic mucule, xchi'uc ja' tsvinajes c'usi oy ta yo'nton li cristianoetique. Jech ta jujuntal chich'ic albel sc'oplalic yu'un Dios ti c'u x'elan yabtelique.

Josué 7:18

Te inopajic tal ta jujuntal noxtoc li viniquetic xnich'nab Zabdie. Ja' te ivinaj senyail ta stojol li Acane, ja' li xnich'on Carmie, ja' li smomnich'on Zabdie, ja' muc'ta moltotil yu'unic li Zerae. Ja' te liquemic ta jchop yu'un Judá.