Números 32:22 - Bible in Tzotzil de Chenalhó with Deuterocanon

²² Xchi'uc ja' to chasutic tal ta anaic me ivu' avu'unic spojel li banamile. Jech junuc xa avo'ntonic yu'un laj apasic li c'usi tsc'an pasel ta sventa Muc'ul Diose xchi'uc ta sventa li jchi'iltactique. Jech li osil li'i vo'oxuc avu'unic chc'ot ta stojol li Muc'ul Diose.

Bible in Tzotzil de Chamula

²² mi laj xa ox anet'ic comel ta stsalel ti jteclume, ja' yu'un unbi, xu' xa xasutic talel. Yu'un mu'yuc xa cajal ta xcom ta abaic ti c'usi sc'an pasbel ti Dios xchi'uc ti israeletique. Jech ti banomil li'e, ja' ta xc'ot ta avu'unic, yu'un lec laj yil ti Diose.

Números 32:22 Iomraidhean Croise

2 Samuel 3:28

C'alal laj ya'ay ta ts'acal David ti icham li Abner xnich'on Nere, jech laj yal: “Vu'une mu'yuc jmul ta stojol Muc'ul Dios jchi'uc li jvinictaque.

Salmos 78:55

La snutsbe loq'uel scotol li yajvaltac yantic banamile, lec bisbil ta ch'ojon laj yich'ic li yosilique; ja' te laj yac' naquiicuc o ta yosilic li jaychop israeletique.

Levítico 14:34

“C'alal me ochemoxuc xa'ox batel ta Canaán banamil ti bu chacac'boxuc ta ac'obique, ta jtac batel c'a'el chamel ta junuc na te ta avosilalic.

Números 32:21

Xchi'uc tsc'an acotolic chajelovic batel ta jot uc'um Jordán xchi'uc avabtejebic jech chac c'u cha'al tsc'an li Muc'ul Diose, xchi'uc tsc'an te oyoxuc o, ja' to me la snuts loq'uel scotol yajcontra li Muc'ul Diose.

Deuteronomio 3:20

Ja' to me laj cac'be yosilic yo' bu xu' chcux yo'ntonic ec li achi'iltaquic te ta jot uc'um Jordán, jech chac c'u cha'al laj cac'boxuc li vo'oxuque, ja' to xu' chasutic tal ta avosilic ti bu laj cac'boxuque’, xcutic.

Josué 1:15

Ja' to me i'ac'bat li yosilic yu'un Muc'ul Dios bu xu' chcux yo'ntonic ec jech chac c'u cha'al laj xa ataic li vo'oxuque, xchi'uc me ja' xa yajvalic ic'ot o li banamil bu chich'ique, ja' to xu' chasutic tal ta avosilic li' ta jot uc'um Jordán ta stuq'uil sloq'ueb c'ac'ale, yu'un jech chtal avich'ic o ta j'ech'el li banamil ti laj yac'boxuc comel li Moisese, ja' li yajtunel Diose —xut.

Josué 10:30

Li Muc'ul Diose laj yac'be ta sc'obic noxtoc li lume xchi'uc li ajvalil yu'une. La smilic scotol; me junuc mu'yuc boch'o cuxul la scomtsanic. Li ajvalil tee ja' co'ol la spasbeic jech chac c'u cha'al la spasbeic li ajvalil ta Jericoe.

Josué 10:42

Li Josuee ja' to ilaj yo'nton c'alal i'och ta sc'ob scotol li ajvaliletic xchi'uc c'alal ta yosilalique. Yu'un li Muc'ul Diose la scolta batel ta pleito li israeletique.

Josué 11:23

Li Josuee la spoj scotol li banamil jech chac c'u cha'al yaloj ono'ox Muc'ul Dios ta stojol li Moisese. Ts'acal lic svoc'anbe li jaychop israeletique, jech icom ta yu'unic o. C'alal i'ech' scotol le'e, ipaj scotol li pleitoe; jun yo'nton icomic te ta yosilalic.

Josué 13:8

Yu'un li boch'otic liquemic ta Rubén, ta Gad, xchi'uc li o'lol jchop liquemic ta Manasese ja' i'ac'batic yu'un Moisés scotol li banamil te ta sloq'ueb c'ac'al yu'un Jordane.

Josué 18:1

Scotol li yalab xnich'nab Israele te la stsob sbaic ta Silo; te la snacanic li ch'ulna yu'un Dios pasbil ta nucule. Yu'un li banamile i'och xa ta sc'obic o,

Josué 2:19

Pero me oy boch'o ta xloc' batel li' ta anae, ja' xa ta smul stuc me ichame; muc vu'cun chcom ta jventacutic. Pero me oy c'usi spas junuc li boch'o li' oy ta anae, ja' vu'un chcom ta jventacutic.

Josué 22:4

Ja' yu'un li' ta orae xu' xa chasutic batel ta acarpanaic te ta jot uc'um Jordán ti bu laj yac'boxuc comel avosilic li Moisese. Yu'un li Muc'ul Diose laj xa yac'be xcuxubil yo'ntonic ec li yantic jchi'iltactique yu'un jech ono'ox yaloj.

Josué 22:9

Jech isutic o batel ta snaic li jchop liquemic ta Rubén, ta Gad xchi'uc li o'lol jchop liquemic ta Manasese. La svoc' sbaic batel xchi'uc li yantic xchi'iltaquic te ta Silo ta yosilal Canaane. Isutic batel ta snaic te ta yosilal Galaad ti bu i'ac'batic yu'un Moisés ta smantal Muc'ul Diose.