Números 31:3 - Bible in Tzotzil de Chenalhó with Deuterocanon

³ Li Moisese lic yalbe ya'ay scotol li xchi'iltaque: —Chapano abaic jayibuc; ich'o avabtejebic; bat milic li madianetique; bat pacbeic sutel ta sventa Muc'ul Dios li c'usi la spasboxuque.

Bible in Tzotzil de Chamula

³ Ti Moisese xi laj yalbe ti jteclume: —Chapano abaic xchi'uc avabtejebic jlomuc ta yaq'uel ti letoe. Batanic ta yac'bel ya'i ti madianitaetique, ti ch'aybil c'otuc sc'oplal avu'unic ta sventa ti Diose.

Números 31:3 Iomraidhean Croise

2 Reyes 10:30

Li Muc'ul Diose jech laj yalbe li Jehue: “Ta sventa ti lec c'usitic laj apase, ti ja' laj apas c'usi lec chquile yu'un laj amilbe scotol li smomnich'nabtac Acab jech chac c'u cha'al jnopoj ono'oxe, ja' yu'un ta xcac' ochuc o ta ajvalilal te ta Israel anich'nab c'alal to ta xchanc'olal amomnich'nab”, xut.

2 Reyes 9:7

Vo'ot chamilbe scotol smomnich'nabtac li Acabe, ja' li ajvalil to'ox avu'une, yu'un ja' ta jpacbe ti la smalbe xch'ich'alic li j'alc'opetic cu'une, xchi'uc li yantic cajtuneltac ti laj yac' ta milel li Jezabele.

Éxodo 17:16

Jech laj yal: “Li Muc'ul Diose te stsacoj ta sc'ob li bandera yu'une. Te tspas pleito xchi'uc li Amaleque xchi'uc ti jayc'ol yalab xnich'nabique”, xi.

Jeremías 46:10

Li c'ac'al le'e ja' sventa Muc'ul Dios ti tspas ta mantal scotol te ta vinajele; ja' xa sc'ac'alil ta stsal li yajcontrae. Ta stsac lec sve'el li espadae, ta xnoj lec xch'ut; ta xyacub lec yu'un li ch'ich' chuch'e. Li Muc'ul Diose ta spas lec q'uin, chac' lec milbil matanal te ta norte banamil ta nopol uc'um Éufrates.

Jeremías 50:28

Li cristianoetic ti chjatovic loq'uel ta Babiloniae te chc'ot spuquic a'yej ta Sión c'u x'elan ch-ac'bat stojic yu'un Muc'ul Dios cu'untic li Babiloniae. Ja' spacol ch-ac'batic ti c'u x'elan la spasbeic li ch'ulna yu'une.

Levítico 26:25

Ta jtac tal boch'otic chasmiloxuc; ja' spacol ta sventa ti mu xach'unic li c'usi chapanbil cu'une. Ac'o me chbat anac' abaic ta lumetic avu'unic, pero ta jtac tal chamel ta atojolic; xchi'uc chacac'oxuc o ta sc'ob li avajcontraique.

Números 25:11

—Li Fineese ja' la spas li c'usi sventa chlaj o sc'ac'al co'nton yu'une. Yu'un ja' jech yo'nton ec jech chac c'u cha'al vu'un ti toj chopol co'nton yu'un li achi'iltac ta sventa ti jech la spasique. Ja' yu'un muc j'ech'eluc te chopol icom o co'nton; muc xcules scotol li achi'iltaque.

Números 25:13

J'ech'el ta xcac'be o ta sc'obic xchi'uc smomnich'nab li abtel ta paleale yu'un toj it'ix ic'ot yo'nton ti c'alal muc vu'cun xiyich'icun ta muq'ue, xchi'uc ja' to jech la staic o perdón li achi'iltac ta israelale —xi.

Números 31:4

Ta jujuchopoxuc taquic batel jmil (1,000) viniquetic sventa pleito —xut.

Jueces 5:2

“Ta sventa ti oy boch'o lec chapal sventa pleito yu'unic li israeletique, xchi'uc ta sventa ti oy boch'o xu' yu'un tsva'an sba ta pleitoe, jech ac'o ich'atuc ta muc' li Muc'ul Diose.

Jueces 5:23

Li yaj'almantal Muc'ul Diose jech laj yal: ‘Ac'o taluc tsots vocol ta stojol li Meroze xchi'uc li jnaclumetic tee.’ Yu'un muc xtalic ta scoltael li Muc'ul Diose; muc xtal scoltaic ta scontrainel li tsatsal cristianoetique.