Números 30:3 - Bible in Tzotzil de Chenalhó with Deuterocanon

³ “Me oy junuc tseb ti ventainbil to yu'un stot, me oy c'usi chchapan ta stojol Muc'ul Diose, o me chal ta jamal ti oy c'usi tsc'an tspase,

Bible in Tzotzil de Chamula

³ “C'alal oy jun tsebal ants ti ventainbil to yu'un ti stote, ti ta xac' ti oy c'usi ta xac'be ti Diose, mi yan ti yaloj ti oy c'usi ta spase,

Números 30:3 Iomraidhean Croise

2 Crónicas 36:13

Xchi'uc la stoy sba ta stojol li Nabucodonosor ti ja' isujat ta yalel ta jamal ta stojol Dios ti tsco'lajes yo'nton xchi'uque. Solel la spas ta tsots yo'nton; mu xa sc'an sut o tal ta stojol li Muc'ul Dios yu'un Israele.

Salmos 50:14

Li jmoton chavac'bicune ja' no'ox sventa chatojbicun ta vocol; ja' sventa ac'o c'otuc ta pasel avu'unic li c'usi avaloj chapasic ta jtojole.

Levítico 27:2

“Jech xavalbe ya'yic li achi'iltac ta israelale: C'alal me oy boch'o tsc'an tstoj li c'usi yaloj ta jamal ta stojol Dios chaq'ue, ja' jech yepal ac'o stoj ti c'u yepal chapanbil ono'oxe.

Números 30:2

‘C'alal me oy boch'o oy c'usi chchapan ta stojol Muc'ul Diose, o me tst'abbe sbi Muc'ul Dios ti c'alal chale, persa tsc'an chc'ot ta pasel li c'usi chale, xchi'uc tsc'an tspas scotol li c'usi yaloj tspase.

Números 30:4

me mu'yuc c'usi chal li stot c'alal me laj ya'ye, persa me ac'o spas li c'usi laj yale.

Números 6:2

“Jech xavalbe ya'yic scotol li achi'iltac ta israelale: Me oy junuc vinic, o ants ti chal ta jamal ti j'ech'el chac' sba o ta jtojol sventa cabtele,

1 Corintios 14:34

Li antsetic avu'unique mu me xvocheticuc ti c'alal ta stsob sbaic li jch'unolajeletique. Yu'un li antsetique mu smeloluc chlo'ilajic ta stojol jch'unolajeletic. Ac'o no'ox xch'unic c'usi ch-albatic jech chac c'u cha'al chal li mantale.

Josué 9:18

Pero mu'yuc la smilic comel, yu'un li banquilaletic yu'unique yalojbeic xa'ox ta jamal ta stojol Muc'ul Dios ti mu'yuc ta smilique. Ja' yu'un li israeletique iliquic ta vulajetel ta stojol banquilaletic yu'unic ta sventa ti jech la spasique.

Jueces 11:35

C'alal laj yil ti ja' stsebe, la sli' sc'u', jech laj yal: —Ay, cunin tseb, laj xa avac'bun ep jvocol. ¿Me vo'ot ic'ot ta atojol ti chavac'bun ep cat co'ntone? Yu'un oy c'usi caloj ta stojol Muc'ul Dios, pero mu xa xu' ta jsutes jc'op —xut.

1 Samuel 1:11

Oy c'usi laj yal ta stojol li Diose, jech laj yal: “Muc'ul Dios, vo'ot ti chapas ta mantal scotol te ta vinajele, me chavil ti ep chcat co'ntone, me chana'un, me mu xach'ayun ta avo'ntone, ac'bun junuc cunin querem. Me laj avac'bune, ta xcac' tunuc o avu'un ti jayib c'ac'al cuxule. Mu'yuc ta xcac'be ta loc'bel sjol; ja' senyail ti cac'ojbot o ta ac'obe”, xut.