Números 30:15 - Bible in Tzotzil de Chenalhó with Deuterocanon

¹⁵ Pero me ts'acal to chopol cha'ye, me la slajesbe sc'oplale, ja' xa me chcom ta sventa ti muc xc'ot ta pasel c'usi yaloj ta stojol Dios li yajnile’, xi yaloj li Muc'ul Diose”, xut xchi'iltac li Moisese.

Bible in Tzotzil de Chamula

¹⁵ Yan mi ta jech no'ox yepal ta xlic xch'aybe sc'oplal ti c'alal ya'binoj xae, va'i unbi, ja' xa tenel ta xc'ot ta sba ti mu'yuc xc'ot ta pasel yu'un ti c'usi yaloj ta spas ti yajnile.”

Números 30:15 Iomraidhean Croise

Levítico 5:1

“Me oy boch'o ch-ic'at ta testigoal ta sventa ti ja' yiloj, o ja' sna' lec li c'usi c'otem ta pasele me mu sc'an xale, oy smul chc'ot ec.

Gálatas 3:28

Jech mu'yuc xa judío, mu'yuc xa yanlum; mu'yuc xa boch'o ochem ta mozoil, mu'yuc xa boch'o muc ochemuc ta mozoil; mu'yuc xa vinic, mu'yuc xa ants. Yu'un jcotoltic jun no'ox lijc'ot ta stojol li Cristo Jesuse.

Números 30:12

Pero me muc sc'an li smalale, me laj yal ti ac'o lajuc c'ope, mu persauc tspas li c'usi yaloje yu'un ja' xa malalil ti la slajes c'ope. Li Muc'ul Diose ta spasbe perdón yu'un smul li antse.

Números 30:8

Pero me mu sc'an li smalale, mu persauc tspas li c'usi la svovil al ta anile. Li Muc'ul Diose ta spasbe perdón yu'un li smule.

Números 30:5

Yan me mu sc'an li stote, mu persauc tspas li c'usi laj yale. Ta sventa ti mu jechuc yo'nton li totile, li Muc'ul Diose te tspasbe perdón yu'un smul li tsebe.

Números 30:14

Yan me mu'yuc chopol cha'ay c'usi yaloj li yajnile, me te ch'anxi o iloc' chib oxib c'ac'ale, ja' svinajeb ti mu'yuc chopol cha'ye, ac'o spas c'usi yaloj li yajnile.

Números 30:16

Li'i ja' mantaletic i'albat yu'un Muc'ul Dios Moisés ta sventa li viniquetic xchi'uc yajnilique xchi'uc ta sventa li totil, xchi'uc li stseb ti ventainbil to yu'un stote.