Números 3:8 - Bible in Tzotzil de Chenalhó with Deuterocanon

⁸ Ja' yabtelic chchabiic scotol li c'usitic chtun te ta ch'ulna pasbil ta nucule, xchi'uc ja' chtunic yu'un scotol li achi'iltac ta sventa scotol li c'usiuc no'ox tsc'an pasel te ta ch'ulnae.

Bible in Tzotzil de Chamula

⁸ Ja' ta xchabiic xtoc ti c'usitic oy x'ayan ta Axibalna ti bu nupel ta bee. Ta xac' sbaic ta tunel ta stojol ti israeletic ta scotol ti c'usi sc'an pasel yu'un ti Axibalnae.

Números 3:8 Iomraidhean Croise

1 Crónicas 23:27

Ja' yu'un laj yich'ic tsacbel sbiic scotol li smomnich'nab Leví ti xlic ta jtob (20) jabil jech chac c'u cha'al yaloj ono'ox li Davide.

2 Crónicas 29:11

Ja' yu'un vo'oxuc ti xco'laj xchi'uc jnich'naboxuc chca'ye, mu me xalubic, yu'un li Muc'ul Diose st'ujojoxuc sventa chatunic o yu'un, xchi'uc ac'o achiq'uic pom ta stojol”, xut.

Isaías 52:11

¡Voc'o abaic loq'uel, voc'o abaic loq'uel; mu me xapiquic li c'usi toj chopole; loc'anic xa batel te ta Babilonia! Ac'o me sq'uel stuc'ulan sbaic lec li boch'otic chich'ic batel c'usitic chtun yu'un Muc'ul Dios te ta ch'ulnae.

Números 10:17

Te Lic stitunic li ch'ulna pasbil ta nucule, jech li smomnich'nabtac Gersón xchi'uc Merari ti ja' ono'ox oy ta sventaic chich'ic batele, lic xanovicuc batel.

Números 10:21

Ja'o te xtalic ec li smomnich'nabtac Coat ti ja' yabtelic chich'ic batel li c'usitic voc'bilic o sventa chtun te ta ch'ulnae. C'alal ic'otic yo' bu oy li yantique, meltsajem xa'ox c'ot staic li ch'ulna pasbil ta nucule.

Números 3:7

Ja' te ac'o tunicuc ta stojol li Aarone xchi'uc ta stojol scotol li achi'iltaque. Ac'o yac' sbaic o ta avajtunelic te ta ch'ulna pasbil ta nucul. Ja' tsventainic o li abtel te ta ch'ulnae.

Números 3:9

Voc'ol ac'o comuc avu'un scotol li levietique yu'un ja' no'ox ac'o tunicuc ta stojol li Aarone xchi'uc ta stojol li smomnich'nabtaque. Mu me jmojuc xcomic xchi'uc li yantic israeletique.

Números 31:30

Li yan jvoc' ti ja' xa ta sventaic li achi'iltac ta israelale, ja' li tsebetique, li vacaxetique, li buroetique, xchi'uc li chijetique, loq'ueso jujun ta lajuneb yoxvinic (50). Ja' xavac'be li levietique yu'un ja' sventainojic li cabtel te ta ch'ulna pasbil ta nucule”, xut.

Números 4:15

C'alal me laj yo'ntonic ta xpixel c'usitic chtun ta jventa li Aarón xchi'uc xnich'nabe, xchi'uc me lec xa chapal yu'unic sventa chich'ic batel c'alal chanovique, ac'o talicuc li smomnich'nabtac Coate. Ja' ac'o yich'ic batel scotol. Pero me jutuc mu me spic ta sc'obic li c'usi voc'bil cu'un sventa cabtele yu'un jech mu xchamic ta jtojol. Scotol li c'usitic chtun te ta ch'ulna pasbil ta nucule ja' yabtel chich'ic batel li smomnich'nabtac Coate.

Números 4:28

Ja' jech yabtel sme'ilalic li smomnich'nabtac Gersón tsc'an tspasic te ta ch'ulna pasbil ta nucule. C'alal tspas li yabtelic le'e, ja' q'uelbilic yu'un li Itamar, xnich'on banquilal pale Aarone.

Números 4:33

Li smomnich'nab Merarie ja' jech li yabtelic tsc'an ac'o spasic te ta ch'ulna pasbil ta nucule. C'alal tspas li yabtelic le'e, ja' chq'uelatic yu'un li Itamar, xnich'on banquilal pale Aarone”, x'utat yu'un Muc'ul Dios li Moisese.