Números 3:3 - Bible in Tzotzil de Chenalhó with Deuterocanon

³ Li xchanibalique ja' voc'bilic yu'un Dios, xchi'uc ja' t'ujbilic sventa ch-ochic ta paleal.

Bible in Tzotzil de Chamula

³ Ti xchanibalic taje laj yich'ic t'ujel ti ac'bat yabtelic yo' jech ta xtunic ta paleale.

Números 3:3 Iomraidhean Croise

1 Crónicas 23:6

Li Davide lic svoc'an ta jujuchop; ja' ti c'u x'elan voq'uemic li xnich'nab Levie. Ja' li Gersón, Coat, xchi'uc Merarie.

Éxodo 28:41

“Ja' jech sc'u'ic xavac'be slap li abanquil Aarón xchi'uc xnich'nabe. Ja'o xamalbe aceite ta sjolic, yu'un jech voc'bil chcomic o ta paleal cu'un.

Éxodo 40:13

Li Aarone ac'bo slap li ch'ul c'u'ile. Ja'o xajaxbe aceite ta sjol sventa voc'bil chcom o ta paleal cu'un.

Éxodo 40:15

Jaxbo aceite ta sjolic jech chac c'u cha'al chapasbe li Aarone, jech chcomic o ta paleal cu'un. Li aceite chamalbee mu xlaj sc'oplal o. Te chcom o c'alal ta yalab xnich'nabic li abtel sventa paleale”, x'utat yu'un Dios li Moisese.

Levítico 8:12

Ts'acal lic smalbe aceite sventa ich'ub abtelal ta sjol li Aarone, jech voc'bil icom o ta sventa paleal.

Levítico 8:30

Li Moisese la stsac noxtoc li aceite sventa ich'ub abtelale, xchi'uc juteb li ch'ich' te oy ta scajleb smoton Diose. La svijbe ta sjol li Aarón xchi'uc xnich'nabe. La svijbe c'alal ta sc'u'ic sventa paleal. Ja' jech voc'bil icomic o li Aarón xchi'uc xnich'nabe xchi'uc c'alal ta sc'u'ic sventa paleal.

Números 3:4

Pero li Nadab xchi'uc Abiue ichamic te ta xocol banamil ta stojol li Muc'ul Diose yu'un la xchiq'uic pom ta stojol Dios ta yipal yo'nton stuquic. Jech mu'yuc xnich'on icom xchibalic. Ja' xa no'ox Eleazar xchi'uc Itamar i'abtejic ta paleal. Ja' iq'uelatic yu'un li stotique, ja' li Aarone.

Hebreos 7:28

Li smantal Dios laj yal Moisese ja' no'ox la sliquesbe sc'oplal paleetic ti mu'yuc stsatsalique, ti cristianoetic no'oxe. Yan ti c'alal laj yich' t'abbel sbi Diose, ja' la sliquesbe sc'oplal jun Banquilal Pale sventa sbatel osil, ja' li Xnich'on Diose ti tuc' yo'nton o sbatel osile.