Números 3:25 - Bible in Tzotzil de Chenalhó with Deuterocanon

²⁵ Ja' ic'ot ta sventaic xchabiel li ch'ulna pasbil ta nucule. Ja' yabtel tsq'uelic lec li nuculetic sventa smac sjole, xchi'uc li poq'uetic sventa smac sti'e,

Bible in Tzotzil de Chamula

²⁵ Ti Axibalna ti bu nupel ta bee, ja' sbainojic ta sq'uelel ti c'usi oy yu'une, ti nuculetic ti ja' yaxibe, ti muc' ta poc' ti lich'il ta sti' ti Axibalnae.

Números 3:25 Iomraidhean Croise

1 Crónicas 23:32

Ja' oy ta yac'olic o xchabiel li ch'ulna pasbil ta nucule xchi'uc ti c'u smuc'ul smacoj li ch'ulnae. Ja' ventainbilic yu'un li xnich'nab Aarón ti jun sts'unubal xchi'uquique.

2 Crónicas 31:2

Li Ezequiase lic xchapan lec noxtoc c'u x'elan tsjelilan sbaic ta abtel li paleetic xchi'uc levietique, yu'un jech lec ta xchapalchapal tspas li yabtelic ta jujuvoq'uic c'alal chchic'beic smoton Dios, xchi'uc c'alal tsmilbeic smoton sventa co'ol yo'ntonic xchi'uque, xchi'uc c'alal tstojbeic ta vocol, c'alal chalbeic slequilal, xchi'uc c'alal chtunic ta stojol te ta ti'ch'ulnae.

Éxodo 25:9

Ti c'u x'elan chacac'bot avil senyaile, xchi'uc li c'usitic chacalbot tsc'an te chtune, ja' jech xapas.

Éxodo 40:19

Lic xlich'anbe li smac jole. Laj yac' noxtoc li yan smac sjol ti ja' xa ta sba yac'ol chc'ot, jech chac c'u cha'al albil yu'un Muc'ul Dios li Moisese.

Éxodo 40:28

Li Moisese ts'acal la sjoc'an li poc' sventa smac sti' ch'ulnae.

Números 1:50

Li levietique ja' no'ox te xavac' abtejicuc o ta jch'ulna pasbil ta nucule. Ja' ac'o sventainic o scotol li c'usitic te chtune xchi'uc scotol li c'usitic ja' sventa o li ch'ulnae. Ja' tsventainic yich'el batel noxtoc li ch'ulna pasbil ta nucule xchi'uc scotol li c'usitic te oye yu'un ja' te chtunic o ta ch'ulna pasbil ta nucul. Xchi'uc te ac'o spas scarpanaic ta spat xocon li ch'ulna pasbil ta nucule.

Números 10:17

Te Lic stitunic li ch'ulna pasbil ta nucule, jech li smomnich'nabtac Gersón xchi'uc Merari ti ja' ono'ox oy ta sventaic chich'ic batele, lic xanovicuc batel.

Números 3:24

Li banquilal yu'unic li jchop smomnich'nabtac Gersone ja' Eliasaf, xnich'on Lael.

Números 3:7

Ja' te ac'o tunicuc ta stojol li Aarone xchi'uc ta stojol scotol li achi'iltaque. Ac'o yac' sbaic o ta avajtunelic te ta ch'ulna pasbil ta nucul. Ja' tsventainic o li abtel te ta ch'ulnae.

Números 7:7

Li smomnich'nabtac Gersone laj yac'be chib caretaetic xchi'uc chancot vacaxetic, yu'un ja' jech chtun yu'unic ta sventa li yabtelique.

Marcos 13:34

Jech chac c'u cha'al jun vinic c'alal ta xbat ta nome, ta xac'be comel ta sc'ob smozotac li snae. Ta xalbe comel c'usi yabtel jujun. Li boch'o ja' yabtel ta xchabi ti'nae ta xalbe comel ti ac'o viq'uiluc o sat ta xchabiele.

Colosenses 4:17

Albeic Arquipo ti ac'o me sventain lec li yabtel i'ac'bat yu'un Cajvaltique, ac'o me c'otuc ta pasel yu'un.

1 Timoteo 1:18

Timoteo, vo'ot ti xco'laj xchi'uc jnich'onote, ja' jech li bijubtasel chacac'bote. Ja' co'ol jech chac c'u cha'al i'ac'bat sna'ic yu'un Dios ti laj yalic ta aventae, jech ac'o me persa scontrainel li c'usi chopole.