Números 3:16 - Bible in Tzotzil de Chenalhó with Deuterocanon

¹⁶ Jech li Moisese lic stsac ta vun scotol li levietic jech chac c'u cha'al i'albat yu'un Muc'ul Diose.

Bible in Tzotzil de Chamula

¹⁶ Ti Moisese laj spas ti tsacob-biile jech c'u cha'al albat mantal yu'un ti Diose.

Números 3:16 Iomraidhean Croise

Génesis 45:21

Li xnich'nab Israele la spasic jech. Li Josee laj yac'be batel li caretaetique xchi'uc sve'elic sventa be, yu'un jech laj yal mantal li faraone.

Números 3:15

“Tsacbo ta vun sbiic scotol li levietique. Lec xquechet xatsac batel ta jujubej snaic xchi'uc ta jujuchop sbiic. Tsaco ta vun scotol li queremetic xlic ta jun u svoq'uelic c'alal to ta moletique”, x'utat.

Números 3:17

Li xnich'nab Levie ja' Gersón, Coat, xchi'uc Merari.

Números 3:39

C'alal laj xa stsacbeic ta vun sbi scotol levietic li Moisés xchi'uc Aarone, lec ta xchapalchapal la spasic jech chac c'u cha'al i'albat yu'un Muc'ul Diose. Ti c'u yepal iloc' ta scotol li viniquetic ti xlic ta jun u svoq'uelic c'alal to ta moletique ja' chib xcha'vinic ta mil (22,000) ta scotol.

Números 3:51

Li taq'uine ja' laj yac'be ta sc'ob Aarón xchi'uc xnich'nab jech chac c'u cha'al albil yu'un Muc'ul Diose.

Números 4:27

Li Aarón xchi'uc xnich'nabe ja' ac'o yalbeic smomnich'nabtac Gersón li c'usitic yabtelique xchi'uc li c'usitic xu' chich'ic batele. Vo'oxuc avabtelic chavalbeic scotol li c'usitic ac'o spasique.

Números 4:37

Ja' jech yepal li smomnich'nabtac Coat ti xu' xa ch-abtejic ta ch'ulna pasbil ta nucule. Ja' ti c'u yepal iloc' yu'unic li Moisés xchi'uc Aarón c'alal la stsacbeic sbi jech chac c'u cha'al i'albatic yu'un Muc'ul Diose.

Números 4:41

Ja' jech yepal li smomnich'nabtac Gersón ti xu' xa ch-abtejic ta ch'ulna pasbil ta nucul. Ja' ti c'u yepal iloc' yu'unic li Moisés xchi'uc Aarón c'alal la stsacbeic sbi jech chac c'u cha'al i'albat yu'un Muc'ul Dios li Moisese.

Números 4:45

Ja' jech yepal li smomnich'nabtac Merari ti xu' xa ch-abtejic ta ch'ulna pasbil ta nucule, ja' ti c'u yepal iloc' yu'unic li Moisés xchi'uc Aarón c'alal la stsacbeic sbi jech chac c'u cha'al i'albat yu'un Muc'ul Dios li Moisese.

Números 4:49

Ti c'u x'elan la yich' tsacbel sbiique, ja' jech laj yich' pasel jech chac c'u cha'al i'albat yu'un Dios li Moisese. Xchi'uc ta jujuntal laj yich'ic albel c'usi yabtel ac'o spasic xchi'uc c'usitic oy ta sventa chich'ic batel jech chac c'u cha'al i'albat yu'un Muc'ul Dios li Moisese.

Deuteronomio 21:5

“Ts'acal ac'o noch'ajicuc batel li pale levietique, yu'un ja' t'ujbilic yu'un Muc'ul Dios chtunic yu'un, xchi'uc chaq'uic bendición ta sventa li Diose. Me oy c'opetic mu'yuc chapajeme, ja' chalic c'u x'elan chcom.