Números 3:10 - Bible in Tzotzil de Chenalhó with Deuterocanon

¹⁰ Xchi'uc ja' me xavac'be o comel ta sventa Aarón xchi'uc smomnich'nab li abtel sventa paleale. Me oy boch'o chlic scuy sba ta paleal ti c'alal mu ja'uque, ac'o yich' milel”, x'utat yu'un Muc'ul Dios li Moisese.

Bible in Tzotzil de Chamula

¹⁰ Va'i un, ac'bo comel ta yoc ta sc'ob yabtel ta paleal ti Aarone xchi'uc ti xnich'nabe. Mi oy buch'u ta stic' sba ta abtel ta paleal ti c'alal ma'uque, chapal sc'oplal ta xich' milel.”

Números 3:10 Iomraidhean Croise

2 Samuel 6:7

Pero li Muc'ul Diose i'ilin ta stojol Uza ta sventa ti jech la spase, jech te no'ox la smil ta ora ta sts'el li xcaxail smantal Diose.

1 Reyes 12:31

La spasbe snailtac noxtoc bu xu' chich'ic ta muc' li sdiosique, xchi'uc la st'uj paleetic yu'unic ti muc ja'uc levietique.

1 Crónicas 6:32

Ja' te iq'uejinic o ta yeloval ti'ch'ulna pasbil ta nucul c'alal to la spas yan ch'ulna yu'un Muc'ul Dios te ta Jerusalén li Salomone. Ts'acal te la sts'aquic yabtelic noxtoc jech chac c'u cha'al yabtelic ono'oxe.

Nehemías 6:11

Jech la jtac'be: “Li vu'une mu lecuc ti me chijatove, ti me ch-och jnac' jba ta yut ch'ulna sventa mu xilaj ta milele. Ja' yu'un li vu'une mu'yuc chi'och”, xcut.

Éxodo 29:9

Chucanbo lec li xchuquilal sc'u'ic jech chac c'u cha'al chapasbe li Aarone, xchi'uc meltsanbo lec li xpix sjolique. Jech yich'oj yabtel chcomic o avu'un. Jech mantal chcom ti ja' yabtelic oe.

Ezequiel 44:8

Yu'un muc xapasic li c'usitic tsc'an pasel ta sventa li c'usitic ts'u'iltasbil cu'une. Ja' laj avac'beic sventainic li yanlum cristianoetique’, uto.

Levítico 22:10

“Mu'yuc boch'o yan xu' tsti' li c'usi ts'u'iltasbil cu'une. “Me jvayna yu'un li palee, o me svinic ta abtel, mu xu' tsti' li c'usi ts'u'iltasbil cu'une.

Números 1:51

C'alal me yorail xa chaloq'uic batele, ja' oy ta sventaic chich'ic batel. Ja' tsmeltsanic lec scotol li c'usitic tsc'an ich'el batele, xchi'uc ja' chc'ot xcha'va'anic noxtoc ti bu chlic naclanique. Scotol li boch'otic chnopajic batel ta sts'el ch'ulna ti mu ja'uc oy ta sventaic sq'uelele, ac'o yich' milel.

Números 16:10

Li Muc'ul Diose jech la sc'an ti la st'ujoxuc vo'oxuc li levioxuque yu'un ac'o nopoluc oyoxuc ta stojol li Muc'ul Diose. Pero li' ta orae, chac'an chatic' abaic ta paleal noxtoc.

Números 16:35

Jech noxtoc la stac tal c'oc' li Muc'ul Diose, jech la smil ta c'oc' scotol li o'lol yoxibal ciento (250) viniquetic ti la xchiq'uic pom ta stojol Diose.

Números 16:40

Xchi'uc ja' sventa cht'ab o ta yo'nton israeletic ti mu xu' boch'ouc no'ox chnopaj batel ta scajleb smoton Dios sventa chbat xchic' pom ti me muc ja'uc smomnich'nab Aarone. Me oy boch'o jech tspase, xu' chc'ot ta pasel ta stojol ec jech chac c'u cha'al ic'ot ta stojol li Coré xchi'uc xchi'iltaque. Jech laj yich' pasel jech chac c'u cha'al laj yich' albel yu'un Muc'ul Dios li Eleazar ta sventa Moisese.

Números 18:3

Ja' no'ox xu' chascoltaoxuc ta abtel, xchi'uc ja' no'ox xu' tspasic li abtel te ta ch'ulna pasbil ta nucule. Pero mu xu' chnopajic batel te yo' bu oy li c'usitic te chtune, xchi'uc ta scajleb li jmotone. Me jech tspasique, ta me xchamic. Jech ta xachamic ec li vo'oxuque.

Números 18:7

Pero ja' no'ox vo'oxuc achi'uc anich'nab oy ta aventaic li abtel sventa paleal te ta scajleb jmotone xchi'uc li c'usitic tsc'an pasel te ta spat li veloe. Li abtel le'e, ja' no'ox vo'oxuc oy ta aventaic spasel, yu'un vo'oxuc t'ujbiloxuc cu'un sventa cha'ochic ta paleal. Me oy boch'o ch-abtej ta paleal ta yo'nton no'ox stuque, ac'o yich' milel”, x'utat yu'un Muc'ul Dios li Aarone.

Números 3:11

Li Muc'ul Diose la sc'opan li Moisese. Jech laj yalbe:

Números 3:38

Ta stuq'uil sloq'ueb c'ac'al ta yeloval li ch'ulna pasbil ta nucule, ja' te la spas scarpanaic li Moisés xchi'uc Aarón xchi'uc xnich'nabtac Aarone. Ja' la sventainic li ch'ulna pasbil ta nucule. Ja' q'uexolil ic'otic ta stojol xchi'iltaquic ta israelal. Me oy boch'o ta scuy sba ta paleal ti c'alal muc ja'uque, ac'o yich' milel.

Romanos 12:7

Me ja' amoton yu'un Dios chacoltavan ta c'usiuc no'ox abtelale, coltavanan me. Me ja' amoton yu'un Dios chachanubtasvane, chanubtasvanan me.

Efesios 2:19

Jech muc xa yanuc alumalic, muc xa yan cristianoucoxuc. Jchi'il xa jbatic, jun xa oyutic xchi'uc scotol li yantic yu'untac Diose, co'ol xa xnich'nabutic Dios lijc'ot.

Deuteronomio 18:5

Yu'un li jchop t'ujbilic ta scotol jaychop israeletique, ja' st'ujoj stuc li Muc'ul Diose yu'un ja' tsventainic yabtel Muc'ul Dios xchi'uc xnich'nabic xchi'uc c'alal ta smomnich'nabtaquic.

Hebreos 8:4

Ti li'uc oy ta banamil li Jesuse, muc x'och ta paleal ti jechuque, yu'un te oyic o li boch'otic ch-ochic ta paleal ti chaq'uic smoton Dios jech chac c'u cha'al chal li smantaltac Moisese.

Jueces 17:5

Li Micaiae oy sna yo' bu chich' ta muc' li sdiostaque, xchi'uc la spas jlic mocan c'u'il sventa pale xchi'uc diosetic sventa yajnil xnich'nab. Xchi'uc la st'uj jun xnich'on; laj yac'be yabtel ta paleal.

1 Samuel 6:19

Li Diose laj yac' chamicuc lajuneb xchanvinic (70) li viniquetic te ta Bet-semese, yu'un la sq'uelbeic yut li xcaxail smantal Muc'ul Diose. Li yajvaltac lume i'oq'uic ta scoj li tsatsal vocol i'ac'batic yu'un Muc'ul Diose.