Números 29:1 - Bible in Tzotzil de Chenalhó with Deuterocanon

¹ “Li sba c'ac'al ta svucubal ue, pasic jun ch'ul tsobajel ta jventa. Li jun c'ac'al le'e me junuc mu me boch'o spas jchopuc abtel avu'unic. Ja' yorail chajupanic li oq'uesetique.

Bible in Tzotzil de Chamula

¹ “Ti sba c'ac'al yu'un ti yucubal ue, oy ch'ul tsoblej avu'unic. Ti jech c'ac'al taje, mi jtosuc abtel ta xavabtelanic. Yu'un ja' o sc'ac'alil ta xavinajesic ta yoq'uisanel ti oq'uese.

Números 29:1 Iomraidhean Croise

1 Crónicas 15:28

Ja' jech laj yich'ic batel xcaxail smantal Muc'ul Dios scotol li israeletique. Xcuxet no'ox yo'ntonic tstijic batel sonetic, oq'uesetic, sepsep taq'uinetic, xchi'uc arpaetic.

Esdras 3:6

Ta sba c'ac'al svucubal u la sliquesic xchiq'uel li matanaletic ta stojol Muc'ul Diose, pero mu'yuc to'ox sliquesojic spasbel snacleb li ch'ulna yu'un Muc'ul Diose.

Nehemías 7:73

“Li paleetic, li levietic, li jchabi ti'naetic, li jq'uejimoletic, xchi'uc jayibuc israeletic, xchi'uc j'abteletic ta ch'ulna, xchi'uc scotol li jchi'iltactic ta israelale te bat naquiicuc ta slumal stuquic ta jujuchop”, xi ts'ibabil. C'alal ista svucubal ue, scotol li israeletique te xa nacalic ta lumetic yu'unic.

Nehemías 8:2

Ta sba c'ac'al yochel li svucubal ue, li pale Esdrase laj yich' loq'uel tal li svunal mantal te ta stojol scotol israeletic c'alal te tsobolic ta nopol ti'coralton Vo'etic sbie, te tsobolic c'alal ta vinic ta antsetic, xchi'uc li boch'otic xa'ibeic xa jutuc smelole. Li Esdrase te lic yapta ta stojol scotol israeletic li svunal mantale. La sliques ta sob c'alal to ta o'lol c'ac'al. Scotol li israeletique jun yo'nton laj ya'yic c'alal laj yich' aptael li mantaletique.

Salmos 81:3

Jupano avoq'uesic ti c'alal mucul ue, xchi'uc ti c'alal sepet ue, yu'un ja' sc'ac'alil li q'uin cu'untique.

Salmos 89:15

Muc'ul Dios, xcuxet no'ox yo'nton li boch'otic sna'ic yalel alequilale; ja' chanovic ta saquil osil avu'un.

Éxodo 23:16

“Pasic noxtoc q'uin ta sventa li c'usitic chloc' avu'unique, ja' li sba sat c'usitic ats'unoj ta avosilique. Xchi'uc pasic q'uin ta jujun slajeb jabil c'alal chlaj atsobic scotol li c'usitic ats'unojique.

Éxodo 34:22

“Pasbeic sq'uinal li Xemunaetique, ja' ti c'alal chloc' sba sat atrigoique, xchi'uc ti c'alal chlaj atsobic ta slajeb jabile.

Isaías 27:13

Ja'o yorail chich' jupanel li muc'ta oq'uese, jech chlic talicuc scotol li boch'otic spucoj sbaic batel ta yosilal Asiriae, xchi'uc li boch'otic chucbilic batel ta Egipto banamile. Te chvul yich'ic ta muc' ta ch'ul vits li Muc'ul Diose, ja' li Jerusalene.

Levítico 23:23

Li Muc'ul Diose la sc'opan li Moisese, jech laj yalbe:

Levítico 23:7

Ta sba c'ac'ale tsc'an chapasic jun ch'ul tsobajel ta jventa. Mu me xapasic jchopuc tsatsal abtel.

Zacarías 9:14

Li Muc'ul Diose ta xac' sba ta ilel ta stojol li steclumale; li flechaetic yu'une ja' jech chbat jech chac c'u cha'al sacsevul. Li Muc'ul Dios, ja' li Cajvaltique, ta sjupan li yoq'uese; ta sutub ic' ta xbat ta stuq'uil sur.

Números 28:26

“C'alal chapasic li q'uin sventa sba sat c'usitic chloc' avu'unic yu'un chavac'beic smotonin Muc'ul Dios li trigo sventa chlic xa atuch'ique, ja' li q'uin yu'un Xemunaetique, tsc'an chapasic jun ch'ul tsobajel. Li jun c'ac'al le'e me junuc mu me boch'o spas jchopuc abtel avu'unic.

Números 29:12

“Ta svo'lajunebal c'ac'al yochel li svucubal ue, pasic yan jun ch'ul tsobajel ta jventa. Li jun c'ac'al le'e mu me boch'o spas jchopuc abtel avu'unic. Te xlic apasic batel vucubuc c'ac'al q'uin sventa chavich'icun ta muc'.

Números 29:2

Li jmoton tsc'an chavaq'uic ti lec mu yiq'ue aq'uic jcot vacax, jcot chij, xchi'uc vuccot ch'ium chij ti jun to jabil svoq'uele, ti bu ven lequique.

Números 29:35

“Ta xvaxquibal c'ac'ale pasic jun ch'ul tsobajel ta jventa, me junuc mu me boch'o spas jchopuc abtel avu'unic.