Números 28:9 - Bible in Tzotzil de Chenalhó with Deuterocanon

⁹ “Ta jujun sc'ac'alil chacux avo'ntonique, tsc'an chavac'bicun jmotonin cha'cot ch'ium chij ti jun to jabil svoq'uelique, ti bu ven lequique, xchi'uc chanib kilo arina ti bu ven leque, vots'bil o ta aceite. Le'e ja' me li trigo ti chavaq'uic ono'ox jmotonine. Xchi'uc xavac'beic tal xchi'ilin ya'lel ts'usub.

Bible in Tzotzil de Chamula

⁹ “Ti ta sc'ac'alil cuxob o'ntonale, ta xavaq'uic cha'cot ch'iom tot chij ti yich'oj jun jabil ti mu'yuc jutebuc xchopolile. Jech xtoc ta xavaq'uic chanib kilo ninal trigo ti lec t'ujbil ti vots'bil ta aceitee, ti ja' matanal sat jchop o ta trigoe, xchi'uc xtoc ti vino ti ja' sts'aqueb ti matanale.

Números 28:9 Iomraidhean Croise

2 Reyes 4:23

Jech ijac'bat yu'un li smalale: —¿C'u yu'un ti chbat aq'uel ta orae? yu'un mu to ja'uc yorail q'uin sventa ch-uninaj u, xchi'uc mu to ja'uc yorail ta jcux co'ntontic —x'utat. —Mu c'u xal avo'nton —xi li antse.

2 Crónicas 2:3

Li Salomone jech laj yalbe batel li ajvalil Hiram te ta Tiroe: “C'uxubinun ec jech chac c'u cha'al laj apasbe li jtot Davide, yu'un laj atacbe tal ep ch'ut te'etic ti c'alal la sva'an li na bu chnaquie.

2 Crónicas 2:4

Yu'un li vu'une ja' ta jva'anbe xch'ulna li Muc'ul Dios cu'une. Ja' ch'ulna chcom o yu'un. Jech te ta jchic'becutic pom ta stojol, te ta jcholancutic o li pan ta stojole, xchi'uc ja' te ta jchic'becutic li smoton ta jujun sob, ta jujun mal c'ac'al, ta yorail ta jcux co'ntoncutic, ta yorail unin u, xchi'uc ta yorail muc'tic q'uinetic ta sventa Muc'ul Dios te ta Jerusalene, yu'un jech tsc'an ta jpascutic o vu'uncutic li israeluncutique.

2 Crónicas 8:13

Ja' jech c'ac'al laj yac' ti c'usi ora yaloj comel li Moisese. Ja' ta sc'ac'alil cuxub o'ntonal, xchi'uc ta sq'uinal ch-uninaj u,, xchi'uc ta yorail oxcoj muc'tic q'uinetic ta jun jabil: ja' ti c'alal tsve'ic pan mu'yuc yich'oj svolesubile, xchi'uc c'alal tspasic li q'uin yu'un Xemunaetique, xchi'uc li q'uin sventa ch-ochic ta yaxnaetique.

Isaías 58:13

“Chabiic me li sc'ac'alil chacux avo'ntonique; mu me xachonolajic, mu me xamanulajic ta yorail li ch'ul c'ac'al cu'une. Li jun c'ac'al le'e, ja'uc me sc'ac'alil ti xcuxet no'ox avo'ntonique; ja'uc me ch'ul c'ac'al chc'ot avu'unic sventa chavich'icun ta muc'. Tsotsuc me sc'oplal chava'yic, mu me bu xaxanovic; mu me xachonolajic, mu me xamanulajic; mu me xachapan ava'yejic.

Ezequiel 20:12

Laj cac'beic noxtoc li sc'ac'alil cuxub o'ntonal cu'une, yu'un ja' sna'ubil chcom ta stojolic xchi'uc ta jtojol, jech tsna'ic ti vu'un jts'u'iltasoj, vu'un li Muc'ul Diosune.

Ezequiel 46:4

Li jmoton tsc'an chiyac'bun banquilal avu'unic sventa chich' chiq'uel ta yorail cuxub o'ntonale ja' vaccot ch'ium chij xchi'uc jcot tot chij ti ven lequique.

Números 28:10

Le'e ja' me chavaq'uic sventa chachic'bicun ta jujun sc'ac'alil chacux avo'ntonic, xchi'uc li ya'lel ts'usub chavac'beic xchi'iline. Ja' slecoj o li jmoton ti yatelal tsc'an chachic'bicun ta jujun c'ac'ale.

Números 28:8

Li xcha'cotal chij ti chich' milel ta jujun mal c'ac'ale, ac'o yac'beic xchi'ilin yan trigo xchi'uc ya'lel ts'usub jech chac c'u cha'al li jmoton chich' aq'uel ta jujun sobe. Ja' jmoton chachiq'uic ti lec mu yiq'ue; ja' sventa chavich'icun o ta muc'.

Apocalipsis 1:10

Ta sc'ac'alil Cajvaltique la sventainun svu'el li Ch'ul Espiritue, jech laj ca'ay c'op ta jpat jech chac c'u cha'al ch-oc' oq'ues.