Números 28:7 - Bible in Tzotzil de Chenalhó with Deuterocanon

⁷ Li ya'lel ts'usub sventa chiyac'bicun ta jmotone ja' jun litro ac'o yaq'uic ta sventa jujucot chij. Li ya'lel ts'usube ac'o smaltaic o li yut ch'ulna pasbil ta nucul sventa chavich'icun ta muq'ue.

Bible in Tzotzil de Chamula

⁷ Ti jujucot chije, ta xich' ac'bel sts'aquebtac ta matanal jun litro vino. Ti vino taje, ta xich' malel ta Axibalna ti ja' sventa yich'obil ta muc' ti Diose.

Números 28:7 Iomraidhean Croise

Éxodo 29:40

Li sba cotal ch'ium chij chavaq'uique, ac'beic chibuc kilo lequil arina capbil ta jun litro yaceiteal oliva, xchi'uc maltao ta jun litro ya'lel ts'usub.

Éxodo 29:42

Le'e ja' li chic'bil matanaletic tsc'an chavaq'uilanic o ta jtojol achi'uc avalab anich'nabic te ta sti' li ch'ulna pasbil ta nucul yo' bu chajtaoxuc ta c'opanele.

Éxodo 30:9

Mu me c'usi yan xachiq'uic te ta scajleb li xchic'ubil pome. Mu me xachiq'uic yan pom, me chic'bil matanal, o me yantic matanal, xchi'uc mu me xamaltaic ta ya'lel ts'usub.

Isaías 57:6

“Israel, li tonetic ti lec xch'ulte-ch'ulte te ta soplejaltique ja' avu'un o. Le'e ja' xa dios c'otem o ta atojol, yu'un ja' te laj amal pasem ya'lel ts'usub ta sventa smoton; ja' te laj avac' li c'usitic yan chloc' avu'une. ¿Me toj xcuxet co'nton yu'un ti jech chapase?

Joel 1:13

Paleetic, lapic ch'ixlajan c'u'il sventa at-o'nton; j'abteletic ta scajleb matanal, juetanic ta oq'uel, yu'un chlaj xa sc'oplal ti chavaq'uic matanal, ti chavaq'uic ya'lel ts'usub te ta xch'ulna Dios avu'unique.

Joel 1:9

Li paleetic, li jtuneletic yu'un Muc'ul Diose ta x'oq'uic, ta xat yo'ntonic, yu'un ta xlaj sc'oplal yaq'uel li matanal, li ya'lel ts'usub te ta xch'ulna Muc'ul Diose.

Joel 2:14

Oy yic'al mu xayac'boxuc atoj li amulique; xu' ja' chlic stacboxuc tal li bendicione, ja' li ya'lel ts'usub xchi'uc li yantic matanal chavaq'uic ta stojol Muc'ul Dios avu'unique.

Levítico 1:9

Ts'acal ac'o sapbeic lec li sbiquile xchi'uc li yacane. Li palee ac'o xchic' te ta scajleb jmoton, yu'un ja' chic'bil matanal ti lec mu yic' chc'ot ta jtojol, vu'un li Muc'ul Diosune.

Levítico 23:13

Xchi'uc ac'o yich'ic tal o'lol yo'bal kilo arina ti bu ven lec, ti vots'bil ta aceitee. Ac'o yich' chiq'uel; ja' matanal ti lec mu yic' chc'ot ta jtojol; vu'un li Muc'ul Diosune. Li c'usi tsc'an sventa chich' maltael oe, ac'o yac' jun litro ya'lel ts'usub.

Números 15:10

xchi'uc yan chib litro ya'lel ts'usub yu'un ja' matanal chich' chiq'uel ta jventa ti lec mu yiq'ue.

Números 15:5

Jech noxtoc li milbil matanal jech chac c'u cha'al laj xa yich' alel tale, ac'beic xchi'ilin batel junuc litro ya'lel ts'usub li jujucot chije.

Números 15:7

xchi'uc ech'em jutuc ta jun litro ya'lel ts'usub, yu'un ja' matanal chich' chiq'uel ta jventa ti lec mu yiq'ue.

Números 28:14

Li ya'lel ts'usub chavac'bicun jmotonin sventa chavac'beic tal xchi'ilin li vacaxe ja' chib litro ta jujucot vacax. Ja' o'lol xchibal litro ta sventa li jcot chije. Ja' jun litro ta sventa li jujucot ch'ium chije. Ja' jech x'elan li jmoton tsc'an chachic'bicun ta jujun u ta sjunul jabile.

Números 28:31

C'alal chavac'bicun li chic'bil matanal le'e, xchi'uc li arina, xchi'uc ya'lel ts'usube, te me xavaq'uic o li matanal ti chich' chiq'uel ta jujun c'ac'ale. Li ats'unub avovolic chavac'bicun jmotonine, ja' me ti bu ven lequique.

Números 28:6

Le'e ja' li jmoton ti laj calboxuc ta vits Sinaí ti scotol c'ac'al chich' chiq'uele. Ja' matanal ti lec mu yic' ta jtojole.

Números 28:8

Li xcha'cotal chij ti chich' milel ta jujun mal c'ac'ale, ac'o yac'beic xchi'ilin yan trigo xchi'uc ya'lel ts'usub jech chac c'u cha'al li jmoton chich' aq'uel ta jujun sobe. Ja' jmoton chachiq'uic ti lec mu yiq'ue; ja' sventa chavich'icun o ta muc'.

Filipenses 2:17

Pero me tsc'an noxtoc ti chich' malel jch'ich'al sventa chich' ts'acubtasel li matanal chavaq'uic ta stojol Diose ja' li xch'unojel avo'ntonique, xcuxet no'ox co'nton. Me jech chc'ot ta pasele, tsc'an xcuxet no'ox avo'ntonic ec li vo'oxuque.